ليش هالنظرة الدونيــة للبنت ....... ؟

[بنت شيخ]

سلام عليكم

شلونكم


بصراحه عندي سؤال محيرني

الا وهو

ليش البنت اللي تلبس عبآية وملتزمة ما يتم تقديرها بالاماكن العامة
ويطالعونها نظرة دونية ! .. يعني مثلا في محلات المكياج والملااابس ما يلقونها بال
ويلتفتون على البنت الكااشخة حدها ؟!! ليييييش هالدونية والنظرة السطحية ؟!!

 

[إمارتية عسل]

الغاليه لا تحطين في بالج جي

المهم هي رااضية عن نفسها والاهم رب العالمين رااضي عليها

شو عليها من نظرة المتخلفين

:eh_s(6):

 

[*غرور انثى*]

للأسف هالشي موجود ومشاهد بس مو بكل مكان يعني على حسب اللي يشتغلون اذا كفار اكيد يكرهون لما يشوفون انسان ملتزم وصالح
بس اذا اللي يشتغلون مسلمين بالعكس انا اشوف نظرات الاحترام بعكس لما تدخل وحده متفسخه!
عموما احنا واثقين من نفسنا يكفي ربنا راضي عنا,,فليتك تحلو والحياة مريرة,, وليتك ترضى والانام غضاب

 

[khawla&tito]

حبيبتي الشيطان يزين الشي الحرام بعيون ابن ادم ..حتى لوكان شي مايسوا وحرام بيصير حلو بعيون ابن ادم ,,,

الجنة حفت بالمكاره والنار بالملذات

 

[بنت شيخ]

يعطيكم العافيه عالردود

وانه والله مومهتمه فيهم

بس مجرد استفسار

 

[رحيق الحياة]

صح بس انا ما اشوفها بالمحلات بكل مكان ترى عندج بعض البنوك مايبون وحده تلبس عبايه يبون وحده كشيخه

هذا (( زمـــــــــــــن الـــمظاهر )) وبس ,,,

 

[spanish-girl]

حبيبتي مو الكل أصابع ايدج مو سوى

 

[sweet cake]

اختلف مع اللي قالت لو كافر راح ينظر لنا نظره دونيه.. هناك عندهم يحترمون اللي يلتزم بعقيدته حتى لو كانت تخالف عقيدتهم لكن يحترمون الغير (طبعا في ناس منهم مو جذي) .. وهالشي عن تجربه.. بس المشكله عندنا من المسلمين لكن اللي اسلامهم مسمى .. يحبون يشوفون البنت الكاشخه لأنهم يتوقعون تعطيهم وجه وتضحك.. ولاحظي اذا كانت البنت ثقيله حتى لو شنو لابسه ووقفتهم عند حدهم مالهم خلق يطالعون فيه.. واذا كانت البنت لابسه عبايه لكن لبستها للعبايه اجباريه وكانت خفيفه وتكركر يستانسون عليها..

الخلاصه الزين والشين موجودين عندنا وعند غيرنا واللي ينظر للبنت المحترمه نظره دونيه هذا شي من صالحها.. شنبي فيهم .. واذا عن خدمة الزباين بس قولي له انا جايه زبونه واذا ما شفت شغلي عدل بخليك الحين تنادي المدير وهو بيوقف قلبه..

 

[Bamya]

بالعكس لما الوحده تكون لابسة عباية مرتبة وحجابها مظبوط وويها ينووور وماشية سييييدة سامتة الظهر بكل ثقة واناقة .. احتمال يطقون لها تحيّة لوووووووووول لا صج والله تفرظ هيبتها

وفي وحده بعباية ذيلها خام الأكو والماكو من الوصخ ومسويتلج حجاب بو تفخة والمكياج العقيدي << أكيد الكل بيطالعها بنظرة دونية

وبعدين لاحظي ان أغلب أمهاتنا الله يخليهم و الحريم الكلاس اللي تلاقينهم بالمجمعات الراقية يكونون لابسين عباية .. ولما يدشون المحل البيّاع على طوووول يروح لهم يرحب ويعرض خدماته ويخلي الزبونة المترصصة اللي كان مجابلها لأنه يدري انها يايه المجمع تسوي show مو تتسوق

 

[بنت شيخ]

تسلمون حبايبي

 

[ورد الطايف]

اعوذ بالله
هذي يمكن دعوه التبرج

انا ملاحظه ها شي خصوصا المحلاات المكياج

 

[سوسو العصلة]

الله المستعان احنا الحين بدنيا المظاهر على قولة الاخت الكريمة
واهم جذي نظرتهم للناس يعني يبون الفاصخه والكاشخه عشان يمتعون عينهم استغفر الله العظيم ولاحول ولاقوة الا بالله وانا لله وانا اليه راجعون واجرنا عند ربنا الكريم
وانا اقول البنت المحترمه مكانها فبيتها وتطلع لحاجتها بس احسن لها واستر لها
بقوله تعالى : (( وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الْأُولَى)) (الأحزاب :33).

 

[صغيرة على الحب]

اي والله ملاحظة بالمحلات و غيره و كل مكاااان هالناس اللي عقلهم صغير و كفار نظرتهم دونية جذي

 

[katko0ota]

مساء الخير حبيبتي

اول شي ودي اقوولج ان اصابع ايدج مووو سواا البنت المحترمه محترمه ويين ما تكوون و موو العبايه هي الي تقيم الشخص الي جدامي

شي ثاني في اخت قالت الكفار هم الي ينظرون هالنظره ابدا ما اوافقها الراي على فكره اهما اكثر ناااس عندهم احترام للأديان الثانيه ( طبعا ماعلينا من المتطرفيين منهم مثل ما احنا عندنا متطرفين بالتفكير هم بعد عندهم ) كلامي الي قلته عن تجربه موو مني و الطريييج انا عشت معاهم و عرفت شلوون يفكروون

 

[بنت شيخ]

تسلمون حبايبي

بس في بنات ردوا علي واهم مو فاهمين السؤال

انا ما اقصد اني اقيم البنت بلبسها

انا قاعده اتكلم عن موقف شايفته وبكثره

 

[hello.kitty_85]

بصراحه حبيبتي انا مع كلام الاخت سويت كيك وكتكوته يعني بصراحه الناس المختلفين عن ديننا عندهم احترام كبير للاديان وهم فيه منهم متطرفين ومتعصبين بس ما نشملهم بالحديث ثاني شي حرام نقول عنهم كفار لانه منهم المسيحي واليهودي يؤمن بالله عز وجل وهم ديانات سماويه ومو كلهم بجهنم ومانكمل الحجي عنهم انا بس بغيت انبه علشان الالفاظ والتكفير حرام
ونرد لموضوعنا بصراحه مو كل الناس جذي يعني انا اشوف بنات يلبسون عباية راس والويه منور ومع اني مو ملتزمه ولا متحجبه بس من اشوفهم يدشون قلبي واحبهم واحترمهم لانه الايمان سبحان الله يبين بعيونهم وفي بنات لا اشكالهم تنرفز وعلى قولة الاخت بامية الويه ترس ميك اب والعبايه وصخه ونفسيتها كلش وفيه بنات سفور وكشخه على قولتج لكن محترمين ويفرضون احترامهم بثقلهم يعني مو العبايه اللي تقيم الانسان وبعدين انا بروح اشتري واطلع ليش اتضايق من البايع بلعنته واذا حسيت انه مو محترم باسلوب سنع اخليه يحترم نفسه وبصراحه يعني انا اشوف الناس قاموا يصنفوننا على اشكالنا ولبسنا وهالشي مايجوز يعني بالعقل شوفوا اللي محترم نفسه وقيموه مو باللبس والشكل

 

[غلا الغوالي]

الشيطان يزين لهم

المعاصي الله لايبلاااااااانا


وانا اتوقع النظره هاذي تجي من النساء اكثر لان الرجال يحترمون اللمحجبه ومحافظه ع نفسسها من نظرات الاجانب


واهم شي رضا الله عننا


تقبلي مروري

 

[نيولوفر]

عفوا اختي انا اختلف معاج بالراي لأن البنت الملتزمه تاج ع راسنا كل الناس ينظرون لها باحترام و تقدير و وانا و حده من الناس اذا شفت ملتزمه استانس و ينشرح صدري حيييييييييييييييييييل و قول الله يكثر م امثالهم ... بس في قله قليله معقدين ينظرون لهم كأنهم معقدين بس من داخلهم يحترمونهم و يقدرونهم لأنهم فاهمين الدين والاتزام غلط ... و انا برايي الشخصي و عن تجارب البنت الملتزمه الكل يحترمها و خاصة الرجال و يوقرونها حيييييييييييييييل و يقدرونها و يضربون فيها الامثله ... و تقبلي مروري حبيبتي و اسفه ع الاطاله

 

[*غرور انثى*]

اللي يقولون الكفار اكثر ناس يحترمون الاديان وااااضح من اللي قاعد يصير في فرنسا من منع الطالبات دخول المدارس بالحجاب
وواضح من اللي صار في الدنيمارك من اساءة لاشرف خلق الله وكلهم وقفوا مع الدنمارك وما انكروا هذا الشي
وين احترام الاديان ؟؟

 

[Namlah]

رضا الرب اهم من نظرات الناس
وبالعكس نادر ماشوف اللي تقولين عنه
ويعطيج العافيه