ليش الخدم ما يقعدون عندي؟

[ام شريفه]

السلام عليكم بنات

انا والله تعبانه مع الخدم كلما اييب خدامه بعد فتره تقول انا بروح المكتب و علا اقل زفه يبون يروحون ليش؟؟؟ شنو المشكله؟ الي اقصده اشلون اتعامل معاهم؟ لي ضحكنا ابويهم ويلاه ولي عفسنل ويهنا هم ويلاه

عفيه ابي مشورتكم و نصايحكم ابكيفيه التعامل مع الخدم

انا ساكنه ابشقه صغيره و عندي بنتين صغار وحده تروح الحضانه ووحده بالبيت وانا اطبخ لمن ارد من الدوام و ماحب الدثره احب كلشي مرتب

والحين انا عندي فلبينيه مسيحيه مسترجعه زينه و نظيفه بس لي قلتلها شي و ما سوته رفعت صوتي وانا اكلمها بس! عادي عاد احسها تصير مادري اشلون و صارلها الحين عندي يومين اشلوت اتعامل معاها عشان تقعد عندي؟

عفيه بنات ساعدوني تعبت ابي نصايحكم عن كلشي

 

[الخاتم الذهبي]

طيب انا اقلك انا كنت زيك اصارخ مع الخد ومااافاد بعدين سرت طيييييبه ومافااااد

لقيت الحل خليك حكييييمه ولاتصارخين اذا غلطة بس قليلها ليش كذا وسوي الشغله بنفسك وولاتعطينهم وجه بس خليك طيييبه وتجاهلي حركاتهم وخليك باااااااااارده والله بعد فتره بحسوون ان حركاتهم ماتفد
واذا غلطت بشي فاااادح عاقبيه قوليلها روحي غرفتك بكل بروو د وحزم وطنشيها سوي شغلك بنفسك بعد فتره بتجي تتاسف
بس اهم شي ماتصارخين عليهم او تخاصمينهم واذا خربة عليك شي قولي الي خربتيه باخذه من راتبك برضه بكل بروووود ولاتصارخين او تزعلين بالعكس خليك رااايقه


واهم اهم شي ارحميييييها اذا ماتسوت شغلها او ماسمعت كلامك انتي سوي بدالها والله راح بعد فتره تسمع كلامك وتحبك وتحس ان العناد وخبث مايفيدهم



ان شاء الله تستفيدين لاني كنت اعاني مثلك مع خادماتي والحين اتخذت هذي الطريقه ورتحت

 

[ام شريفه]

والله انا الحين قاعده اسوي ااشغل الي ما يسوونه بس يختج تعبت


مشكوره بعد عمري عالنصيحه

وينكم بنات

 

[ديانا سبنسر]

فهميها شغلها بهدوء وبدون صراخ ولاتعطينها وجه ولاتقطين معاها الميانة قولي لها سوي جذي وبس ولي طنقرت احقرييها وعطيها طاف اهم شي تعطينها معاشها بوقته ويكون لها وقت تاكل ولها وقت محدد للنومة وتشترين لها ملابس وبس تحمدربها

 

[عزة وكبرياء]

والله حبيبتي انا نفس حالتج وما ادري شلون أتعامل معاهم أخر وحدة دلعتها وتنام مبجر وانا اطبخ واعطيها وما نقصتها شي من ملابس من اكل من أشياء خصوصية وتنام من العشر وبعدين قامت تتركني وتروح تنام بغرفتها ولا تسأل عني وكل ما ابيها ألقاها بدارها نايمة ولما قلتلها ليش نايمة كل ساع طنقرت وحملت جنطتها وقالت ابي اروح المكتب والمشكلة زوجي اللي قمت اخاف اقوله ابي خدامة كله عباله ان أنا اطفشهم ؟؟؟؟؟؟؟:bbbiu: حسبي الله والله تعبت ومو عارفة شسوي​

 

[ام شريفه]

اخيييه بعد عمري والله نفس مشكلتي ريلي حسباله انا الي انحش الخدم والله انا مشكلتي لي طيحت الميانه معاهم سبحان اله ما يحترمونج الا لي نفستي عليهم!!

ولا اشرايكم؟

 

[كتالونيه]

مرحبا
اختي اول شي انتي الي عندج مسترجعه
تدرين يعني شنو يعني انها فاهمه اذا ماعجبتيها في غيرج
يبونها
نصيحه قدمي ع وحده جديده ماتفهم شي انتي بالنسبه لها
امها وابوها وتخاف وماتدري ان المكاتب بالهبل
الي ماتعرف علبالها اذا رديتيها بتتوهق وشلون ابصرف على اهلي
امي دايما تجيب خدم جدد تقول علشان يقعدون سبع سنين واعلمهم
شوي شوي
المعامله ويا الخدم ع حسب الخدامه في خدامات يهاوشونج اذا هاوشتيهم
نصيحه قدمي ع خدامه وبيعي خدامتج باعلى سعر
والله ترتاحين

 

[ام شريفه]

و انطر شهرين ولا ثلاثه بدون خدامه؟

ماااااقدر

 

[ام شريفه]

فديتكم بنات علا مروركم

 

[جمبلو جمبليله]

اليسا ثروتها 11 مليون وماعندها خدامه يعني انتي احسن من اليسا ؟؟

 

[ms_kakawa]

الصراحه مايفيد شي مغير يتزاعلون مال تعطون الوحده طراق عشان تتادب

 

[Om_Ksha]

منو قال !! اذكر عضوه يابت اثيوبيه تقول كانت عند اليسا !! ههه مايندرا عاد ..

وكبريااااااااااااء عمتي يابت خدامه بقراطيسها تنطر بهالاشهر على مايت .. ولمن يت تقول بيت كبير !! معلمينها من هناك

 

[كتالونيه]

اااااااااااااااااااب

 

[om MaRyooM]

والله اختي مو بروحج تعانين
انا متزوجه من٤ سنين وهذي رابع شغاله اييبها لوول
مادري شسالفتهم قطيعه يتشرطون ومايعجبهم شي
ولما اصير حبابه واسولف واراعيهم يستغلونج عبالهم غبية
وشغلهم يصير مقرف

الحل انج تعاملينها بالحسنى
يعني خلج رسميه حيل واذا شي ماعجبج كلش لاتعلين صوتج
بس علميها شلون تحبين الشغل

انا شغالتي اليديدة عندي من شهرين
طبعا شغلها مثل ويهها استغفرالله بس ماصارخ ابد
كل يوووم اقولها ماما انا شنو قلت؟ انا يقوول ابي بيتي داايما مرتب ونظيف
مايبي عفيسة وغباار وانتي اكيد نظيفة وتعرفين تشتغلين

جذي اكلمها لووول وعمج اصمخ

 

[Behtar]

والله حتى انا اعاني الي عينها زايغه والي ثوله وكله مريضه والي شغلها مو راضي يتعدل والي همها النون وكله نايمه
والله ريلي والناس الي حولي عبالهم انا انحشهم من كثر العاهات الي مروني يقولون معقوله ولاوحده صاحيه صرت انا موحقت خدم
اخرتها موراضي اييب لي خدامه !! شذنبي ياربي صج ليقالوا الخدم حظوظ
بس شسويت عطيت ابوي من معاشي ع اساس طلبيتي من نيبال ويديده. ووايد تاخرت غريبه على ان نيبال بسرعه يوصلون
وادعوا هالمره تكون زينه واتم معاي ويكفيني شرها يارب

 

[Behtar]

والله حتى انا اعاني الي عينها زايغه والي ثوله وكله مريضه والي شغلها مو راضي يتعدل والي همها النون وكله نايمه
والله ريلي والناس الي حولي عبالهم انا انحشهم من كثر العاهات الي مروني يقولون معقوله ولاوحده صاحيه صرت انا موحقت خدم
اخرتها موراضي اييب لي خدامه !! شذنبي ياربي صج ليقالوا الخدم حظوظ
بس شسويت عطيت ابوي من معاشي ع اساس طلبيتي من نيبال ويديده. ووايد تاخرت غريبه على ان نيبال بسرعه يوصلون
وادعوا هالمره تكون زينه واتم معاي ويكفيني شرها يارب

 

[ام شريفه]

والله اناا بعد ريلي قالي دفعي من فلوسج تخيلي!

ان شالله ياربي تكون زينه و تقعد عندج....انا هذي الي عندي ما اصرخ عليها لووو شنو سوت عشان بس تقعد و اذا خلصت شغل اخليها تنام حتا لو الساعه 8 و نص بليل

لان الشغل خالص

فاستانست!!!