ليش لما تحبين ؟؟؟؟؟؟؟؟؟؟؟؟؟

[كيكه زعلانه]

وصلنا بالايميل حبيت اشاركم فيه بصراحه ينطبق علي وااااايد منا:denya:

ليش لما تحبين واحد يطلع اقصر منج؟؟

ليش لما تحبين واحد يطلع بدون وساكن بصليبيه؟؟

ليش لما تحبين جيكر يقولج شتحبين فيني!! صج مو كفوو نعمه

ليش لما تحبين حلوو يمدح روحه ويعدلج جم وحده تحرشت فيه؟؟

ليش لما تحبين ولد الضاحيه ماتشوفينه كل يوم سفره وشاليه؟؟


ليش لما تحبين ولد خيطان 24 ساعه بمحل التلفونات بالدبوس؟؟

ليش لما تحبين واحد بطالي يطلع مقزر حياته كلها نوم ونت؟؟

ليش لما تحبين شاطر يقولج سوري حبيبتي بس الحين بدرس؟؟


ليش لما تحبين واحد ويتقدم لج صج تطلع شهادته رابعه متوسط؟؟

ليش لما تحبين واحد وتندمجين .. تكتشفين انه جنس؟؟

ليش لما تحبين واحد على قد حاله تشترين لج وله كرووت؟؟

ليش لما تحبين ولد فلوس ما اييبلج شي بعيد ميلادج؟؟

ليش لما تحبين بدوي يقولج احنا اصلنا حضر؟؟

ليش لما تحبين حضري تحسين روحج انتي الريال؟؟

ليش لما تحبين واحد اصغر منج يقولج يا العيوزه؟؟

وليش لما تحبين واحد اكبر منج يقولج يا الياهل؟؟

ما عرفنا لكم

ليش لما تحبين واحد وتخلصين له يطلع آآخر شي حقير؟؟

ليش لما تحبين واحد عقب سنتين يقول امي غصبتني آخذ بنت خالتي؟؟

ليش لما تحبين سني تكونين شيعيه؟؟

ليش لما تحبين شيعي تكونين سنيه؟؟




ليش لما تكونين بطه يقولج ضعفي ولما تكونين ضعيفه يقولج متني ؟

ليش لما تحبين واحد وتبينه من قلبج يطلع مو اصيل؟؟

ليش لما تحبين حلوووو ما يغار عليج والجيكر يغار من ظله؟؟

ليش لما تحبين واحد قزييز يقولج قعدي بالبيت؟؟

ليش لما تحبين واحد مليق تصيرين مليقه نفسه؟؟


ليش لما تحبين مو كويتي يسوي روحه يبي مصلحتج ؟؟ قول مابيج واذلف

ليش لما تكونين صخله اطيحين بواحد مزيوووون؟؟
ليش لما يحبج واحد من صجه تصيرين انتي مو من صجج ولما انتي من صجج يصير اهوا مو من صجه؟؟ عاد فججوها

ليش لما تكونين حلوه وااااااايد (كيكه) تحبين جيكر؟؟

ليش لما تحبين واحد يطلع رفيج اخوج؟؟

ليش لما تواعدين واحد يطلع رفيجه ولد خالتج؟؟وياي معاه بعد :x

ليش لما تحبين واحد يطلعلج واحد ثاني عسل غصبن عليج هم تحبينه؟؟

ليش لما تحبين واحد يعطيج سكب واذا حقرتيه رد وراج يركض؟؟
صج ليقالو طابع بريد

ليش لما تحبين واحد تقوليله ودي اشوفك يقولج تعبان بنام وتشوفينه صدفه على الحب؟؟

ليش لما تحبين واحد تقوليله انت وينك يقولج حبيبتي انا بفرايديز واهو جدامج قاعد
بأبل بيز؟؟

ليش لما تحبين بالفلانتين يتدين فجأه ويصير ما يعترف بهالأعياد؟؟

ليش لما تحبين واحد يقولج انا ما اطلع كله بالديوانيه ألعب بلاي ستييشن مع الربع وكل ماطلعتي اهو بويهج؟؟

ليش لما تحبين واحد يقولج ليش عندج خط ثاني؟؟(يعني ما اكلم امي ما اكلم خواتي رفيجاتي)؟؟


ليش لما تحبين ما تنتحرين وتفكيناااااااااااا منج؟؟

وهذي الكويت صل على النبي :q8:

 

[شندوخه]

تصدقين انه ماعندج سالفه بهالموضوع
حده موضوع ماله هدف ولا معنى وخليتي بنات الكويت كل وحده مرافجه واحد

 

[C'est La Vie]

اختي عندي لج حل مفعوله اكيد
لا تحبين وارتاحي من عوار الراس :icon30: ههههه
يعطيج العافية

 

[منورة الكويتية]

استغفرالله العظيم
ليش تشوهون الحب بهالسوالف!!
وبعديين ترى احنا برمضان يعني لو نحط مواضيع طيبه وتزيد ايمانياتنا تكون افضل
لكن حبني واحبك وليش وما ليش مادري شنو بينفع ومادري له علاقه بأي فئه!!

 

[قرقاشة]

بيه بيييه كلتوا البنية شنو يعني !!!! تقولون رمضان وتدشون تتهاوشون ؟؟ الحمدلله والشكر بس

شكرا عالموضوع

 

[moody-q8]

بس يبه كليتوا البنيه حرام عليكم ماتسوا عليها حطت الموضوع وبعدين البنت كاتبه بالبدايه منقول من الايميل بتعلقون علقوا تعليق سنع لا تطيحون ضغط بالبنت ماعجبكم سكتوا

<---------انقهرت عليها

 

[القلوب الساهيه]

حرام ماتسوى عليهاا يبا موضوع مجرد ضحك وقبله كاتبه منقول من الايميل وداام ماله هذف مايصير تقطينهااا بويه البنت اماا قولوو خير ولا اصمتوووو ..... والموضوع ماطلع عن اطار الضحك

 

[ســوســو]

مشكوره على هالموضوع


موفقه

 

[الغلاااااا]

والمطلووووووب.!!!!

 

[نونو جين]

ليش لما تحطين موضوع الناس تزفج والا ماترد عليج ؟
و اذا ماحطيتي موضوع يقولون وين مواضيعج ؟
ليش ماترتاحين وماتحبين احد ههههههههههههههههههههههههههههههههههههههههههههه
عاد في اشياء صج ترى هههههههههههههههه
يبا حطيلج جنطه وروحي مع مخج جزر الهاواي وارتاااااااااااااااااحي لاحب لاخرابيط
مالحب الا للحبيب الاولي << تغني
ميغسي بس لو حاطته بالسوالف والفرفشه وفرفشني يااااااااااقدع جان محد زفج :ggdw:​