ليش انا بالتصوير اطلع بشعه ارجوكم ساعدوني

[حياتي فيصل]

قووووووووووووه وش حالكم بنات:eh_s(8):

انا مثل موباين من عنوان الموضوع اني لما اصور لمناسبات او اعراس اطلع بشعه مع اني حاطه مكياج وتسريحه وفستان بس مايضبط مادري ليش :eh_s(16)::eh_s(16): والمصوره تصورني وبعدين لما اشوف الصور اموت من الحسره:eh_s(11):
ليييييييييييييش مع اني والله جميله بشهادة الغير لكن بالتصوير ابد ما شوف جمالي ساعدوني يامبدعات ارجوكم عندنا عرس بالعيد وابي اصور مع البنات ومابي اطلع اشين وحده



وشكرا لكل وحده تفيدني اوترفع الموضوع

 

[زهره الجلنار]

اب اب

 

[bent.gaga]

يمكن لوتغيرين ضحكتج او نضرتج بالصوره

 

[بدوردا الأموره]

خليها تصورك من دون فلاش راح يطلع طبيعي

 

[حياتي فيصل]

يمكن لوتغيرين ضحكتج او نضرتج بالصوره

ايه يمكن بس انا خجوله ولا اعرف اسوي حركات وصور البنات اللي يصورون معي خيال كانهم من مجله

 

[حياتي فيصل]

مشكورين حبيباتي
بس وين الباقي
واذا مافيه كلافه ياليت توصفون لي الحركات اللي اسويها او صور علشان استفيد والكل يستفيد

 

[سلة ورد]

لا تشكين لي ابجي لج .. الحال من بعضوو

 

[Princess mood]

رفع نشاءالله البنات يفيدونج

 

[B7rainia]

هههههه نفسسسس الشي

في الصور مب حلوة

بس اذا فيديو اوكي شكلي يطلع مثل الصج

فمن الواضح انه السبب ان احنا مانعرف نضحك عدل حق الصورة ههههههههه

بس بقوولج حاولي تضحكين عادي مثل ابتسامتج لو جفتي احد تعرفينه في مكان كلما كانت التعابير طبيعية طلع شكلج مثل الصج بالتالي احلى

 

[شلة بنات وبس]

الرك على المصوره لو كانت محترفه راح تعرف شلون تبرز جمالج

 

[فرح@@الكويت]

اهم شي الابتسامه الجذابه الغير متصنعه يعنى مة شاااقه حلج جنج مغصووبه هههههههههههههههههههههههه

وانا لاحظت شى بعد الصور على الجنب روووعه تبرز الجمال

 

[جوري الكويت]

انا احب التصوير و في جم شغله عرفتها


1 - لمن تصورين لا تتشنجيين .. يعني خلج ريلاكس .. لان اذا صرتي شاده على رقبتج (( انشالله تفهمين على شرحي )) يصير عندج مثل خطوط و صفطات تحت رقبتج او اللي احنا نسميه اللقلوووق

2 - اذا عندج حنج لا تعوين راسج وايد و لا تعوينه شوي .. خلج وسط علشان لا يبين طويل

3 - اذا ويهج كان مليان .. حتا مرات الضعاف بصير وييههم مليان و عندهم خدود .. حاولي دايما التسريحه تكون مغطيه ويهج
لا تسوين كل شعرج تسريحه ولا كبه لي فوق

اذا بتاخذين لقطه .. خليها على جنب بس مو وايد علشان لا يبين خدج كله و يبين انه كبير ..

انشالله تكونون فهمتوا علي

 

[LuLiTa]

انا بعد بعرف

 

[المدلعه1]

انا كنت زيك ومتعقده من الكام فيه ناس مايطلع حلو عليهم التصوير اما تطلع عيونها حمرا زيي
او يطلع فيها عله
لكن ماكثر ما اصور نفسي حسيت وجهي تعود على الكام لاني احب التصوير

 

[حياتي فيصل]

واااااااااااااي فديتكم والله حبيباتي بعد قلبي انتوا
ردودكم تبرد القلب خصوصا ان فيه احد يعاني نفس مشكلتي واقترحاتكم روعه لاعدم انشالله

انا اللي قاهرني ان البوم صور عرسي بالليله الثانيه طلع ووووووووووع ودي اقطعه بس هذي لليلة عمري وراحت علي قلت بسوي البوم من كل مناسبه اصور كم صوره واجمعهم في البوم الصور.........................بس المصيبه نفس مشكلة عرسي راح تتكرر اذا ما لقيت حل جذري لهالمصيبه

رجيتكم بعد نبي حلول علشان نجرب ونشوف وش اللي يضبط بليز

 

[عواار قلب]

اهلا"
اولا: اظن الفلاش يخرب الملامح ابتعدي عنه
وخلي يمج اضاءه قوويه

هذا مالدي من اقتراح
موفقه ي حلووة

 

[حياتي فيصل]

مشكوره حبيبتي عواار قلب باخذ بنصيحتج

 

[رذآذ آلمطر]

وي نفس مشكلتي

يقولج الحلوه الكاميرا ماتحب وجها :d الا مانُـدر =)



ان شاء الله البنات افادوج
والشغلة الرئيسية علشان تطلع الصورة حلوه لاتقابلين الكام بوجه سيده
ولا تلفين راسج حيل جنه رقبتج فيها شي خلي متناسق
وانتي دايما بفونج او بكامج الخاصة صوري وشوفي اي احلى حركة تطلع وجهج حلو بالصورة



وان شاء اللله تلقين النتيجة اللي ترضيج بالعيد وب اعراسكم

 

[حياتي فيصل]

هههه رذاذ المطر صدقتي شكل الكاميرا عكسيه تزين الشينه وتشين الزينه ههههههه انا مابي غير صور سنعه ماطلبنا شي

 

[myaar]

من الحلول انج توقفين جدام المراية وتركزين على شغلتين

ابتسامتج

وعيونج وحواجبج


الابتسامة خليها بسيطـة أقرب للطبيعيـة

ارفعي حواجبـج شووووووي ولا يبين انج رافعتهم وبتحسين بتأثير هالحركه ع اطراف عيونج الخارجيه

---

الوقفه الكلاسيكية أمام الكاميرا

تواجهين الكاميرا بـ ثلاث ارباع الجسم مع تقديم رجل خطوة عن الثانية

---

لاتطالعين مباشرة للكاميرا .. طالعي فوقها شوي

---

ابتعدي عن الضحكة او الابتسامة المصطنعه كل ماكانت طبيعية كل ما طلعت الصورة أحلى

---

اذا نوعيتج ماتحبين الكاميرا
طالعي للكاميرا بـ حب تخيليها شخص عزيز وشوفي ملامحج شلون بتتغير اوتوماتيكيا لول

---