ليش ذوق البنات تغير

[فجورة]

بنات أنا واحدة اعشق تصميم الازياء و عندى موهبة و براعة فى تركيب الألوان و الخامات ، لكن الصراحة صدمت و صعقت من تغير ذوق الفتاة الكويتية المشهود لها بالاناقة و الدرابة .
شاركت بمعرض واحد و رايت معروضات من قمصان و دراعات ، الصراحة الخامات جد ردئية و طريقة تركيب خامات القميص المقطعة غير متناسقة و لا توحى بالاحتراف " الهذف تقليد Recycled Stylism" لكن الطريقة جد ردئية و كلها دفاشة و بل القطع اللى شفتها تلوع الجبد لا توحى باى موهبة و حتى الدراعات و المشكلة ان الناس قاعدة تشترى و استغربت

ما ادرى شنو رايكم انتم ليش تغير الذوق .

 

[حاملة المســك]

مشاركة: ليش ذوق البنات تغير

يمكن من تأثير فجوة طبقة الأوزون



مب بس بالملبس .. قولي بكل شيئ



أأيد كلامك .. وما أقول إلا الله يجازيك يا زمان

 

[تناديم]

مشاركة: ليش ذوق البنات تغير

فجورة
معاك حق معظم شغل الحريم وان كانت الافكار حلوة بس التطبيق يلوع الجبد التصميم على الورق غير وعلى الطبيعة شي ثاني انا اقول ان المشكلة اولا في اللي يقص الخام مو محترف ياخذون اسعار كبيرة وخياطينهم مو محترفين اي كلام
والا الخام يدورون ارخص شي ابو ربع ويمكن المتر بمية فلس
والبنات معذورين عندهم مناسبات ولازم يلبسون مو معقولة ما يشترون والله لو تعرفين معاناتي الف لما اتعب وما القى شي يرضيني الا الغالي حييييييييييييل وبالاخير اضطر اخذ احسن الموجود شسوي قولي لي

 

[فجورة]

مشاركة: ليش ذوق البنات تغير

شاكرة لكم مروركم ، اولا الارزاق على الله لكن حرام هذا الفن فن تصميم الأزياء ينلعب فيه بهذه الطريقة البربرية لا خياط راقى و لا تفصيل ارقى و لا حتى تطبيق القياس على الخام مظبوط و هذا يدل على العمالة الرخيصة اللى ما تعرف حتى تنزل القياس مظبوط على الخام و المشكل أنج تكون ببالج فكرة و متصورتها مظبوطة و جايبة أحلى و ارقى خام و لما يسكه الخياط الباكستانى و لا الهندى ينفذ الموديل بالطريقة الهندية اوز الباكستانية اللى تناسب مخه و العقلية اللى جاي فيها و ليس كما الموديل المرسوم و لا حتى اللى بالصورة . عفكرة معظمهم لا يفهم الموديل المرسوم و يالله يفهم صورة الموديل اللى قدامه و بالاخير يا تاخذين القطعة منه بعد الخياط الردي و انتى منقهرة أو انج تقطينها على وجه و تتحسرين على المال اللى راح منج .

المهم عندى كتب عن أساسيات التصميم و تصميم الأزياء و القدرة على الابتكار كلهم باللغة الفرنسية ان شاء الله اذا رديت من المغرب راح أحاول أكتب عن هذا الفن يعنى راح أترجم لكم الكلام من الفرنسي الى العربى و ان شاء الله تستفدون و الله حرام يخترب الذوق بهالطريقة اللى لو شافوهم مصميمى ميلانو أمثال روبيرتو كافالى أو دولتشى او جورجيو و الله لعلقوهم بالمشنقة حتى ما يتجرأ أحد على هذا الفن ههههههه

 

[اعذريني يالهدايا]

مشاركة: ليش ذوق البنات تغير

مادري بس ترا الناس اذواااق
يمكن الحين مووضه الملابس اللي تلووع الجبد ؟؟

يعني افتري شوفي اخس موديل واشتريه هههه

ما يندرا والله

بس بالنسبه للي شترون هالشغلات منهم فهذي ارزاق سبحان الله

ان جفتي جي قوول يارب ارزقهم وارزقنا
والحمدلله على كل حال

 

[حاملة المســك]

مشاركة: ليش ذوق البنات تغير

فجوره


بطريقك هاتي وياكي عن تصاميم جلابيات ودراريع المغرب





وبعدين لا تنسين المثل اللي يقول : عتيج الصوف ولا يديد البريسم

ومثل اخواننا المصرين اللي يقول : الغالي تمنه فيه



لا يصيدج إحباط .. بنلاقيها منين ولاّ منين

 

[تناديم]

مشاركة: ليش ذوق البنات تغير

فجورة
اي والله جيبي لنا دراعات حلوة من المغرب بس ترى احنا بالكويت ما نحب الحزام العريض يعني لو من غير حزام احسن ونبي طرق التطريز والشك الجديدة وخام يسوى مو يخرب من اول غسلة
والله يوفقك ونشوفك مصممة مشهورة ان شاء الله

 

[سبائك]

مشاركة: ليش ذوق البنات تغير

بس يتم ذوق الكويتيه من أرقى الاذواق

الذوق ما تغير حبوبه الموضه تغيرت

والكويتيه تحب تلبس على الموضه

 

[HoNeY_GirL]

مشاركة: ليش ذوق البنات تغير

تبين الصراحه انا ملاحظه جذي بالذات بالمعارض اسعارهم غاليه واشياء ماتسوى والله مو حلوه وكله ترقييع يعني مو ذرب ولامرتب والبنات يشترون على اساس انه من المكان الفلاني والسعر الفلاني

وعلى قولتهم الناس اذواق

 

[ريفيل]

مشاركة: ليش ذوق البنات تغير

بصراحة الحين اللي ما عندها شغل يقول انا اصمم ملابس ودراعات علشان جذي اعتقد الردى انتشر انا لو اموت مااخذ شغل حريم اذا ما اعرف من وين شاريتة وشنو المحل نفسيتي تتعب مع احترامي للكل والكويتي انفع

 

[Harmony]

مشاركة: ليش ذوق البنات تغير

و الله انا معاج بس مادري ليش البنات صاروه جذي

 

[فجورة]

مشاركة: ليش ذوق البنات تغير

عزيزاتى شاكرة لكم المرور و تفاعلكم معاى بهالموضوع ، أنا من عشاق هذا الفن و ما أحب أنه يصير فيه دخلاء و يخربون الذوق اتمنى تكونوا معاى،

الأخت حاملة المسك : انا ان شاء الله مارح اجيب التصاميم ، راح انفذ بعض من تصاميمى هناك بالمغرب و راح أجيب مجموعة جلابيات و دراريع و قمصان الطلعة مع بنطلوناتهم أو مع تنانيرهم كله ستايل مغربى على الموديل الحديث و الخياطة الهوت كوتير منفذ و خالص و ان شاء الله اعرض لكم الصور و اللى عجبها شى تقول لى كمان راح أعرض الكولكشن هذا باذن الله ببيت ديفا ابتداءا من 26-27-28/07/2006 .

تناديم :
رايج أحترمه و تامرين أمر بس ياليت تعلمينى على مقاسج و الطول كمان سمول ولا ميديم و لا لارج طبعا راح انفذ طلبج هناك بس عرفنى على المقاس و اللون اللى تحبينه سواء دراعة أو قميص طويل مع بنطلونه أو قميص و تنورة أو جلابية أو دراعة .

الأخت سبائك : انا لو ما انى مستغربة بتغيير الذوق فجأة جان ماكتبت تعليقى هذا الفتاة الكويتية ذوقها جد عالى و راقى و ما ترضى بالمستوى الأقل و تحب التميز و الاناقة و ما ترضى باقل من ذلك و تحب تلبس على الموضة لكن اذا هاذى هى الموضة اللى تخلينى ادفع فلوسى على شي ما يسوى لا خام راقى يستاهل و تنفيذ الفكرة باحتراف يلبى الموضة الفتاة الكويتية اذكى من ذلك و ما درى شنو اللى صار .

الأخت ريفيل :
المصممة الحقيقة هى المحترفة اللى تجيد أصول التصميم باحتراف ابتداء من الرسم و دراسة تقاطيع الجسم و تحدي االجزأ البارز فى الجسم عشان تنفذ الموديل اللى يناسب الجسم المحدد و فوق هذا كله لازم تنفذ الموديل على المانيكان بكبره تشتغل على المانيكان نفسه مش ترسم و تنزل الباترون على الخام مباشرة يعنى أقصد لازم تجيد و باحتراف طريقة المولاج : Le Moulage وعشان تجدين هذا الفن أقل شي لازم تدرسينه سنتين .

ان شاء الله عندى كتب عن التصميم باللغة الفرنسىة و اذا قدرت باذن الله أنزل كل مرة فقرة منه اترجمها من الفرنسى الى العربى مع الصور و انتو تستاهلون عزيزاتى شاكرة لكم المرور

 

[أوركيد]

مشاركة: ليش ذوق البنات تغير

فجورة ...

انتي نفسي ...حالياً بهالموضة ما احصل شي يسوى بالسوق ..

افتر افتر وتالي بجيس يابدي ولا ملفع لا ومرات ارد بدون شي !!!!

الناس الحين يتأثرون بالموضة ويجارونها حتى لو ماكانت من ثوبهم ...اخذي عندج موضة الملافع اللي هابين فيها هاليومين ..

الأذون طالعة !!! وطريقة اللف عجيبة غريبة !!!!

بس الكل يشوفها حلوة ...ماعدا القلة اللي مثلي ومثلج ...