ليش مرت حماي زوجها خاتم في اصبعها؟؟!!

[ms gucci]

أكيد مريتي في هالموقف تكونين شكلج حلو ومهتمة بكشختج ومهتمة بالريال بملابسه بأكله بفراشه وتطبخيله أصناف الأكل ولي عزم ربعه رزيتيه وكاسبه أهله تسويلهم يادهينه لاتنكبين ولسانج حلو ومهتمه بعيالج .... ومع هذا الريال مو دايرلج بال ولا لعيالج وعسى وحده من حمواتج (( تعرفون لازم تكون وحدة قشرة معاج حتى من غير سبب ) قالت عنده كلمتين إلا وياج محمر لعيون وعناد يعاند باسم الله شريجه مو ريل:rgewrg::rgewrg:... ومرت حماي تنام للظهروللسان طويل معاه ومع أهله لدرجة انها طلبت منه يطلعها من بيتهم وطلعها... وطباخ ما تعرف تطبخ يوميا يفطر مع امه ... ويا بنات ما في دولة ما سافرت لها يموت عليها يوقف معاها ضد أهله وشكلها مو ذاك الزود ... يعني خاتم في اصبعها .... شنو السبب ؟ .... مو غيره لا والله ... الله يهنيهم لكن أبي أستفيد ... أبي زوجي يتسنع ... الي تعرف السبب يا ريت تساعد؟؟؟ :eh_s(10)::eh_s(10):لا تقولون حاولي تسألينها ... صعبه

 

[بيتي بوب بس كويتيه]

ما اقدر افيدج لانه حريم حمواي صارو اخر اهتماماتي
صج اول الايام كنت افرق بس بعدين لا صرت مر أطالعم ولا افكر فيهم
وفوق هذا ما اتوقع ريلج ما فيه حسنه ومثل ما ريلها زين فيه عيوب
انا اقول لا تقارنين تراكم مو شرايج

 

[ام الدرر]

ياقلبي
هذي ارزاق يقسمها ربج
ادري موحسد فيج
بس تحسين بالغرابة
اللي بين حماج ومرته
يا انه يحبها ومايقدر يرفض لها طلب
او يكون ماعنده شخصيه وهي متسلطة​

 

[الشموخ~~]

انا اعرف وحدة من رفيجاتي جذي ولما سألتها تدرين شقالت :eh_s(10):

قالت لا يغرج انا ساكنة ويا حطبة وجودة مثل عدمة مركبة نفسها قروض الدين والدنيا عشان تسافر واهوة محمول مكفول مصرف البيت تقريبا تقريبا عليها ملبس عيالها عليها معاش خداماتها عليها وامها تقط وياها وربي ماكو ذرة احترام لة من ناحيتها ولما قلت لها شلون عايشه جذي تقول اهم شي يكون لي بيت يضفني وتدرين اهلة شيقولون ؟؟؟؟؟؟؟؟؟؟؟؟؟ ايقولون اهوة معيشها احسن عيشه ومكرمها وكل سنة يسفرها ما يدروووووووووووووون عشان جذي الريال منكسره عينة

 

[om MaRyooM]

من قناعاتي الشخصية في 4اسبااااب:

يا اما مشبعته عدل بالفراش .. وهالطريقة مظمونة وتخلي الريال يطاوع زوجته ويمووت فيها (سوري عالاسلوب بس هذا الصج)

او


الريال يكون فعلا معدنه زين ويحب زوجته .


او

تكون تصرف معاه عالبيت وكرتها بمخباته .. وياما سمعت رياييل يدلعون حريمهم لهالسبب


او


مجرد مظاهر .. والبيوت اسرار

 

[كويتية نايس]

هذا النصيب

 

[pusy cat]

سؤال

هل انتي مركبه كاميره بشقتهم وشايفه خصوصياتهم واحوالهم ؟؟

ماتدرين هذا اللي ظاهرلج يمكن اهو ردي عشان جذي دايسه فبطنه ولا يقدر يقول شي

ولو انهم زينين مع بعض فهذا نصيبها والله يهنيها

لا تقارنين حياتج وزوجج باحد ثاني لان حماج شي وزوجج شي وانتي شي ومرت حماج شي ثاني

يمكن الخلل بزوجج في رجاجيل مهما تدورين رضاه مايرضى

 

[احلام هزيله]

من راقب الناس ما تهنا

 

[ftana]

شوووفي حبيبتي انج اطالعين وتقارنين ترى شي عادي وانتي ماتمنيتي زوال نعمتها بس تتمنين حق نفسج الزين
والغيره الحميده موجوده بكل انسان وعلى قولة خالتي الي ما يغاااار ابوه حمااار خخخخخخخخخ
يمكن ريلها اهوا زين ماله علاقه بتصرفاته وفي ريايييلىمايحبون الي اتدللهم والطيبه يحب المتقلبه فا عاجبته وتعود عليها ومثل ماتشوفين ويها الشرير اكيد لها جانب طيب وحنون بينها وبينه فا دايما يطووف على انها ماتقصد ومثل ماقلتلج اهوا على طبيعة الريال لو تشوفين ثنتين يتصرفون نفس التصرفات بس هاذي ريلها طاااير فيها والثانيه عادي معناته الريال جذي طبيعته ومثل مالها جانب شرير اكيد لج جانب شرير وكلمن ماينتبه حق شينه كثر زينه

 

[جوري 2007]

ليش مايكون اهوة زين وفعلا يحبها ،، مو معناته ماتطبخ يعني لازم يكرهها يمكن عادي عنده الطباخ

يمكن اهوة من البدايه مو عاجبته العيشة ببيت اهله فطلعها اول ماطلبت ،، يمكن ويمكن ويمكن .....

الله يهديلج ريلج

 

[el7ob Klah]

انا بقول لج السر ويمكن ماتقتنعين فيه

السبب اهووووو

يعشقهاااااااااااااااا

يموت على التراب الي تمشي عليه

لو تقلل من قيمته جدام اهله والناس يزعل

ولي راحو غرفتهم باس راسها وايدها يحبهاااااااا

في حب زوجه الحب العادي الي يكون تعود و احترام

وفي حب الحبيبه العشييييييقه هذا اهو السر

 

[عروس فبراير]

ما يندرى والله
هذا الزواج حظ يا نصيب
كل وحده هذا حظها وهذا نصيبها

 

[فلنتينو]

الله يهنيها
مثل ماقالوو حظ ونصييب

 

[randomy]

ارزاق من رب العالمين

انا شايفه الهوايل مع ذلك ارد واقول ارزاااااااااااااااق

 

[أم توتو]

الله يهنيهم الناس لها الظاهر

 

[(*ام عهــــد *)]

الله العالم​

 

['طبق حنا]

الناس لها الظاهر


لا تحكمين

 

[al_sadeem]

لانها كاشتة فيه

 

[فوفو22]

اتوقع الله رازقها لانه ما تطالع غيرها ولا يهمونها

همّها كله ببيتها وريلها

اخذيها قاعده مني

يوم اللي تحطين زوجج بموقع مقارنه

مع اي شخص كان.........

عمره مارح يعجبج ابدا

ولكن لو تركزين على نقاط الضعف والسلبيات عندج

وصلحتيها

ممكن امور كثيره تتغير بحياتج للافضل

فوفو

 

[Sweetq8]

الحب و العشق ماله شغل باللي قلتيهم

الله لايغير علي ياااربي الظااهر الكل يقول عني مثل كلامج

الله يحمينااا من العييين و الحسسسد

يالله ياربي لاتغير علينا اللهم بااارك