ليش الاجانب ينحفون اسرع :( ..؟

[د.راما]

:eh_s(2):مرحباا شلونكم ..

طبعا ماقصد المشاهير ادري في عمليات وغيره :eh_s(4):

المهم ندخل في موضوعنا الخطير

طبعا انا متعقده من وزني الي ماينزل الا لما تطلع روحي ومليت من كثر ما اتفرفر بالمنتديات واليوتيوب مثل اغلبكم بس لاحظت شغلة ان الاجانب ينحفووون بسرعه من تنظيم الاكل واحنا لاا !! لييييش
انا اقولكم ليش :eh_s(2): ..
لان احنا نسوي رجيم وننطر نتائج غير واقعية .. مثلا انا كنت احطلي اسبوع او 10 ايام رجيم واقول ابي انزل عليه 3 او 4 كيلو اوكي .. لما تخلص ايام الرجيم واشوف ماقدرت انزل هالعدد من الكيلوااات يصيدني احباااااااااط :eh_s(16):وترجع حليمة لعادتها القديمه :eh_s(8):
بس شوفو بعض الاجانب شيسوون وطبعا انا شايفة برامج وغيره لدرجه ان ينزلون بالشهر بس 4 او 5 كيلو !! " الي احنا نبي ننزله في اسبوع " !!
ف انا قررت اسوي هالشي .. لان منو احسن تنزلين 10 كيلو بـ شهرين ولا تحاولين تنزلين 10 كيلو ب اسبوعين وتفشلين و ترجعين تحطين عليهم جم كيلو و غير النفسية والعذاب ؟؟:eh_s(16):

وسويتلي رجيم منوع .. اول واحد مدته 15 يوم والمطلوب انزل 2.5 كيلو فقط .. وصارلي عليه 9 ايام ونزلت للحين 2 كيلو .. طبعا المفروض مااوزن بس قلبي عورني ههههههه :eh_s(4):

:ggdw::ggdw::ggdw:ف نصيحة يابنااااات خلووونا واقعييييييين بالنتائج الي نتمناها عشان نووووصل لهااا ..
لان الكل تعب ويبي ينزل بسرعه اكيد كلنا نتمنى هالشي بس هذا كلام غير واقعي للاسف :eh_s(2):ولازم نصحى من هالحلم ...

ملاحظه / الي حابه تعرف رجيمي تخبرني ..

ودمتم سالمين :eh_s(8):​

 

[VET-Nour]

الاجانب يتحركون و الخليجيين حدهم يحركون اصبع عشان يجيبون شغله /:

لو تشوفين حياة الاجانب ,, يقعدون الصبح + يسوون رياضة + يودون عيالهم و يردونهم + ماعندهم خدم + ينظفون البيت بنفسهم + ماشين ع نظام غذائي + ماياكلون اي شيء يقرون الليبل الي ع الاكل و بعدين يشترونه ,,

الخليجيين ,, اغلبيتهم يسهرون ويقعدون الظهر وله العصر + مايسوون رياضة + السايق يودي عيالهم و يردهم + عندهم خدم + الخدم ينظفون بيوتهم + ياكلون صحنين ع الغدا والعشى + يشترون الجمعية كلها و مايقرون الليبل ,


شوفي الفرق بينهم وبيننا ,,
طبعا الاغلبيه مو الكل , و اصلن البحر وله الممشى مهجورين تقريبا لانه بس الي يسوون رجيم اهم الي يروحون
المفروض يحافضون ع جسمهم بدال اخر شيء يروحون يسوون عمليات وله يقولون هذا ما نفعنا و مانفعنا ,,, لا واخر شيء يوم واحد رجيم و 10 فري


اللبن والروب زينين حق المعده عشان الهضم ,, الدهون تمتن لانه الجسم يخش الدهون عشان بعدين ياخذ طاقته

انا غيرت نظام اكليي كله ,, قطعت المشروبات الغازيه اشرب ماي او عصير و الريوق توست و مرتديلا انستريتد فات و جبن وعصير ,, الغدا نص صحن عيش /: , العشا خفيف مرات معكرونه وله توست وله بطاط شويه او اي شيء عادي بس مايكون فيه دهن واجد /: ,, و فواكه كـ وجبة خفيفه ,, ولما اقول فواكه يعني مو تشفطينه كل الي بلثلاجه , لا يعني حبه وحده بس ,
و عصير برتقال طبيعي زييين , و كثري من الماي ,

و طبعن لازم المشي ساعة ع الاقل باليوم ,

وزني نزل ما شا الله مع انه ما يحتاج انزل

جربي تسوين نفسي يمكن ينفع و ينزل وزنج

و الحرركه مهمه ,, و بعد ما تضعفين ان شا الله لا تخربطيين و يزيد مره ثانيه ,,

اي و بعد الككاو العادي يمتنّ ,, اكلي دارك جوكلت احسن

 

[بـ سـ كـ وتـ ة]

صح لسانج

إذا تبين موضوع الكل يقراه في منتدياتنا العربية بس كتبي نزلت 50 كيلو في شهر

المنتدى راح يعلق من كثر ما يدشون ناس عليه

أما إذا قلتي نزلت هالأسبوع كيلو أنواع الإحباط اتييج

تلقين يقولون لج أمبيه 3 أشهر ما نقصتي غير 10 كيلوات؟ شوية!

أحسن شي الواحد يحط له أهداف واقعية ويسعى إنه يحققها ويتوكل على الله وما يتأثر بكلام الناس

هذي الطريقة الوحيدة اللي ممكن توصلج حق أهدافج

 

[دلال كووول]

الله يعطيج العافيه
​

 

[أحلى البشر]

كلامج صحيح

اضافه الى ان الاجانب يحبون اجسامهم وايد مايدش شي حلجهم الا عارفين انه صحي وشنو محتوياته عكسنا اهم شي عندنا الطعم لذيذ !!

 

[الجمال العربي]

اي والله صاجه لوعه جبد

الحمدالله على الصحه والعافيه والخير احنا كل شي اكل من عذره الجسم ماسك نفسه مقرود


الله يضعفنا بصحه وعافيه

 

[modern]

اوافقك الرأي .مشكوووورة

 

[أإأم روويم]

أإأب أإأب

 

[ريم مزيونة 1996]

اي ولله اب اب​

 

[مناهل نايف]

اييييه والله الله يعييييننا يارب
بس الله يخليييييييييييييك خبريييييييييييينا عن ريجيييييييمك تكفيييييييييييين

 

[نـعـومـه]

حبيبتي تبين تضعفين كرفي بالبيت عدل كرفي بشغل البيت وشغل عيالج هنيه بتضعفين وسألي مجرب

 

[د.راما]

بنات ابشركم خلصت رجيم اسبوعين و نزلت 4 كيلو :d:d رغم ان كان ببالي فقط كيلوين ونص ....

اسمعو الرجيم .. شهر كامل تقسمين ايامه على اكثر من رجيم يعني مو رجيم واحد ثابت طول الشهر لان احنا نمل بسرررعه ونحب التغيير .. اول شهر سويتلي رجيم 15 يوم .. بعدها رجيم 5 ايام .. بعدها 3 ايام .. بعدها 7 ايام ( اسبوع) ...

الاول 15 يوم :

الفطور: على كيفج بس يكون مبكرررررر يعني ساعه 8 او 9 شي مهم ( كنت اكل سوسج او ساندويش تونه او فاصوليا او سلطه مكرونه خفيفه مع فواكه و شاي او زبادي و اكل كل الي خاطري بس مفيد طبعا )

الغذا والعشا تختارين لكل واحد فيهم صنف واحد بسسس :

سلطه او زبادي اي نكهة او 3 فواكه او ذرة او سلطه روب بالخيار او توست لبنه وخضار او اي شي ثاني مفيد بس مو لحوم ..

وملاحظه : ناااامي جوعااااانه .. وشربي ماي وااايد و بما ان احنا مانقدر نخلي حلجنا مصكوك ف انا ساعات اسوي لي بوب كورن لاااايت بدون ملح وبدون زيت .. سااده . بس مو كل يوم طبعا ،،

بعد ال 15 يوم في يوم بريك ..

الرجيم الثاني بو 5 ايام ولان مدته قصيره ف اهو شوي صعب يوميا :

فطور : فاكهه
غذا : شوربة اي نوع ملح خفيف
عشا : زبادي اي نكهة

وبس كلها 5 ايام تستحملينها وبعدها بريك و تروحين لرجيم ال 3 ايام

رجيم 3 ايام :
فطور : زبادي
غذا : 6 ملاعق مكرونه او رز مع خضار طازجه او مطبوخه .
عشا :لبن

وكملي على هالنمط قسمي ايام الشهر لاكثر من رجيم و بينهم يوم بريك .. و خلي النتائج منطقية بحيث ان كل الشهر تنزلين 6-8 كيلو فقط ..

وبالتوفيق ياحلوات ادعوووولي ..​

 

[ام تركي العنزي]

الاجانب مايهتمون بالنظافه مثلنا وعندهم طفلين بس اذا كثروا ثلاثه وبعدين من قال انهم ضعاف هم مثلنا فيهم النحيف والسمين شوفي نسبه السمنه كل مالها ترتفع

 

[سلاسل الذهب]

اشلونكم بنوتات صح الحركه فيها بركه اختي تقولي كل يوم الصبح تشوف امريكي تقريبا عمره ٦٠ يركض يوميا وجسمه ماشالله رياضي ومشدود واحنا بلع ولا نهتم بالرياضه موليه الله يعينا

 

[متجر جنات عدن]

مووووووووفقه

 

[r1ksa]

احنا صح نهتم بالطعم و طز بالاكل .. اصلا ما نعرف نطبخ طبخات عالميه

حتى مطاعمنا كل اكلنا دهن و كريمه خفق

لكن لو اكلتي الاكله الاصليه من اهلها تلاقينها مختلفه جدا

الاكل الايطالي مثلا .. احنا كله جبن سايل و قشطه .. بالواقع هم يستخجمون افخر انواع الاجبان .. موزاريلا طازجه و غرغنزولا و ايدام و يستعملون زيت الزيتون اللي لونه اخضر من كثر ما هو فرش و الثوم الطازج و البيستو الطازجه مو دهن معلب مع ملح و مسمينه جبن! والا زيت سيارات و يقولون لنا زيت زيتون!! و صلصات معلبه لا لها طعم ولا لون ولا ر يحه


و اذكر لما كنت اشتغل بمستشفى . كان في دكتور بريطاني يتحلطم علينا
يقول ان السعوديين كسالى ما يمشون و لما ناقشته فشلني
هو طبيب جراح يعني دوامه قمة الارهاق + عنده مناوبات ليليه + كان عمره في 2006 حول 55-56 سنه و مع كذا قبل الدوام لازم يجري 45 دقيقه

و بعد الدوام اشوفهم والله الاجانب اميركان و اوروبيين وجنوب افريقيا كللللللهم يلبسون السنيكرز و يستعدون للمشي

و غداهم كان سلطات مع دريسينق ((هذا المتان)) اما الضعيفات حيل سلطه بدون دريسينق و حبه موز او تفاح


و حنا يالسعوديات نعبي صحوننا من البوفيه .. بعدين صرت اسوي زيهم

ما افطر الا كوفي مع حليب او كوفي لحاله .. و فطوري غلط طبعا

الغدا سلطة دجاج مع دريسينق قليل الدسم + حبة كوكيز <<< يعني حلى بدال الفاكهه

و بالليل كنت غالبا اكل خضار من البيت

و كنت امشي كثير لان المبنى كان ضخم .. كنت انحف يسهوووووووووووله

اما الحين لو اشرب بس ماي ما انزل لاني ما اتحرك كلش من مكتبي

ولا اسوي رياضه كلش

الرياضه اللي انتظمت عليها هي السباحه فققققققققققققط لانها وناااااااااااااسه وتشيل السلولايت و التوتر والضغط النفسي و ترجعين البيت مستانسه ومنتعشه وتشد الجسم بشكل خرافي و تنحف بشكل اخرف

 

[شربـــات لـــوز]

موووووووووفقه
ان شاءالله تضعفين
وصحيح بالنسبه للاهداف المفروض تكون واقعيه عشان مايحوشنا احباط