ليش نستحي نشيل باقي الأكل بعد مانطلع من المطعم ...

[كبرياء امراة]

السلام عليكم

يو يو شالفشيلة ... الله يعافيكم خلو الأكل مكانه ولا تشيلونه
.
.
.
أعضاء كيفكم...
كثير منا من اللي يروح مطعم وخصوصا يوم الخميس والجمعة
وعادة الانسان تكون عينه وسيعه وخصوصا اذا كان موجود على الطاوله
عدة أشخاص طالبين مع بعض مشترك ...
المهم
الحمدلله تعشو وخلصو وكلوا وشبعو ... اللهم لك الحمد
بس هل إنتي من النوع اللي يستحي يشيل باقي الأكل من المطعم ويخليه سفري
وذلك حفاظا على النعمة وقد يكون أحد في بيتكم ماتغدا أو ماتعشى وتخلونه ياكله
كالأطفال أو الشغالات أو أي أحد ماكل ...
بصراحة
أنا أأيد إن إحنا نخلي الأكل سفري بعد ماناكل ونشيل الأطباق اللي ماتحركت ولا تلمست
بس فيه ناس تستحي أو تخجل من نفسها ومن الناس إن أحد يشوفه أو يقول خلاص الأكل
اللي على السفرة مستحيل نشيله ... الخير واجد وموظفي المطعم إهم اللي راح يتصرفون في الأكل

إنتوا شنو وجهة نظركم بهالموضوع​

 

[العين الكحيله]

ما في شي يفشل

صج انا ولا مره سويتها واخذت سفري بس اذا احد يبي عاادى شنو فيهاا ما خذه الاكل ببلاش

وموضوعج غريب الصرااحه هههههه

 

[amoOoNA Al_mazyoNa]

انا عاااادي حدي ماااأستحي بس انا آخذ اذا كان الأكل واايد أما إذا اشويه مااأخذه أحس مايسوى

 

[MSS.AJQ8]

انا عاااادي حدي ماااأستحي بس انا آخذ اذا كان الأكل واايد أما إذا اشويه مااأخذه أحس مايسوى

نفس الشي اذا الاكل يسوى حرام ينقط وغيرها دافعه فلوس مو بلاش
وخاصة بعض المرات بس ناكل المقبلات نشبع والطب الرئيسي ما ناكل منه شي

 

[Strawberry Shortcake]

انا اشوف مافيها شي ..وين الفشله بالموضوع !
بعدين حرام الاكل ينقط ..
يسلموو على الموضوع

 

[UK_Girl]

صباح الخير ...
انا وصديقتي ما نستحي على ويوهنا وما يهمنا احد ...ناخذ الزايد ونقولهم يكرتنونه..ونعطيه حق اي عامل بالشارع او عاملات النظافه تكرمون اللي بلحمامات ...

 

[اميرة-الاحجار]

مافيها فشله خصوصا ان احنا متعودين نطلب وايد ونصه ماينجاااااااااس بالمره .. حرام ينقط الله مايرضى واخذه سفري عاادي
مافيها فشله كل الناس ياخذون وياهم سفري وبعدين في ناس يطلبون مع الاوردر ويقلولون خله سفري واحنا طالعين ناخذه

 

[ملفتة للنظر]

ساعات اطلب انا وخواتي بس تكون وحدة فينا مومشتهية حيل او من القرقة ناكل شوي ونشبع ويبقى واجد..ناخذ الاكل معانا بعد دافعين فلوس الاكل مو ببلاش ..وعادي مانتفشل ولاشي

 

[حـروف الـغـلآاا]

لا والله اذا في بعض الأطبااق محد أكل منها ولحد لمسهاا > عادي ناخذها معانا ...

حرام تنقط بالزباله !!

ثانكس عالموضووع ..

 

[نملة فارس]

ما لافيها شي بس اذا كان الاكل شويه ما اخذه سفري

اما اذا كان وايد اخذه

 

[تهبل وتستهبل]

مافيها شئ ,,, بس انا خواتي يستحون يقولون فشله الناس اطالعنا ههههههههههههه

بس انا اقول لا عادي خخخخخخخخخخخخ

حبيبتي ثانكس على الموضوع وصج غريب

 

[ريم الرشيقة]

يحليلج
الظاهر توج رايحة مطعم
شوفي اذا الأكل زايد وايد اشيل وجنه العيد
والفشلة من منو ؟؟
من هالفلبن
اصلا اهم لي شافوه زايد يقةل لج
مدام يبي يشيل تيك أواي
آنا يقول هق هوا
اي اي
لووووووووووووووووول
فعاااااااااااااادي
ما عدا مطاعم الفنادق

 

[عاشقه مودي]

لا والله عادي ... بالعكس حلالي ودافعه فلوووووسه ...أكيد أذا الاكل زايد بأخذه

 

[تعويذه الحب]

اذا كان زااااايد اخذه ومثل الورد

 

[costa chic]

انا و لا مره سويتها بس احس ان عادي
بامريكا في مطاعم بدون ما تقولين لهم يعطونج علبه تحطين فيه اكلج الزايد

 

[JaDeL]

لوول بيني وبينكم انا مرات استحي

 

[tmtmt]

يا حليلكم والله توني ادري ان في ناس تستحي من هالسالفه

بعد اكل ودافعه فلوسه ليش استحي ... ومن منو !!!

عاد انا ولا عمري رحت مطعم وطلعت من غير لا اخذ الزايد لنه كله اطلب وما اكل

 

[عاشقة الكاكاو]

اخذذذذه وجنه العيييييييييد حراام ينقط بزباااااله

 

[عاشقه رويشد]

لا عادي صراحه مااشوف انها فشله

 

[جلاديلياس]

لا والله عادي ليش فشله اكل نظيف اخذه وساعات من كثر الطباق ماتاكلينها كلها


فأخذه سفري وزي الورد