ليش ولدي جذي تكفون ادخلو محتاجتكم

[ضايعه بينهم]

خواتي
ولدي تعبت ع ماتعلم الحمام عزكم الله
السالفه ان ثلاث اسابيع. استانست صار يقولي ماما
ابي حمام واوديه يسوي عزكم الله ارتحت نفسيا

الصدمه صارله اسبوع يسوي ع الكلوت انا فهمته ان هذا سروال
وهو اصلا كلوت هجيز وعلمته اذا وصخته خلاص اقطه زباله ومافي زرافه ولا دب
قصدي الرسومات اللي عليه

اللي بعرفه ليش صار يسوي ع الكلوت

والله تضايقت. وراي ولاده ماصدقت تعلم
تكفون ساعدوني*

 

[عـــــروس]

نفس معاناتي أنا فاهم كل شيء بس ما يبي يسوي
بالحماام نفسيتي تعبت من هالموضوع ​

ممكن تقولين طريقتج يمكن أخذ فكره عنها

وداش علينا البرد وللحين مو راضي يتعلم وطبعا ما أقدر ألغي كل للي سويته

ولدي عمره سنتين انتي ولدج جم عمره


​

 

[ضايعه بينهم]

انا ولدي عمره ثلاث سنوات ونص

انا طبقت كلام الاخوات ادش معاه الحمام اسولف تطلع روحي
ومايسوي شي بالحمام
واذا لبسته البامبرز عزج الله سواها
جنني واستمريت اعاني كل يوم ادخله الحمام وذبحني يلعب بالماي
واذا طلعت يسويها

جبت كلوت قلت هذا سروال بامبرز حق داده. وانت بطل

وللمعلوميه ترا من قبل رمضان احاول معاه بس الحين

تعبت الثقل ذبحني ومو عارفه شلون اتصرف معه

والله مقهوره ليش رد يسوي ع الكلوت

 

[عـــــروس]

حبيبتي اذا عندج خدامه خلها تساعدج بالتعليم لانج حامل

يعني انتي مره واهي مره لين ما يتعلم ان شاءالله


​

 

[Om _ Almona]

لا تلبسينه بامبرز
لبسيه صروال عادي القطن لأن مستانس على شكل البامبرز ان فيه رسومات
اشتريله الصروان الابيض العادي

وقولي له ان كل ما راح الحمام راح تعطينه شي اهوا يحبه
مثلاً انا بنتي تحب بسكوت اوريو
كل ما راحت الحمام عطيتها بسكوتة اوريو
لمن خلاص تعودت انها تروج الحمام بروحها​

 

[ضايعه بينهم]

هلا اختي om-almona

تصدقين امس من كثر ما افكر قلت. الولد عرف ان اللي لابسه بامبرز مو سروال
عشان جذي قاعد يسويها
بس راح اطبق كلامج والبسه القطن الابيض

الله يجزاج خير
ويحفظ لج ورداااااتج ويبلغج فيهن

 

[فجوره]

حبيبتي غلطانه وقت التعليم تلبسينه بامبرز جذي عمره ما يتعلم

لازم تقطعين عنها نهااااائي وخصوصا إنه ولدج مشاءالله كبير

يعني فاهم كل شيء

 

[PuPa^^SWeeT]

الكيلوت طريقة فاشلة للاسف




لان الطفل يحس واهو قاعد انه الملمس مثل احفاضة




انا جذي بنتي طول الوقت عبالها انه حفاضة

 

[(حكاية قلب )]

اخوي الصغير كان جذي امي اول شي قطت عنه الحفاضات وجابتله مثل هذا
هو مرحاض تكرمين بس علي شكل العاب وعلمية علي هاي وبعدها شوي شوي بيتعلم

​

 

[ضايعه بينهم]

يعطيكم العافيه وماقصرتوا ع الردود

وصاجه اختي بوبا سويت لما قلت ليش تسوي ع السروال
قال هذا بامبرز 
هني حسيت ان هذا هو الغلط لان نفس ماقلتي
ملمسه قطن فحسباله بامبرز
وهذا انا رديت اعلمه من اول وجديد*

 

[فـراوله]

آآآآآآآآآآآآآه ذكرتيني بمعاناتي ​

بس انتي ولدج اسم الله عليه كبير مو مال بامبرز أو السروال للي نفس البامبرز
هذا السروال نستخدمه حق للي مو فاهم بس ألحين أنا مع ولدي السروال وبظل عالسروال
لين ينتهي البرد وبعدها اهني بقطع عنه السروال وأعلمه بدونه بس خلاص ما أقدر أرد له البامبرز
عشان ما يحس إني ألعب معاه لانه تقريبا بدا يفهم ويستوعب وعمره سنه و11 شهر
ومبلشه معاه من شهرين تقريبا ​

 

[ضايعه بينهم]

هلا باأختي فراوله
ماشاءالله تبارك الرحمن الله يخليه لج يارب

بس لاتلوميني هذا بجري وبصراحه ماعندي احد
استفيد منه
الا من خواتي بالمنتدى
وكلامج صح هو فاهم عشان جذي فهم ان هذا بامبرز
بس صارلي يومين قاطعته عنه.