ليش البنات بالمنتدى طيبين وبرا نحس ( الأغلبيه )

[Be colorful]

قوة بنات شلونكم شخباركم

في شغله وااااااااااايد اشوفها وملاحظتها
ابي اقولها وقولوا رايكم بعدها
بس قبلها ابيكم تعرفون ان ما أقصد كل البنات لأ انا اشوف انه الأغلبيه
واذا انا غلطانه قولولي

ببدي معاكم :

بالمنتدى البنات ماشالله طيبين ونصايح واذا سألتي عن اي شي تلاقين جوابه
سواء (مشكله اجتماعيه - استفسار جمالي - مشكله صحيه ) كل شي تقريبا تلاقين رده
مايمديج تحطين شي إلا البنات ماشالله كلهم ساعدوج ( عسى الله لا يغير عليهم )
عشان ماتقولون حاسدتكم

انيي الحين حق الحياة الواقعيه بعيد عن المنتدى واللاب توب والنت

البنات بالحياة الواقعيه مايساعدون بعض جذيه مو الكل الأغلبيه
يعني انا اقولكم شلون اضربلكم مثل :

مثلا بنت عمج . ولا بنت خالتج . ولا وحده بالدوام سأليها مثلا من وين شاريه هالبلوزه
ولا من وين هالملفع ولا من وين هالحمره على طول تقولج والله مادري هديه
ولا بضاعه من برا مو من الكويت

ولا اذا متفخه خدودها تسألينها وين تافخه قالتلج لاااااااااا طبيعي انا متنانه
ولا اي دكتور مركبه حلقه ولا شنو رجيمج قالتلج لاااااااااااا انا ما اكل من نفسي وقمت امشي شويه

ولا عاد اذا طابخين أكل عاد هالشي يبط جبدي لأن صار معاي
تسألينها شلون مسويته طبعا ماتقدر تجذب تقول مطعم لأ
راح تعطيج المقادير ناقصه وانتي ياغفلين لكم الله رحتي الجمعيه كودتي هالأغراض وبالآخر طلعت الطبخه غير
يعني الفول ينقلب حمص

والله شي يبط الجبد

واللي يبط الجبد أكثر تلاقينها مشتركه بالمنتدى وتساعد كل الناس بس بالصج لأ نحيسه ليش مادري


هااااااااااااااا بنات شرايكم بكلامي غلط ولا صح ؟

 

[شويهينه]

بصراااحه صح في ناس جذي


عاد تدرين حراااام

تدرين بعضهم عندهم السالفه هينه

بس لو يدروون شنو عقابهم يلجمون بلجام من نار


عالعموم الله يكافينا شرهم ويهديهم


ولاتعصبين يا ام المقالب انتي واختج خخخخخخ

 

[Be colorful]

لوووووووووووووووووووووووووووووووووووووووول
تسلمين يا قلبي
انا سالفتي انا واختي ماتوقعت جذيه كل الردود طابين فيني
والله قاعده اتغشمر
بس ماعليه تمونون

 

[حامله القنديل]

اي ساجه
100\100 كلامج سح

 

[^_^ حوراء ^_^]

الحمدلله انا ما مر علي اني سألت وحده عن شي و ما رضت تقولي

بالعكس انا طبعي اذا عجبني شي على وحده حتى لو ما اعرفها اسألها و اتقولي

يعني مره وحده بالسوق سألتها من وين عبايتج قالت لي من محل بس ما اعرف لا رقمهم ولا مكانهم
جان اتدق على حماتها و تاخذ منها رقم المحل و عنوانهم .. يحليلها و الله وقفت و دقت على جم وحده يالله ردو عليها


هم في ناس نحس الله يسامحهم عاد ما حب هالطبع

^_^

 

[.● Softiah ●.]

منو إلي طاب فيج إنتي وإختج ! <<<<< واااي آنا أم اللقافة
الحمدالله آنا كتاب مفتوح ما أحب أخش شي لي أحد سأنلي
بس إلي تخش عني حريمتها أعلمها عن شي تسألني عنه .. إي والله
العين بالعين مو

 

[Stylista_Q8]

ما مروا على هالنمونه

لني مو من النوع اللي احب أسأل من وين وجذي

بس وايد اسمع عن هالبنات النحس

 

[حبيبة الماما]

اى والله صاجه واايد بنات جذى وفى منهم من اهلى بس شنقول بس والله انا مااتوب اذا سالت وماردوا على ولا جذبوا اخر اللى عندى انا كله ...

 

[راعية القيمر]

حبيبتي ساعات المكان يحكم عليج طبع معين يعني إنتي في الدوام تكونين بنت ثقيله ولج شخصيه مختلفه عشان محد يستغفلج أما في البيت لا عادي بين أهلج تكون شخصيتج غير وعفويه وكثير من عندنا تكون شخصيتهم مختلفه حييييييييل اذا كانت من ورى شاشة الكمبيوتر بحكم إنهم ناس مايعرفونج وبجذي تقدرين تتواصلين معاهم من غير تردد وتسألينهم اللي بخاطرج وهم من جانبهم بعد يعطونج النصيحه لأننا احنا البنات فينا طبع نحب نسااااعد الغريب أكثر من القريب لأنه تحسين إنه الغريب أهو اللي يستاهل ويبين في عينه صراحه ماادري اذا كلامي صح بس هذا اللي أحسه

 

[ناعم العود305]

ما مر علي هالنوعيه الي اسالهم يعلموني

 

[Miss.6Mo7]

مآمرو علي :$

 

[ام سعود ديكسون]

شوفي انا شخصيا لي رفيجات بالدوام ما ابخل عليهم بالمعلومة بس الباجي ما يمونون علي لانها تسالج عن اساسج او رجيمج او هدومج بطريقة اللهم ياكافي عيونها بتطلع من الغيرة ونبرة صوتها تفضحها
والغرض الحش والحجي الماصخ مو علشان تستفيد لا علشان تقول حق الناس الخبر الاكيد هههههه
بس صدقيني اعامل كل انسان بالمثل ويمكن المنتدي بناته كريمات بالنصيحة ليش ما اعاملهم بالمثل واكون اكرم
بس امانة ما عمري سالت وحدة بالسوق او معرفة او صديقة وردتني يمكن انتي معارفج نحس ههههه
تقبلي مروري

 

[الغاليه نونو]

النحاسه موزينه يمه لوكل بنت تقرا حديث الحبيب صلي الله عليه وسلم قال.........من سئل عن علم فكتمه ألجمه الله بلجام من نار يوم القيامة


اللجام اللي يحطونه بحلج الحصان اظن تعرفوونه يعني ماكو نحسااااء بعد اليوم

خل يلبسون وياكلون ويسوون مثلج مافيها شي بفلووسهم بالعكس والله انا بالعكس اطامر من الوناسه لي سألوني وعلمتهم ومرات اصير بخور السوق اتحجا قبل مايسألوني


ياحلوووووووها البنت لي صارت سمحه وصارت عينها متروسه واللي تحبه لنفسها تحبه لغيرها هالنوع من البنات اهم بنات المنتدي

 

[shai5at al3arab]

انا ماااا اسئل فما اعاني من هالمشكلة

 

[FunKa]

صح والله

إهنيه أموت أموت أموووووووووت على الجمعه

وأحب المنتدى بإلي فيه أحسهم بنات الكويت كلهم متجمعين

بس برى مادري ليش ماألاقيهم نفس هنيه ههههههههههههههههههههههه


...

 

[%عـجـمـيـه صـريـحـه%]

النحيسه تحصلينها بكل مكان نحسيه بالنت ولا برا

بالنسبه لي أشوفها غباء تعتقد ما راح يجي اليوم نعرف فيه إذا كانت إهي نحسيه في غيرها طيبه

حب لأخيك المسلم ما تحبه لنفسك

 

[الصعيريه]

اي والله انج صاجه بالصج لو سألتي راح تتهرب من السؤال لييييش مادري الله يهديهم ...

بس طبعا موكلهم

انا اشوف بنات المنتدى كلهم عسل ..الله لايغير إن شاءالله

 

[ورده صفرا]

حبوبه دايم الوقع غير عن النت انا معاج في بنات انجس ما خلق ربي بس بالاب ملائكه الله يعفو عنا وعنهم

 

[MoonDiamond]

انا ياما شفت من هالاشكال.. تسالينها من وين الشغله الفلانيه؟؟ تقولج من السوق!!!!!!!!!!!!!
عاد انا عبالي من الجمعيه!!!!!!!!
وانا ما اعلم اللي ما يعلموني صراحه..

 

[آلسحرآلحلال]

اي ولله فرق شااااااااااااااااااااااااااااااااااسع ...