ليش ما في حجه غير انتي فاهمه غلط!!!!!!!؟

[fri2010]

السلام عليكم اشلونكم شخباركم

بغيت اعرف ليش مافي حجه للطرف الثاني لمن يقول للطرف الاول انت فاهم غلط والا انت سيء الظن

مع ان الطرف الاول فاهم صح وعنده اكثر من دليل ودليل ان ظنه في محله

على سبيل المثال بذكر لكم موقف عشان توضح الصوره اكثر

دشيت الكلاس وسلمت على زميلتي

وسلمت علي واقعدت اتصلت برفيجتها وقالت فلانه تعالي الكلاس ورفيجتها اعرفها عدل بعد

يت رفيجتها وقالت لها الله يابج

مع اني سمعتها واهيا متصله فيها حلو

عقبها جدامي اقعدو يتساسرون ورفيجتها واهيا تسمع اقعد تطالعني

وعقبها زميلتي قامت تقول لها اشفيج هذي فراي ما تعرفينها

وعقب رفيجاتها قامت تخزني اكثر واكثر

وانا قعدت اطالعهم واقول بقلبي اشفيهم!!!؟

عقبها اطلعوا برا وانا انحسرت وبغيت اطلع الحمام عزكم الله

والله اسمعها وهم عند الباب اي شفتيها ام قليب تقول الامتحان صعب وما حليت زين ويابت 18 من 20!!!

امبي انصعقت وركضت ركض للحمام

وطبعا رحت حق رفيجتي وقالت لي يمكن انتي فاهمه غلط ليش تسيئين الظن!!!


وطبعا في اكثر من موقف وموقف فحبيت اخذ رايكم

 

[كراميلا مرة]

ليش يقولون فاهمه غلط لانه انتي ماسمعتي كل الكلام اللي يدور بينهم
ماتدرين شقصدهم بهالكلمه ولا ليش قالت جذي
على العموم طنشيهم

 

[monmon12]

اي صح حبوبة كلي الي قلتي يمكن يكون انج فاهمه الموضوع غلط

وحتى لو يقصدون ايهم سوء النية انتي حسني ظنج

 

[أموووووولة]

حبيبتي اذا بتقعدين تسمعين فلانة وعلانة ما راح ترتاحين
اشياء كثيرة لازم نعطيها طاف لنهنأ بالحياة وننعم فيها
حاولي دايما تحسنين الظن وتقولين يمكن يقصدون وحدة
ليش شاكة بنفسج.......... لازم تكونين واثقة بنفسج. :aha:
شنو انتي قايلة لهم الامتحان صعب ويبتي 18 من عشرين؟؟
اذا صح وكنتي واثقة ان الحجي عنج ، عادي لو سألوووووووووووووج مرة ثانية عن الامتحان قولي الله كريم ، حليت والله يسهل لاتمدحين ولا تذمين
ولو علقوا عليج انج تقولين صعب وتيبين درجة حلوة قولي : ذكروا الله اي اقول صعب لاني كنت ادرس ومتوقعة اسهل وربي وفقني
عادي اخذيها بروح رياضية
ولا تزعلين مو عيب تكونين ام قليب ولا تعتبرينه ذم بقدر ما هو مدح لج من ناحية حرصج
و في حل ثاني:
تعطينهم اذن من طين طاف طاف صمتج مو خوف او ضعف ولكن ثقة بذاتج :aha:

 

[Tom ♥ Jerry]

رد : ليش ما في حجه غير انتي فاهمه غلط!!!!!!!؟

.

خليهم يولون طنشيهمـ !
بعد شنو الي يدرس و اييب درجه حلوه يعيبون عليه !

هالناس مرضه و الله :×

 

[Tulips]

رد : ليش ما في حجه غير انتي فاهمه غلط!!!!!!!؟

يقولون جذي عشان يحافظون عن ماء الوجه مثل مايقولون

لانه نــــادرا اللي يعترف انه غلط

 

[fri2010]

رد : ليش ما في حجه غير انتي فاهمه غلط!!!!!!!؟

بنات اللي صار كل شي ورا بعض وبنفس اللحظه !!

يعني لو احد قال لي والا سامعه على قولتكم نفس الحجي جان ممكن اكون صج فاهمه غلط بس كله صار جدامي !!!

وبعدين انا ذكرت مثال من وايد امثله يعني ما يت على جذي بسسس

ومشكورين على المرور

 

[ms.mercedes]

رد : ليش ما في حجه غير انتي فاهمه غلط!!!!!!!؟

حبيبتي لا تعورين قلبج على مثل هالناس بس الحمد الله انج سمعتيهم
و لا تزعلين عليهم ولان الحلو انج عرفتي مايتهم صوبج عشان تتحذرين منهم

 

[مها77]

رد : ليش ما في حجه غير انتي فاهمه غلط!!!!!!!؟

حبوبه لازم يقولون لج جذي

لان الرسول قال احمل اخاك على 70محمل من الخير

اذا قعدت تقولج اي انتي صح واهي اللي غلطانه وفعلتها تركتها بيشيشونج ولو الموضوع ما يسوى او مو عنج بتكبر السالفه براسج وبتكرهين البنت شكووو

ريحي عمرج وخلج واثقه من نفسجه واللي بيتكلم عنج كيفه دامها جبانه وماتجرات تقول شي جدامج انتي ليش تتضايقين منها

 

[رايدة وقايدة]

انا اقوووووووووووولج ليش ماعندهم غير كلمة انتي فاهمة غلط؟؟؟؟؟؟؟

خووو انتي شفتي التصرفات الوقحة من اللي يمج وسمعتيهم بإذنج

حبيبتي انتي تأكدتي من نيتهم وحسدهم بعد ليش تروحين تشتكين لوحدة ثانية؟؟؟؟

مو اي احد تشتكيله؟؟؟

لانج متألمة من الموقف وحبيتي احد يشاركج ويخفف عليج........لكن شكلج اخترتي البنت الغلط

اللي مااهتمت لمرارة الموقف

لازم تضبطين النفس وتكوون لج ردة فعل تجاه اللي اساءوا الظن فيج

مو ترووووحين تشكين لخلق الله اللي ماهم اصلا شنو صار معاااج

اهيا ماحبت تعور رااااسها فقالت لج انتي فاهمة غلط؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عشان تسكتين وما تغثينها؟؟؟؟؟؟


عالعموووووم عطيهم طااااااااااااااااااااااف

 

[نور مغليها]

رد : ليش ما في حجه غير انتي فاهمه غلط!!!!!!!؟

يمكن ما يبي يحرجونج ويقولون كلامهم فـ قالت انتي فاهمه غلط ..
عادي طنشي ( دخلي من اذن وطلعي من الثااانيه )

 

[حجيه هيونه]

رد : ليش ما في حجه غير انتي فاهمه غلط!!!!!!!؟

طنش تعش تنتعش


ونصيحه اخت لج

حاولي تاخذين من وراهم ماي او شي وشربيه لايصكونج عين



الله الحافظ ان شاء الله

 

[fri2010]

رد : ليش ما في حجه غير انتي فاهمه غلط!!!!!!!؟

بنات انتو عطيتو رايكم على اساس هذا الموقف انا يبت لكم مثال من الامثله اللي صارت يعني فيها اشياء اقوى من جذي بعد

والله الهادي

مشكورين بنات