ليش الصديقة تتغير بعد الزواج ؟؟ تفضلي ياعسل ؟؟

[حبيبة أهلها]

السلام عليكم ورحمة الله وبركاتـــــة :

هلا حبيبات قلبي حبيبت نسوولف وندردش عن تغير الصديقة بعد الزواج وهذا الحوار اللي دار بيني وبين صديقتي مع بعض الاضافات ههههههه؟؟

حبيبة : تتوقيعين الصديقة تتغير بعد الزواج

فلانة : اكيد هذا شئ مافي شئ 100%

حبيبة : !!! ليش بالعكس بعد الزواج تكون ناضحة اكثررر وراح تلجأ لك اكثررر بحكم انة مسئولياتهم زادت وتحتاج انها تفضفض وتأخذ المشورة منك بالصغيرة والكبيرة بغض النظر عن الخصوصيات طبعااا

فلانة : صدقيني حبيبة راح تتغير 180 درجة ولاتظنين انها بتكون مثل الاول بيشغلها الزوج والبيت وبعدها العيال

حبيبة : بس صداقات الطفوله او اللي من سنين مستحيللل تتغير

فلانة : انا مصرررررة على راي وانتي بكيفك ههههههه


حبيبة : وانا بعد مصرررة على رايئ والصديقة المخلصة مستحيل تنسى صديقتها وايامهم الحلووة حتى لو اشغلتها الدنيا



الحين ودي اعرف رايكــــــن وقصصكم بعد زواج خواتكم صديقاتكم انشغلووو عنكم تغيرووو ؟؟؟ والتصرف الحكيم اللي تصرفيته مع هالمواقف وانا عندي قناعه انة حتى لو انشغلت مستحيل تنساني او تقصر معاااي


اختكم : حبيبة اهلها

 

[C'est La Vie]

انا عندي حالتين مختلفتين بقولج عنهم
وحدة تعرفت عليها بالجامعة وصرنا حييييييل مع بعض
كل يوم دوامنا مع بعض دخلتنا طلعتنا مع بعض
المهم تزوجت البنت
والله وكيلج من يومها ما شفت رقعت ويهها
وصارت الطيبة ما ترافج الا متزوجات كبر راسها

مثال الثاني صديقة عمر من الثنوية
تزوجت لهت ما اقولج ما لهت
بس ظلت على اتصال ونشوف بعض بالجامعة وبين وقت ووقت نتزاور
ما حصلت قطاعة
والله لا يغير علينا

فأنا رايي ان حسب الانسانة ومعزتج بقلبها
اذا وحده مقزرتها عليج باجر راح تشيخ ويكبر راسها
اما اذا انتو على قلب واحد حتى واهي متزوجة راح تدق عليج تسأل عنج
لأن خايفة ما تبي زواجها يخرب علاقتها فيج
ويعطيج العافية عالطرح الجميل