ليش الناس ماقاموا اودون ماكنتوش بالمناسبات ؟؟؟

[**فلونه**]

قوه بنوتات


شلونكم شخباركم عساكم بخير


شوفوا حبايبي اليوم أنا طحت مريضه بعيد الشر عنكم شوي و قعدت أدلع وريلي بسوي الواجب دش على البيت ويايبلي ماكنتوش جنا من أيام قبل الغزو


والله الصراحه أهبل طحنا على طيحه ...........من البنفسجيه و المرسيدس ....و الخبزه على قولة ريلي ............واللي بالبرتقال تينن والفراوله ........الخ


عاد طرى بالي الموضوع صج بنات ليش لما نزور احد بالمناسبات صرنا نفتشل انودي ماكنتوش أكون دقه قديمه ؟؟؟

واذا في احد يايب الكل اقول واي شخباري

يعني سعره مو رخيص وايد يعني في ناس تفتشل اتيب ماكنتوش وربعه من الجمعيه واهم مايقدرون على الغالي وروحون ايبون من الفيصل بورد .....والله حرام في الفلوس الكاكاو أغلبه يابس و تلقين طبقه دهن على .........وسعره أغلى


والله أحسن ان احنا صرنا وايد انبالغ بأتفه الامور ...........ومرات نهمل الواجب عشان انودي شي غالي ؟؟؟ ولاشرايكم ؟؟

 

[زيـنـه]

رد : ليش الناس ماقاموا اودون ماكنتوش بالمناسبات ؟؟؟

و الله صاجه فلونه .. و ماكنتوش ما فيه شي بالعكس ماركه و زين بس الناس تغيرت و المظاهر طغت عليها و الشكل يهمهم حيل .. عموما ما تشوفين شر و بالعافيه على الماكنتوش

 

[**فلونه**]

رد : ليش الناس ماقاموا اودون ماكنتوش بالمناسبات ؟؟؟

هلا زينه الشر مايج حبيبتي ..........اي والله صار الشكل مهم والسعر أهم عند الناس


وانا غرضي من الموضوع مو بس ادافع عن الماكنتوش لا عن المظاهر اللي طقت على مجتمعنا بشكل مو طبيعي وصار تقيم الانسان على كمالياته مو أخلاقه ودينه و علمه .........ليش ؟؟

وبعد شوي اقولكم موقف مر على صج صج ضيق خلقي من موضوع المظاهر

 

[حبيبي الوطن]

رد : ليش الناس ماقاموا اودون ماكنتوش بالمناسبات ؟؟؟

ناطرينج فلونه ... شوقتينا على الماكنتوش صج يا زينه

 

[**فلونه**]

رد : ليش الناس ماقاموا اودون ماكنتوش بالمناسبات ؟؟؟

اي والله حبيبي الوطن ينن مايتقاوم .........واي السالفه طويله وانا تعبت من امس وانا اكتب اذا ريحت اكتبها

 

[حبيبي الوطن]

رد : ليش الناس ماقاموا اودون ماكنتوش بالمناسبات ؟؟؟

شوقتيني فلونه حدج لول ولا الحمره المدوره يبيله لا رد السايق ادزه

 

[**فلونه**]

رد : ليش الناس ماقاموا اودون ماكنتوش بالمناسبات ؟؟؟

حبيبي الوطن يبيله واحد ثاني بعد هههههه لا اخترب الرجيم من قلب

 

[kajool]

رد : ليش الناس ماقاموا اودون ماكنتوش بالمناسبات ؟؟؟

ما تشوفين شر فلونه شوقتينا على الماكنتوش

 

[حبنا الله عليه]

رد : ليش الناس ماقاموا اودون ماكنتوش بالمناسبات ؟؟؟

سلامات **فلونه** وماتشوفين شر
يم يم يم يم فتحتي شهيتي على الماكنتوش
بطرش على واحد
وبعدين على قولتج كاكاو الماكنتوش اطيب واحلى طعم بالكاكاو كله
الله وكيلكم احنا اهواش على البنفسجية

والناس ماتقدمه ليش يمكن العلب عادية خبركم يبون فخامه وحركات
وهلم جرااااااا ​

 

[**فلونه**]

رد : ليش الناس ماقاموا اودون ماكنتوش بالمناسبات ؟؟؟

صاجه حبنا الله شحلاتهم بس الناس قاموا اودون حركات


عاد تذكرون قبل الناس داخله معاها ماكنتوش وكراتين عصير ..........شرايكم انعيد موضة اول لوووووول عاد والله الناس هبه اقلدون بسرعه

 

[الغلاااااااكله]

رد : ليش الناس ماقاموا اودون ماكنتوش بالمناسبات ؟؟؟




سلاماااااااااااااات فلونه

ماتشوفين شر





يا سلام يا حلو الماكنتوووش
حلو شحلاته
وعلى قولة حبنا الله عليه
ترى هم انا احب البنفسجيه
خخخخخخخخخخخخخخ


بعدين عادي ودي ماكنتوش مافيها شي بس غيري علبته
حطيه في سله وفيها حركات احاى << عشان شكلها احلى
وبسسسسس
اوكي فلونه ولايهمج بنعيد زمن الماكنتووووووش

 

[**فلونه**]

رد : ليش الناس ماقاموا اودون ماكنتوش بالمناسبات ؟؟؟

هلا والله فيج بشووووووووره نورتي الموضوع

 

[@ الرسامة @]

رد : ليش الناس ماقاموا اودون ماكنتوش بالمناسبات ؟؟؟

ما تشوفين شر يا فلونة



وصج الماكنتوش له طعم غير


والواحد يقعد له قعدة بس لا تطلع لي ذيج الصفرة الطويلة والله انقهررررررررررر

 

[**فلونه**]

رد : ليش الناس ماقاموا اودون ماكنتوش بالمناسبات ؟؟؟

اي صاجه رسامه تحر هل صفره الطويله ........عاد تصدقين عيال خالتي يتهاوشون عليها ....ذوقهم غريب عكس الناس

 

[منوره]

رد : ليش الناس ماقاموا اودون ماكنتوش بالمناسبات ؟؟؟

ههههههههههاي يحليلكم يالله فلونه قولي سالفتك ناطرينج 00 وانا احب بعد البنفسجيه والمرسيدس

 

[Dancing^Queen]

رد : ليش الناس ماقاموا اودون ماكنتوش بالمناسبات ؟؟؟

فلونه
كح كح كح كح
انا مرييييييييضه
كح كح كح كح كح
انا تعباااااااااااانه








تيبين لي ماكنتوش
اموت عليه والا الخضره اللي سووها زرقا
امووووووووووووووووووت عيها
وااااااي
خراب دمار
شكلي بطرش المراسل اييبلي ماكنتوش يا المجرمه

 

[al7reyaa]

مشاركة: ليش الناس ماقاموا اودون ماكنتوش بالمناسبات ؟؟؟

خلاص انا عيل بودي معاي جواهر ونقول خذيها اخرها اطيبها

سلامات يا الغالي سلامات

 

[رنين]

مشاركة: ليش الناس ماقاموا اودون ماكنتوش بالمناسبات ؟؟؟

و الله صاااااجه.....مره وحده جابت لي جواهر...بعد أحسن من ماكنتوش...صراحه استانست منه وايد بس فشلت أقول حق أهلي هذا من فلانه(لأنها من طرف زوجي).
و لما شافه زوجي قال وييييييه يحليلها فلانه شطاري عليها تييب جواهر(طبعا يقول جذيه و حلجه مليان ككاو وحده ورا الثانيه...قلتله بعد جزاها الله خير يابت.........


وه سااااااالفه على ماميش!!!

أنا أييد عوده الماكنتوش أو اللي تبي تتطور جواهر.
يا الله بنات خل نفتح جمعيه الدفاع عن حقوق الماكنتوش.......................

 

[الفرحه]

مشاركة: ليش الناس ماقاموا اودون ماكنتوش بالمناسبات ؟؟؟

اي والله وانتي صاجه
والله احنا قمنا كل خميس بالزواره بيت اهلي اييب لنا اخوي مكنتووووووش
على ما اتخلص الزواره الا العلبه فاضيه
-
-
-
اول لا دخلتي على احد بالمستشفى لازم عنده علبت ماكنتوش
والحين هل الملاقه باتشي- لكادو- لاكاشيت........وانتي الي رايحه --->>>> شكو
واذا الياهل خذا منهم عصبو....حطو حق الياهال مكنتوش على الاقل
والله اذا احد يابلي مكنتوش بالمستشفى استانس

 

[al7reyaa]

مشاركة: ليش الناس ماقاموا اودون ماكنتوش بالمناسبات ؟؟؟

بنت خالتي والده يالله بمر الجمعيه باخذ الككاو اللي مغلف تغليف فظي ميتطيل واذا فجته يطلع الككاو امدههن ..

جان تخشه واتطقني فيه على راسي