ليش الخيار جذي غالي

[BlackRose]

السلام عليكم بنات


اليوم رحت الجمعية بشتري خيار

ومثل ماانتوا عارفين الخيار بالذات مالنا غناة عنه

والا الكرتون الصغير بدينار و310 فلوس

ليش جذي صار وايد غالي:eh_s(2)::eh_s(2):

يعني كرتونين بدينارين و620 فلس

قبل كان الكرتون على 300 فلس بالكثير نص دينار

شالسالفة

 

[قوطي نيدو]

اف شدعوه

 

[أنفاسي دخون]

هي جت عاى الخيار بس كل شي طاير سعره يحسبونا قاعدين على برميل نفط حسبي الله ونعم الوكيل

 

[عــاشــقــه]

إيهـ ؤالله
أشتري شي رؤحي بآجر تلآقين سعره دبل
كل شي صآر غآلي مؤ بس آلجمعيآت
الله يعين

 

[BlackRose]

عاد كل شي الا الخيااااااااااااااااااااااااااار



انا صيف وشتا ماستغني عنه


صار سعره مو طبيعي

واللي عنده 6 او 7 ياهال بالبيت شيسوي

اذا كل يوم يبي له نص كرتون

يعني اكثر من 15 دينار بالشهر بس خياااااااااااااااااااااااار

 

[نووووونا]

صاجه بالجمعيه على دينار


وابوى شاريه من الفرضه مالت الشويخ ب نص
بس شيودينا هناك


اشدعوه جذيه غالى ,,,,,,,

 

[توت عنكبوت]

كل نوع من الخضرة له موسم والحين الظاهر مو موسم الخيار

عشان جذيه زاد سعره

 

[حلاها بلاها]

كل سنه مثل هالوقت يقل محصول الخيار بسبب البرد.. فشي طبيعي يزيد سعره

 

[برنسيسة زمااني]

بسبب الصعيق

حايش مزارع العبدلي والوفره صعيق اتلف الخضار

نطروا شهر و يرد ينزل سعره

 

[FRuiT ZaBaDi]

فعلا انا اؤيد كلام البنات الظاهر بهالفتره موموسم الخيار لان الجو بارد ومحصول المزارع يحوشه صقيع وكل المعروض بالجمعيات مستورد من بره يعني موانتاج محلي فعشان جذي غالي

 

[أمونه الأموره 2007]

واااااااااااااااي ليش جذي
لهالدرجه
الله يعينا

 

[جوجو.]

يعني يت على الخيار اذا الخباز غلّى سعر الخبزه يت على الخيار

 

[قهوة برية]

يادافع البلا ...!!!!

 

[هدولى]

اى والله صاير غالى أمس شريته من مركز سلطان 1,350 تقريبا الظاهر على شان برد .

 

[فراشة نونو]

هالايام اصلن صاير كل شي دبل

 

[الام المحبه]

الاسعار صارت نااااااااااااااااااااااااااااااااااااااار الاكل والتموين والجمعيات والمطاعم
زين حق الرجيم )))))))))))))))))))))))

 

[SILVER ROSE]

مثل ماقالوا البنات علشان الصقيع
الله المستعان

 

[ضحكة الدنيا]

الخيار صاير مثل البورصه مره بالعلالى ومره نازل
بس بهالفتره فعلا غلا وااايد

 

[المقروده]

بصراحه انا ما اشتري الخضر والفواكه الا من الشويخ جمعية المزارعين مادري شسمها بصراحه اول شي الخضره طااااازجه والوانها اتهبل واتجيب العافيه وليما الحين الخيار عندهم ب300 فلس وشوي والخس الامريكي تاخذين كرتون فيه 6 حبات بسعر مو طبيعي صدقوني لا تشترون خضره من الجمعيات اول شي غاليه وبعضها تلقينها قديمه لها اسبوع او اكثر

 

[jolie_q8]

تم نقله للقسم المختص