ليلة فوشية والزعل........

[cutee girl]

قوه بنوتات اشلونكم وشخباركم؟؟ حبيت اخذ رايكم...انا وزوجي صايرلنا 5 ايام متزاعلين وعلى اسبااااااب واااايد وبصراحه مليت من الزعل :eh_s(14): واليوم اشوي كلمته لاني كنت امطنشه فيه


فا قلت ليش ما اكسر الزعل الي بينا واسوي ليلة فوشيه ...اشلون يعني؟؟:wqedqw::wqedqw:
قلت بحط كفر فوشي ساده واحط فوقه شال ابيض فيه ورود فوشيه ،،وبروح بياع الورد بشتري ورد فوشي وبتفخ بالونات وبحطهم على الارض وبروح سوق بو امبيه اخربط اشوف شنو فيه وقلت بحط شموع فوشيه مع ابيض وبغير مكان التسريحه وبلزق صورنا على الطوفه بطريقه حلوه مع ورود وفراشات،وبحط ورد على الارض،،،،
ممممممم وقلت بصبغ شعري،،،، بس ريلي مايرضى اصبغ،، فا اشرايكم اصبغه اسويها مفاجاه ولا لا اخاف يعصب؟؟

واشرايكم بغميص نوم فوشي ولا ابيض؟؟؟؟

عطوني افكار ،،، شنو ازيد وشنو انقص؟؟


بس السؤال ؟؟؟؟ يستاهل اسويله كل هذا؟؟ :0bee2e8d89: مع انه اهوا بعد غلطااااان وااااايد
بس انا اقول ريلي لي متى بنتزاعل خل اكسر الزعل ونحل مشكلتنا بجو هادي واحط مسيقى هاديه :tek:


يالله بنات ناطره ردودكم بلييييز بسرعه لاني الحين بروح الصالون

 

[cutee girl]

بناات بليييز بسرعه

 

[شذى الحب]

الله يهديه زوجج بس نصيحه لا تصبغين شعرج اذاا هو ماااايبي

انا اقوول اشتري له عطر اللي يحبه

الله يوفقج يارب ويسخر زوجج ويهديج

اما عن العصبيه عادي لانه عندي وعندج خير كل شوي يزعل حتى على اتفهه الاسبااب

 

[(أم دانه)]

حبيبتي روحي الله يوفقج وياااه ويسهل ليلتج
وصدقيني ماكو كرامه ولا زعل ولا شي بين الواحد وزوجته
وترا الريايييل مثل اليهاااال ناغيلهم وهاديهم عادي يطخون بسرعه
بس سالفه الصبغ لاا خليها على صوب دام انه مو راضي

 

[(سعودية كويتية)]

رد : ليلة فوشية والزعل........

كل الي قلتيه مره حلووو
والريال يحب المراه الي تبادر
بس لا تصبغين اذا يظايق زوجك لانه بيكون نقطة ممكن تخرب كل شئ

بس بالنسبة للالوان ماقدر افيدك لانه يعتمد على لون الجدار واهو وش يحب وكذا
بالتوفيق يا عمري وعطيني خبر وش صار

 

[cutee girl]

مشكورين بنات على النصايح وخلاص ماراح اصبغ وادعوووووولي والله انتو مثل خواتي
والله يهدينا يارب ويصلح امورنا ،،، والله احس الناس امبطلييين عيونهم علينا على سبب تافه والله من نطلع نفس اليوم متهاوشين على ولاشي بس جذي ،،، الله يسامحهم ماقول غير حسبي الله ونعم الوكيل

 

[اشتياق]

حلوو التغييير

بس دام مايحب تصبغين لا تصبغين خلج عاللون اللي يحبه ..

واذا بيضه لبسي قميص فوشي يطلع واااو

 

[miss_jamsheer]

مادري اخاف تسويله ويتعود ويخليج كله انتي تسويله بس حلوه المبادره انج تبدين بالصلح

 

[الا انــــــا]

الله يهدي سركم حبيبتي ويبعد عنكم الحساد


بالعكس حركتك حلوووووووه مره وماراح ينساها ان انتي اللي بديتي وراضيتيه وبيفهم شكثر انتي تحبينه

الله يوفقك

 

[Daleela]

هالله هالله بالحمرة الفوشية

واذا عندج حيول لبسي بس يكونون سلفر مو ذهب اصفر

وحطي ورده طبيعية بشعرج تكون ورديه او بيضه واخذي lilies

كتبتلج نوع الورد بالانجليزي

والله يوفقج

 

[كرز حالي.]

رد : ليلة فوشية والزعل........

حلوه فكرتج وانا طبعا أايدج
يعني ليمتى الزعل