ليش في كل ابتسامه

[ريماس كشار]

ليش في كل ابتسامه ..

القى قدامي دموع ..

وكل دمعه من دموعي ..

تطفي شمعة من الشموع ..

وليش همي هو همي .. !

ما يتغير وما يزول .. !

حتى " لو " حل الفرح ..

هو ثواني ما يطول ..

هو كل الناس مثلي ..

ولا أنا وحدي ..

همومي تسري فيني ..

ودموعي ما تفارق عيوني .. !



ミミミ




.. بطلت أحب وأعيش دنياي مرتاح ..

.. حتى الهوى غيّرت فيه اتجاهي ..

.. لا حزن .. لا دمعه .. لا ذل و جراح ..

.. لا قلب مشغول .. و لا // فكر ساهي // ..

.. بدلت كلمات الغزل جد وصياح ..

.. لا عاش من يقدر يعكّر مزاجي ..

.. أباخذ الدنيا دلع // لعب // وأفراح // ..

.. أبغى كذا أعيش دنياي " لاهي "


ミミミ




يا حبيبي في .. غيابك

إختلف شكلي ولوني

صرت أنا إنسان / ثاني

والسهر تعب عيوني

والسؤال اللي ذبحني :

صدق أهو فعلا ً نسى ؟

راح وأهداني الأسى !

وماوصلت إلا لحقيقه :

الجفا أسهل طريقه

للقسى !..



ミミミ





حبيبي
لو نضب عطفك ] دخيلك [ من يداريني..!

وانا اللي ملتحف حزن الشوارع في ثرى أهدابك

انا ودي تبعثرني ] وتذبحني [ وتحيّني

ولجلك لو لزم أمري [ بموتك ] وأرجع [ أحيا بك ]



ミミミ





ودعني في يوم ما مثله أبد

صوّر لي ب عينه لوحات الوداع

رسمتها ب ألوان من هم ونكد

والهجر صوته من ورى صورته ذاع

ي اللي أحبك حب ما حبه أحد

تركتني وفي داخل النفس التياع

ما هقيت إنك ب تهديني السهد

وما هقيت إنك ب تهديني الضياع

ミミミ





دخيلك لا طغى همي عليْ وزادتْ أوجاعي

أبي عينك تغمّضْها وتصدْ إن شفتني طايح

ماابي أكْسر الخاطر أبيك تقدّر أوضاعي

متى ما شفتني فجأة مثل شمْع الشقا سايح

خلْني أجْمَعْ شتاتي ترى ما للحكي داعي

شموخي يرفضك تسْمعْ عيوني تشكي وتصايح

عشاني كان لي خاطر .. لا تلويلي ذراعي..!

ولا تتبعْني وتحاول تكلّمني وأنا رايح


ミミミ





يا " ولد " لا تقتل بوادر طموحي

يكفي ترى ما عاد في احتمالي

جيتك خطير القلب × تنزف جروحي ×

جرح الفراق وجرح سود الليالي

طيبك حنانك يبعد أحزان روحي

وعزف السعاده بك يرد الاماني

لا تصير في عطفك بخيل وشحوحي

بدد شعورالياس // رد الرجا // لي



ミミミ





مثلك ب دنياي ما عمره يكون

حبك انساني ب لحظه من انا

لل هوى في خافقي نبتة غصون

وردها عطر ب عطره جونا

صاحبي ليه التجني والظنون

ليه ترضى لي ونفسك ب العنا

انت في وسط الضماير و العيون

كيف ابيع اللي سرق عقلي انا

لين شفتك // كل جرح بي يهون

تمسح الفرحه دموعي والعنا

ولا فقدتك صابني مثل الجنون

وانتحر نور القمر في ليلنا


ミミミ





قسم بالله ماودي اكون إلا / فناجيلك

... واحكر الشاي والدلّه على موّال .. همساتك

والامس مبسمك ( آسف/ه /) ..انا قصديّ / اسميّ لك

... فصول الشوق لامنيّ غفيت اب وقت .. ضماتك

ونا ياغايتي مؤمن عسى ربيّ / يخلي لك

... عزيزٍ يدمح الدنيا ولا يسقيك .. هفواتك

بأني غايتك لكن حرام اني / اعدي لك

... دنوّ الهم لازعزع مع الشهقات .. دمعاتك

واجمّل اسمي الأول على منصب / تماثيلك

... وتحت الإسم ( توقيعك ) عسى ماشوف .. عبراتك


ミミミ





حبيبي هو صحيح بتسافر..

وتترك الدار و تغادر..

حبيبي صحيح النظر لك ما هوب دايم...

بس احساسنا دايم.....

حبيبي طلبتك كان لي خاطر...

خل احساسنا حاضر...

وقدام عينك دايم الدوم دايم ..

تروح و ترجع ب السلامه .. !


ミミミ




وقفت اطالع ب الاماكن ..

حزينه ..!

استرجع الذكرى ..

وانا داخلي .. ضو

اسوق من عندي بشاير ثمينه ..

للي يعلمني بهم .. كانهم جو ......... !



ミミミ




تدري لو ينطق غيابك ؟

بس أبسأل وين كنت ؟

ووين رحت بغيبتي ؟

وبسأله عن وضع قلبك !

هنت عنده أو ماهنت ؟

ياللي من غيرك حياتي /

مالها داعي ومعنى !

صار قلبي مايحاتي :

بعد ماتخليت عنه !

إيه كل الناس عندي

بس مابيهم بدونك !!..

تدري ياعمري بأنك ..

عندي كل الناس إنت !

ومهما تجرحني / مسامح

وكل طعناتي / عوافي

عشت وافي ب دنيتك

وبموت وافي ل دنيتك ..


ミミミ




تدري وش معنى غيابك ؟

يعني :

أسوء شي شفته طول عمري !!

تبدي ضحكاتي هلا بك

وفي وداعك

ماينام الجرح بدري

وإنت كيفك

شوف وش ناوي عليه

هاك قلبي وهاك سيفك

وسو فيني اللي تبيه !

لاتحاتي

صفح بكيفك جروحي

وإشطب آمالي وطموحي

وإعتبر قلبي كتابك !
:0bee2e8d89::0bee2e8d89::0bee2e8d89::0bee2e8d89::0bee2e8d89:

 

[ضامي العشق]

يسلمووووووووو ع القصايد الحلوة
لا هنتي يالغلا

 

[ريماس كشار]

ضامني العشق اسمك جميل و انتي روعه

 

[خانتني الدنيا]

يسلموو رموسه هههههه جد روعه واحساس لايوصف روووووووعه

 

[ريماس كشار]

مشكوره علي المتابعه احببببببببببببببببببببببببببببببببببببببببببببببببببببببيك يلسوم الحلوه

 

[}_غلآتي_{]

مشكورة يالغالية

 

[ريماس كشار]

بسلوم حبيبتي علي الزيارة الحلوه

 

[عسووولة]

يسلمووووووووووووووو

 

[ريماس كشار]

يسلوم و انتي طيب و ياهلا