ليش هالنظرة الدونيــة للبنت ....... ؟

[ياعشيري جعلك السلال]

ايه والله صج

اعطيج مثال

كنت داخله محل للعطور ماني قايله اسمة خخخخ

وقاعده اسال طبعا الي يبيع ماعطاني وجهه ونحاش حق وحدة لابسه بنطلون وتي شيرت قصير وحجاب ومكياج المهم البنت كاشخه ولبسها مو مال حجاب

وانا عبايتي ونقابي

واقعدت تسال ونشفت ريجه

وانا قاعده اكلم الهندي اهو الي عطاني وجهه

اهي طلعت ماشرت شي ويوم خلص منها يا يقولي اساعدج بشي

قلت له لا الاخ قاعد يساعدني وكان يسويلي مجموعه عطور بـ 70 دينار

يعني عشان شكلي ماعطاني وجهه وكنت قاعده اسال عن عطر شامته عند وحدة

قاهرني للحين

حتى قلت حق اختي لو انا كاشخه واتدلع مثلها جان حالي مشى !!

 

[تفـاحهـ]

من قااالج هالكلااام حبيبتي بالعكس انا شاااايفه عاادي

ما يطاالعونها ناااظره دونيهـ ولا شي ,,,

 

[كريستال ليدي]

الدنيا مظاهر !

 

[ملكة الهدوؤوؤوء]

بالعكس انا الحمدلله عباة راس ونقاب وانا اللي افرض احترامي بكل مكان

واللي مايحترم ولا يلقيلي قبول الله الغني عن محله وعن بضاعته

 

[alb7ranya17]

انا ملاحظه بعد جذي بس شنسوي ههههه اخرتنا تحت التراب

 

[حرم الحوت]

هذا (( زمـــــــــــــن الـــمظاهر )) وبس ,,,

 

[عاشقه القيصر]

ماشفت الشي هذا

 

[unreachable]

صاجه بمحلات الميك اب والعطور

يهتمون بلي لابسة وحاطة ميك اب اكثرمن الي لابسة عباية

 

[نور الضي]

جبتيها علي الجرح
انا البس عبايه
و الاحظ بعض البنات مو الكل ما يتقربون مني ولهم هالنظره اني مو كول
ولو تركزين اللي تلبس عبايه مع اللي تلبس عبايه
والبدل مع البدل
والسفور مع السفور
بس طبعا انا ما يهموني
لان اللي مايبني ما ابيه وهذي ناس متخلفه

 

[بنت شيخ]

تسلمون على ردودكم

ومشكورين

 

[....q8....]

مو شرط ..