وشنو فيه الآستجواب ؟
الاستجواب حق دستوري كفله الدستور
والآستجواب أكبر دليل أنج في بلد ديمقراطي
بعدين إذا أنتي واثقه بنفسج عادي خل يستجوبونج مره ومرتين وثلاث وين المشكله ؟ واثق الخطوه يمشي ملكآ
العضو مو دوره التنميه
هذا دور الوزير .. العضو دوره أنه يكشفلج ليش مافيه تنميه ليش صرنا بلد متخلف ؟ كل من صار وزير حطله شله تحته وأكلو الآكو والماكو وهو يغافل لكم الله
وآخر مثال شفنا بالكويت وزير الداخليه السابق الشيخ جابر الخالد لمه ذبحو الميموني
عطو أخبار مغالطه أنه مدمن مخدرات وأنه فيه وفيه ومات لآنه مريض بالقلب !!! وطلع الشيخ وقال التقرير على فاله على أساس اللي رافعينه له ناس ثقه ! وتالي أنصدم أنها كلها أكاذيب وطلع الرجال صج تعذب لين فاضت روحه .. وقدم أستقالته
مو ذنب الآعضاء أنه قدم أستقالته
ذنب الموظفين اللي عطو أخبار غير صحيحه
طيب لولا الاستجواب كنا راح ندري عن الميموني ؟ لولا الآستجواب كنا راح ندري عن الشبكه التجسسيه ؟
الآستجواب أداه دستوريه يجوز أستخدامها في أي وقت دامها تخدم الشعب وعااااادي إذا أنت يالوزير واثق بنفسك أصعد االمنصه عواافي ..
أنتي مدرسه غيبي يوم بدون عذر شوفي شيصير ؟ المشرفه تحقق معاج الوكيله تحقق معاج الناظره تحقق معاج وأخر شي كتاب الوزاره طالبينج .. حاله حالنا الوزير إنسان موظف لخدمة الوطن وشعب شفيها إذا أستجوبناه ؟ كلنا نستجوب مهنيآ
أما اللي تقول بايعو الآمير ..
أول شرط من شرووط الدستور
أن ذات الآمير مصوووونه لاتمس
أتحداج تجيبين عضو واحد أو وزير واحد يتكلم عن الذات الآميريه !
بس قناتين تلفزيونتين وومعروفات هم اللي شوهو صورة أعضائنا .. ! محد يتكلم عن الذات الآميريه ولا أحد يجرؤ أصلن يتكلم عنها .. بس عشان اللي صار بديوانية الحربش ! قالوا هذه أوامر أميريه أنتو معارضين للأمير ؟ وكلنا شهدنا موقف أسيل العوضي البطولي هي العضوه الوحيده اللي تصدت للموضوع وقامت وقالت الآمير أمر بالمنع ولم يأمر بالضرب وتفشلووو وسكتوو !
ومن حزتها صار هذه كلامهم هذولي يمانعون الآوامر الآميريه هذولي يمانعون الآوامر الآميريه .. محد مانع الآوامر الآميريه أحنى مو أغبياء كل أعضائنا وافقو عن منع التجمعات .. بس مانعوا الضرب والتنكيل والسحل اللي كان بأمرهم يعني أعضائنا أبدآ مو ضد الأوامر الآميريه بس هم اللي قاعدين يشوهون صورتهم ؟
بالنهايه وآسفه على الآطاله أنا اللي تزكيهم حركة السلف أصوتلهم
أبتدائي ثانوي مايهمني أهم شي رجل على دين وخلق وإن شاء الله الكوويت تصير دائره وحده لآن في ناس تستاهل الصوت وفي ناس بالمجلس كفو والله يستاهلون يفوزون مره ومرتين وثلاث
أما السعوديااااات عزيزات وغالياااات
والكويت أختكم الصغيره
وعااادي الخوات يتشاووورون
وماخاب من شاااور
بس بدون تجريح بأحد خلو كلامكم عام
عشان محد يأخذه بصوره شخصيه
وتراه الآوضااع عووافي لاتصدقون التلفزيون
الآستجواب من عمر المجلس مو شي جديد بس أحنى ماكنا ندري تونا صرنا مثقفين سياسيآ ,, ريحوو راسكم وخلو السياسه لآهلها أهم أدرى فيها ..
وخلو مجلس الآمه وخلو إيران لناس السياسين ولرجلات الآمه والله لو تغفي عين واحد منهم لنروح ورا الشمس كل من حاط عينه على الكويت حمدوا ربكم
الله يخلي مجلسنا ويخلي وزراءنا ويخلي حكومتنا ويخلي ديرتنا والله مانبي ألا الآمن والآمان
الله يحفظج ياكوووووويت والملائكه تحرسج يااارب
