ليش يا غرناطة المتوسطة بنات

[السنعة2]

السلام عليكم ورحمة الله وبركاته

صراحة اكتب وانا حدي مقهوره

ليش

يوم التفوق يوم التكريم للمتفوقين منو منا ماينطره ؟؟؟؟؟؟؟؟؟؟؟؟؟؟؟؟؟؟؟؟؟؟

نتعب طول السنه مع عيالنا نبي التفوق والامتياز وننتظر تكريم المتفوقين على احر من الجمر
علشان نشارك عيالنا فرحتهم وفي منو ايي وبكل سهوله يحرمنا هالفرحه والي اهي يوم بالسنه


طولت عليكم بس شقول شحجي

يت بنتي اليوم تقول لي يمى باجر حفل التفوق
وراح يكون بالطابور
والمدرسه المسؤؤله عن العرض قالت
اذا يت ام طالبه وحده راح تنلغي الحفلة


لييييييييييييييييييييييييييييييش

ماتدعونا
لييييييييييييييييييييييييييييييش

مانحضر نشارك بناتنا فرحتهم

السنه الماضيه انلغت الحفلة لوفاة والدة الناظره (وكان ممكن تتأجل لشهر شهرين مايمنع)وسكتنا وبلعناها

استغفر الله العلي العظيم صج صج حروني

شرايكم؟؟؟؟؟؟؟؟؟؟؟؟؟؟؟؟؟؟

 

[حلم الطفولة]

حبيبتي كسرتي خاطري .. يمكن صج أكو ظرف معين ..
عموما و للأسف وايد مدارس خاصه ماتسوي حفلات تكريم أو إنها تسويها بطريقه بسيطه جدا .. والظاهر مدارس الحكومه عجبتهم هالسالفه وبيقتدون بالخاص << جان زينهم يقتدون بشغله زينه الله يهديهم.

 

[السنعة2]

مشكورة على الرد حبيبتي

مو مشكله عندي احتفال بسيط بس نحضر

 

[حلم الطفولة]

إي والله فرحة الأم بتفوق عيالها تسوى الدنيا ومافيها ,, خو مو كل المدرسه متفوقين عشان نقول بيصير زحمه وللا فوضى ..

ميخالف حبيبتي معوضين إن شالله ,, بس انتي بلباقتج الحلوه روحي كلميهم قولي العام طاف والسنه طاف ,, السنه اليايه عاد نبي نفرح بعيالنا من حقنا ..<< موفقه سنعه .

 

[قناديل الخير]

االله يعينكم والله ياسنعه شنقول وشنخلى تعبنا اغلب إدارات المدارس الحين مالهم خلق يسوون شيء

 

[أم عبووووود]

الله يعينكم صج في بعض المدارس ماتدرين شنو بيضرهم لا سوا حفلة تفوق ودعوا اولياء الامور وهذا من حق الطلبة واولياء امورهم

انا اقول يالسنعه روحي كلمي الادارة وان شالله خير

 

[السنعة2]

مشكورين كل الي ردو
تصدقون اليوم الصبح بنتي تقول يمى ماني رايحه حتى الفرحه ماحست فيها
بس اقنعتها وشجعتها وقلت لها هذا يوم فرحة لج لاتطوفينه
اخذي كاميرتج خل صديقاتج يصورونج
وبعد عمري راحت بس احس منكسر خاطرها
قبل شوي دقت وتقول تعالو اخذوني خلصنا

 

[أم عبووووود]

حبيبتي الله يعينج شتسوين بس انتي خبيها ووديها اليوم واشتري لها هديه او طلبي لها كيكه واحتفلي فيها مع اخوانها يعني حسسيها ان الامر عادي وانج انتي مو متضايقة

الله يسامحهم هالمدارس مايحسون بالمهات وعيالهم

 

[فـــخـــر]

1- يلغون الحفله علشان ام الناظره ماتت مالهم حق مو ملزومه الناظر تحضر

تحضر بدالها الوكيله وباقي الاداره لان المدرسه تتبع الوزاره مو الناظره

2- يسون حفلة متفوقين من غير الامهات مااالهم حق بنتج متفوقه وانتي مستانسه فيها وين

الغلط بفهم؟؟ واصلاً وجود الامهات حتى لو من غير حفلة بس تكريم اهم من حفله وخبه

وازعاج.. بالعكس وجود الامهات تشجيع لأستمرار التفوق بس وين اللي يفهم يبون توفير وبس !!!

<< انقهرت

يالله الله يعوضج وبنتج عن هالفرحه بفرحه اكبر

 

[السنعة2]

اللهم آمين جزاكم الله الف خير

 

[البطريقة البردانة]

أول شي مبرووووووووووووووووك تفوق بنوتج الحلوة و بارب منها لأعلى و تكبر و تسلم على الامير و ترفع راسج دايما فووووووق..

أعتقد غن ظروف المدرسه صعبه أو ما قدروا ينظمون الحفل بسبب عدم تعاون الشركات أو عندهم فعاليه ثانيه ما تدرين شنو السبب أهم شي بنوتج راح تتكرم و انتي بعدها سوي لها حفله صغنطوطه و طلعي معاها و تونسي بدل الأجواء المدرسيه المليقه بروحه الجو مو حلو بعد على الاقل تروحين مع بنتج أي مكان و تستانسون حتى بالبيت أونس