ليش البنت ال.... زوجها خااااتم و خروف عندها

[قمة^الانوووثة]

السلااااااااااااام عليكم بنات
ان شاء الله مرتاحين؟
بنات انا باختصار قاعدة الاحظ شغلة بما اني بنت و معاشرة البنات و عارفتهم و اختلطت بمليون بنت بس اللي يحصل كالتالي:
ان البنت اللي رايحة فيها او اللي ما تحترم اهل زوجها و طاقتهم بالطوفة او اللي و انتم بكرامة وسخة فبيتها و بنظافتها !!
زوجها يحطها على راااااااااااااااااااااااااااسه و مايرفض لها طلب يعني عندنا نقول عنها )) غلاااااية((
مادري اذا هالكلمة تتداول كثيرا او لا؟
انا اعرف وحدة زوجها فري حده و مدة و اهي عاشقتلها واحد و هالبنت تشتغل بمكان كله بنات و متغطية كل هذا لان حبيبها اللي شارط عليها مو زوجها و الا زوجها فلة حدها
و تخيلو لما تطلع ماتدق على زوجها بالمرة بس تخاااف موووت من حبيبها!!!!
و هم زوجها فري عادي!!
اهي تسكر التفلون بوجه زوجها و حبيبها يسكره بوجهها!!!!!!!!!!!!!! اللهم لا شماته
و بنت ثانية زوجها عسل و اهي تنام مع حبها بفراش زوجها و فبيته!!! مع انها صغيرة عمرها 18!!!
و وحدة لاعنة خير اهل زوجها و ماتحترمهم و زوجها اذا اهله بغو شي منه يقولهم شوفو فلانة!!!


بنات الله يهديهم و يسعدهم و يرزقني بس و الله سبحان الله ماني عارفة السر!!
و انا خلف الله زوجي مع انه حليو بس ساعات بنات يتغثث لي و يعكر مزاجي !! و ربي فوق عالم و شاهد اني مع اهله اعاملهم مثل اهلي و اكثر و اهم بعد حليوين معاي بس بصراحة انا ما اضمن يتمون على هالحال دايما و الله يهديهم
و زوجي احبه و ادلعه و اعامله مثل رفيجي مو بس زوجي و ما اخليه يطلع متضايق بس بنات ودي تفهون اللي بقلبي انا زوجي فجاة قال ابيج تتغطين من فوق لتحت!!!!
اهو اخذني و عارف ان اهلي ما يتغطون و انا شكلي محترم حده!!! و قبل ماكنت اعرف شلون يلبسون العباية و لبستها عشانه!!
انا ما اقصد شي بس في بنات ما تفرق معاهم هالاوامر انا تفرق !! شسوي؟
و الله ما ابالغ بنات انا طبعي اكون منظرة للشخص انا اهو حلو معاي اصير احلى و على كثر ما يدلعني و يريحني اريحه فوق ما يتصور
قاعدة افكر ليش هالصيع و البنات اللي من النوعيات اللي ذكرتها تحصل اللي تبي و زوجها خاتم و خروووف عندهم!!!!!!!!!!!!!!!!
ابي احد يستوعبها معاي و يعلق بليز

 

[a7la MUM]

رد : ليش البنت ال.... زوجها خااااتم و خروف عندها

حبيبتي قولي الحمدالله على كل حال..

شدعوة البنات اللي على قولتج مرتاحين؟لاحبيبتي منو قال؟بذمتج هاذي حياة
قووووووولي الحمدالله على كل حال
يشرط عليج تتغطين ولا يصبحج بطق ويمسيج بطراق صح حبيبتي؟
الف الحمدالله على كل حال

 

[++MesK++]

؛
؛



فديتج حبيبتي



انا شفت النوعيه اللي انتي تكلمتي عنها _( الله يستر عليهم )_

واايد شفت مثلا" : اللي ما تحترم زوجها ولا اهله بس تشوفين زوجها يموت فيها و اهله يحبونها


و اللي على قولتج رايحه فيها بس حظها حلو بالزواج و بكل شي




بس هذا مو مبدأ ولا ( قاعده )


يعني مو كل البشر جذي


و ياما بنات محترمات و ينحطون ع الجرح يبرا و حظهم حلو و حياتهم ولا اروع



؛
؛

 

[aldanaha]

رد : ليش البنت ال.... زوجها خااااتم و خروف عندها

في مثل قديم وانتوا ابكرامه ايقول حظها حظ(..........................)
اكملوا الفراغ

 

[قمة^الانوووثة]

رد : ليش البنت ال.... زوجها خااااتم و خروف عندها

اكيد احمد ربي على كل شي بس ودي اعرف السر اللي يخلي الزوج ما يرد زوجته طلب بعد اكثر من هالراحة شنو يبي لا حنة و لا طلبات تكسر الظهر و لا هواش و لا مشاكل!!

 

[Sweetq8]

مو شرط هذيل شواذ من للقاعده

الحمدلله ياربي رحلي يحبني ولا يرضا علي وعند اهله كلمتي ماتنزل القاع و و و و شغلات واجد كلها من فضل ربي <<< يعني أنا فيني شي << مثلاا يعني

انتي قولي الحمدلله والله هذيل مايشوفون الراحه وبيجيهم يوم

بس تعمييمج غلط مو كل وحده ..... زوجها خاتم بصبعها

 

[تعويذه الحب]

دشي موضوعي مال بنات الليل بتعرفين الاجابه

 

[ام زاكي]

تدرين ليش لانه ربي يمهل لهم في الدنيا على شان يحاسبهم في الاخره بالعكس ربي حابج
والي ربي يحبه يبتليه صدقيني فرحي وستانسي على الي انتي فيه ربي يأجرج على كل عمل تسوينه

 

[قمة^الانوووثة]

رد : رد: ليش البنت ال.... زوجها خااااتم و خروف عندها

دشي موضوعي مال بنات الليل بتعرفين الاجابه

اننننننننننننننجش ياخوفي يعرف سوالف بنات اللي اعوذ بالله و باجر يقول منو علمج
لا انا اتكلم عن اللي اعرفهم و حتى في بنات غريبات هم جذي صج في بعضهم ازواجهم يطقونهم و يهينونهم بس البنت تسوي اللي تبي و زوجها يرضى ما يعارض!!!!!!!!!!!!!

 

[احلى سماء]

يمكن الرجال مايستحقون المراه الكامله المكمله اللي محترمته واهله ومحترمته ببيته ونظيفه

 

[هرانية وأفتخر]

رد : ليش البنت ال.... زوجها خااااتم و خروف عندها

الطيبون للطيبات

والخبيثون للخبيثات



ماكو شي اسمة الخربانة والوضخة الله يعطيها احسن الرياييل

والمحترمة الله يعطيها اخيس الرياييل


اللي تقول ريلي لاعن خيري وأنا أحسن الناس اقولها






اســـــــــــتريييييييييييحيييييييييييييييييي






هرانية وأفتخر​

 

[رووووفان]

رد : ليش البنت ال.... زوجها خااااتم و خروف عندها

أول شيء ان الله يمهل ولايهمل
والحمدالله الذي عافانا هذول البنات شروا الدنيا وباعوا الأخرة شيسوى عليها لوماتتت على هالحالة

وبعدين مو شرط حبيبتي بس هذول البنات حظوظ قايمه اشكثر محترمات وسنعات ورياجيلهم حيييل زينين معاهم وأهم شيء الراحة النفسية وهذول مو مرتاحين بحياتيهم وتلاقين كله يحسون بضيقة أنا أعرف وحده من هالنوع استغفرالله

والواحد عليه بالدعاء لأن الله هو الوحيد القادر ومبدل الأحوال
:e3:

 

[}{نرجسيهـ}{]

•



اناااااا اشهد انج قلتي اللي بخاطري من زمان


لاحظت حريم الله بالخير وعايشه احلى عيشه لا وفتح لها زوجها بي ام الجديد لوووووووول اللهم لاشماته بس شالفايده ..


الحمدلله على كل حال ع الاقل انام مرتاحه واقعد مرتاحه اهم شي مرضيه ربي وزوجي ..~

 

[اشتياق]

الله يستر على بنات خلق الله ويهديهم
انا ماشفت هالنوعيه
بس شفت المهمله الوسخه حيل قايم حظها ...!!!

 

[ما كو اسم]

انتوا لكم الظاهر ما تدرون شنو الريال

 

[ما كو اسم]

الله يستر على بنات خلق الله ويهديهم
انا ماشفت هالنوعيه
بس شفت المهمله الوسخه حيل قايم حظها ...!!!

موجودين وبقوة:weight_lift::weight_lift::weight_lift:

 

[ديور88]

كل هذووول تعرفينهم
ليش وين عااايشين
بنيويــورك < متعوب عليها هههه


المهم
اللي نيتها صــافيه
والله راح تصير اسعـد انســـــانه !!!!!

 

[(المباركيه)]

الله يعامل كل انسان ونيته <وعلى نياتكم ترزقون>
النماذج الي تكلمين عنها موجوده وكثييييييييييييييييييييير حولنا وواقع مانقدر ننكره شيلي منهم الغير شريفات لاني ولله الحمد ماصادفت ناس كذا لكن الله سبحانه وتعالى له حكمه في كل شيء.

 

[~بنت مطير~]

رد : ليش البنت ال.... زوجها خااااتم و خروف عندها

والله صدق اعرف وحده
بيتها غلط في غلط وغرفتها وصخه
وزوجها طاير فيها
ووحده ثانيه لاعبه في اهل زوجها
وزوجها يمشي تحتها
بس الواحد مايدري يمكن مومرتاحين

 

[TamraBarney]

رد : ليش البنت ال.... زوجها خااااتم و خروف عندها

فعلا البنت المهمله والوسخه تلاقين زوجها بس يفكر شلون يرضيها

اعرف وحده الله يستر عليها مشكلجيه وحساسه لدرجة ماتكمل في مكان شغل سنتين الا وهي مفصوله من كثر مشاكلها

عيالها ماتردسهم ولا تأكلهم ولا تهتم فيهم ولا تدري عنها

زوجها هو اللي يدرس ويسبح ويتابع

حتى طبخ في الغالب هو اللي يطبخ وهو بنفسه يقولنا ارجع من الشغل ادخل المطبخ اسوي الغدا

وذا سافرت الخدامه هو اللي يكنس وينظف

وهي بس تنام وتاكل وتتفرج عالتلفزيون وتمد لسانها على زوجها صراخ ومشاكل

وبعد هذا كله يموت فيها موت وياويل اللي يفتح فمه بربع كلمه

لدرجة طردت امه من البيت وبدل مايهاوشها راح اتصل على امه قالها احسن تستاهلين وحجز لمرته لشرم الشيخ عشان تروق مزاجها بعد هالطرده



:denya:​