ليش المعلم ينهان ؟؟؟؟؟؟؟؟؟؟؟؟؟؟؟؟؟؟؟؟؟؟؟

[أمـيـرهـ بكلمتي]

السلام عليكم


معلمات ورئيسات اقسام

شرايكم بالناظره اللي تسب وتغلط وتهين ؟ ؟؟؟؟؟؟؟؟؟؟؟؟؟؟؟؟؟؟؟؟

وشنو تسوين لو الناظره غلطت عليج بدون غلط انتي مسويته ؟؟؟؟؟؟؟؟؟؟؟؟


يعني بصراخ وسب

ابي اللي صارلها الموقف تقول وشنو احسن رد لها ؟

لاتقولون اشتكي


لان اللي يشتكي مايحصل غير انهم يحطون عليها زياده


انا صراحه كتبت الموضوع من القهر ليمتى اسكت



وليش المراقب بالمنطقه او المدير او الاعلى منهم ماينزل قرار باحترام المعلمين

شنو المعلم صار للاهانه ؟


ليش مايحطون لهم حد ليش الصراخ والاهانات ؟ انا ودي يحاسبونهم وينزلون قرارات بدال القرارات اللي ماتسوى

مفكرين احنا مرتاحين بدواماتنا

مومهم الشغل المهم الاحترام والمعامله

إلا الظلم على فئه معينه بالمدرسه ؟؟؟؟؟؟؟؟ ليش مايساوون بين الكل

ليش التفرقه


وكأننا لا بنات حموله ومتربين أحسن تربية


حسبي الله ونعم الوكيل

 

[sdn chocolate]

بصراحه اذا اهانتى ارد عليها بالمثل وكيفها ما اشتغل عندها...
حسبى الله ونعم الوكيل في كل ناظره ظالمه..

 

[درة أهل الطولات]

رد : ليش المعلم ينهان ؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يعين
بس لو انا جان رديت عليـهاا

 

[^noonaa^]

وااااااااي صج حريتيني
واتي سكتي لها ?*

حبيبتي وقفيها عند حدها وقولي لها احترمي نفسج وانا ما اشتغل عندج

واشتكي عليها*

 

[ضايعه بالطوشه]

رد : ليش المعلم ينهان ؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يباعدنا عن هالناظرات

والله يعينج

 

[مزيـانه]

انتي ماالج حق تسكتين لها

تهينج و ترضينها على نفسج؟؟؟؟

انا لو منج اتنح جدامها و اقولها احترميني مثل ما انا محترمتج

و اذا ما احترمتيني راح اضطر انا بعد اغلط عليج

قوليلها و الله الحين ادق على الشرطة جدامج عشان ايون .. و ارفع عليج قضية اهانة موظف

و لا قوليلها الحين الحين اطلع من المدرسة و اروح اشتكي عليج بالمخفر .. و باجي المدرسات شهود

ما يردني اكبر راس عنج!!!

شنو الدنيا فوضه؟؟؟

هذي مشكلة بنات الفقر اذا شافوا ناس تحتهم .. يبون يدوسونهم مثل ما طول عمرهم كانوا مديوسين

محديثين النعمة مشكلة

 

[james546613]

مع كل اسف المعلمات واقول البعض منهم يتلوقون وايد وياخذون النزرة ورفع الصوت من المديرة والموجهة بردا وسلام ...لان البعض مايعرف حقوقة وحدود كل مسؤول ...ويقول الله كريم ...نعم الله كريم بس الله على الظالم ...ولازم من تتعرفين على مسؤولج لازم تعرفين حدودة معاج بالاشارات او فيس تو فيس علشان تفرضين احترامك ...البعض يطالع ملابسج والبعض يطالع اسم العايلة والبعض يبيج مكرافة وهذا مقياس ماله وجود في الحياة ..والي تقيس بهذا المقاس ناقصة وجاهلة ويكثرهم في المدارس ....بسسسسسسسسسسسس من اوجد هذي الفئة في المدارس الي سمح لنفسة بالتنازل علشان تقرير ولا درجة

 

[مطيريه ماركه]

رد : ليش المعلم ينهان ؟؟؟؟؟؟؟؟؟؟؟؟؟؟؟؟؟؟؟؟؟؟؟



لآ تسكتين لهآ

مآصآر لي مشآدة مع نآظرتي وعسى مآيصير وهي لسآنهآ فآلت ولآ تحترم آحد !

وطبعي مآرآح آسكت

آشتكي عليهآآآ لآ تسكتييييييييييييين

 

[ضحـاوي]

ماحصل ان صار موقف بيني وبين اي ناظره من ناظراتي نفس هالموقف

ولو حصل سواء كنت غلطانه او مو غلطانه مالها حق تصرخ علي او تهيني

واذا صرخت علي اصرخ عليها واعطيها نفس اسلوبها

 

[قـہۈه فـرنسيـہ™]

والله تخسي تطوول صووتها ...>>اذا كلش خربت العلاااقه ...هدديها بالمخفر ...مو بالمنطقه عشااان تقرقع عظامها

 

[الصارووووخ]

رد : ليش المعلم ينهان ؟؟؟؟؟؟؟؟؟؟؟؟؟؟؟؟؟؟؟؟؟؟؟

والله صاجين البنات* الناظرات اذا شافوا اللي تسكت لهم زادوا عن حدهم
وياما شفت الهوايل من هالناظرات لكن حبيبتي والله مااسكتلهم لاني كنت اعاملهم باخلاقي
لكن اكتشفت ماكوا فايده فيهم ولا ينفع فيهم الذوق اذا كرهوا وحده احرقوها حرق الله ياخذ اللي خلا الحريم يتولونا
مريضات نفسيا ويفرغونها فينا بس ما اقول الا حسبي الله ونعم الوكيل علي كل ظالمه​

:yaaaaaarb:

 

[ورود وأزاهار]

رد : ليش المعلم ينهان ؟؟؟؟؟؟؟؟؟؟؟؟؟؟؟؟؟؟؟؟؟؟؟

هو الصراحة الإهانة مو جديدة على المعلم ، المعلم ما يدري منو طقاقه ،، لكن المثل يقول
يا فرعون اش فرعنك ،، قال ما لقيت أحد يردني ،، واللبيب وأنا أختك يفهم

 

[Turquoiseya]

لان الوزارة وقوانينها التعبانة حاطة اكس على جبهة المعلم
ومسهلة الامور للنظار والوكلاء (طبعا الحريم بالذات ) انهم يتعدون على المعلمين
بل صار عندي يقين ان كل ما الناظرة او الوكيلة تمادت في اهانة المعلم كلما زادوهم درجات التقارير و ممكن يودونهم سفرة استجمام لكندا كمكافأة على اهانتهم للمعلم

تكفون قولوا لي كم ابلة اشتكت على ناظرة بالشؤون القانونية وشرشحوا الناظرة؟ مافيه
انسوا ان الوزارة تتخذ اجراءات صارمة ضد اي شخص يهين المعلم
الوزارة براسها اهانتنا الين قالت بس وللحين ماخلصت منا

واللي يزيد الوضع بعد ضد المعلم لما تكون التقارير سرية ، فتتلاعب فيها الناظرة لين تقول بس اذا اهي حاقدة
او توصي رفيجتها الناظرة النسرة الثانية انها ماتقصر في تكسير المعلمة اذا نقلت لمدرستها

احنا نداوم وسط عصابات مو بين اوادم تربويين

الله يعينا وبس

 

[أمـيـرهـ بكلمتي]

شكرا على الردود

بنات لو رديت عليها شنو باخذ منهم ؟ بيحطون علي زياده وياكثر مارديت ومافيها فايده


ولاتقولون اشتكي والله لو اشتكي ماراح احصل شي

لا توجيه يوقف معاج ولا احد

حتى التوجيه مامنه فايده بس يبون يكسبون الاداره لمصلحتهم

وجودهم مثل عدمهم


وان قلتلها بروح المخفر وقالت روحي شسوي هههههههههههههههههههههههههههههههه ومومعقوله اروح المخفر اقول صرخت علي

انا اللي ابيه يشددون على الاحترام بالمدارس

يعني المعلم مهنته لها الاحترام مو الاهانه

بس شاطرين يزيدون المناهج ويمددون الدوام هذي شطارتهم ويبون يقلدون اليابان

اليابان ناس راقيه بتعاملهم محترمين منظمين

مواللي عندنا الحمدلله والشكر

يعني يامسئولين حسوا على دمكم واحترموا المعلم

اللي مايغلط ينغلط عليه واللي يغلط غلط بسيط ينسب وينهان جنه مسوي جريمه ؟

ليش مافي اسلوب بالتعامل عمر الاهانه والصراخ ماعطى نتيجه

 

[محبوبه25]

رد : ليش المعلم ينهان ؟؟؟؟؟؟؟؟؟؟؟؟؟؟؟؟؟؟؟؟؟؟؟

وي الله يعينج

انا اقول انتقلي

 

[مزيـانه]

شكرا على الردود

بنات لو رديت عليها شنو باخذ منهم ؟ بيحطون علي زياده وياكثر مارديت ومافيها فايده


ولاتقولون اشتكي والله لو اشتكي ماراح احصل شي

لا توجيه يوقف معاج ولا احد

حتى التوجيه مامنه فايده بس يبون يكسبون الاداره لمصلحتهم

وجودهم مثل عدمهم


وان قلتلها بروح المخفر وقالت روحي شسوي هههههههههههههههههههههههههههههههه ومومعقوله اروح المخفر اقول صرخت علي

انا اللي ابيه يشددون على الاحترام بالمدارس

يعني المعلم مهنته لها الاحترام مو الاهانه

بس شاطرين يزيدون المناهج ويمددون الدوام هذي شطارتهم ويبون يقلدون اليابان

اليابان ناس راقيه بتعاملهم محترمين منظمين

مواللي عندنا الحمدلله والشكر

يعني يامسئولين حسوا على دمكم واحترموا المعلم

اللي مايغلط ينغلط عليه واللي يغلط غلط بسيط ينسب وينهان جنه مسوي جريمه ؟

ليش مافي اسلوب بالتعامل عمر الاهانه والصراخ ماعطى نتيجه

أعرف وحده وهي بالمدرسة دقت على 777 و قالت حق الناظرة والله ان ما رديتي اعتباري لا ارفع عليج قضية و اشرشحج

حبوبة احنا فعلا صعبه علينا ندش مخافر .. بس مو صعبة ان الشرطه ايون المدرسة ((اذا الاهانة كبيرة و فعلا ما ينسكت عنها))

و اعرف مدرسة دقت على 777 لأن ولي امر صرخ عليها و اسحبوه جنه خروف العيد ههههههههه :dddds:

اذا التربية ضدنا .. الداخلية ما تقصر .. الله يعزها

 

[zezetaa]

رد : ليش المعلم ينهان ؟؟؟؟؟؟؟؟؟؟؟؟؟؟؟؟؟؟؟؟؟؟؟

والله اصكها بدباسه الخشب على عينها ماكو شغل تصارخ وتسب وتغلط هذا اللي ناااقص
مانشتغل عندهاا ترا مصخوها هالادارات يبيلهم طق

 

[*سويسرول*]

حسبي الله ونعم الوكيل<<<<والله ان هذا افضل سلاح دافعين فيه عن نفسج

 

[أمـيـرهـ بكلمتي]

ههههههههه مزيانه والله ماشاء الله عليها زين سوت فيهم اتمنى اصير مثلها

وصاجه سويسرول هذا افضل سلاح اقوله دايما

حسبي الله على كل ناظره ووكيلات ظالمات

حيل مستقوين يعني حتى التوجيه الحمدلله والشكر مامنهم فايده بس مبطله حلجها تبي تضبط الناظره

حسبي الله ونعم الوكيل

زيزيتا هههههههههههههههههههههه اي والله جان زين

 

[سفيرة العشق]

رد : ليش المعلم ينهان ؟؟؟؟؟؟؟؟؟؟؟؟؟؟؟؟؟؟؟؟؟؟؟

والله للأسف المعلم صار مصخرة عند اللي يسوى واللي ما يسوى
الشرهة على الوزارة اللي مو مخلية للمدرس مكانة