ليه ياشمعه

[هدولى]

ليه يا شمعة

وش اللي مضيق صدرك
وش اللي حابس الدمعة
وش اللي متعب عمرك أنا وألا الألم نازف ..
أنا وألا الحزن سافر أو إنه عمرك بيفنى ؟!

وفجأة سالت الدمعة
بكت قدامي الشمعة وبكتني
وقالت لي :
إلى منه سطع نوري على وجهك أشوف الدمع بعيونك
وهذا شي يحزني ..
وإلى منك صرخت من الألم أحس الموت يجذبني أحسه حيل يجذبني
وهذا شي يحزني..


وإلى منك كتبت الشعر على نوري بقرطاسك أحس حروفك تنادي تبي إنسان يسمعها ..
تبي إنسان يفهمها ..
تبي إنسان يحضنها ..
ويرجع لي صدى الأصوات يجرحني .. يعذبني ..
وهذا شي يحزني ..

وإلى منك بالدفء حسيت ..
وغشاك النوم .. تفز بخوف تفزعني
وهذا شي يحزني ..

وقلت الله يالشمعة !!

أنا اللي مضيق صدرك .. أنا اللي حابس الدمعة ..
أنا اللي متعب عمرك ..
أجل وشلون لو عشتي دقيقة عشتها بعمري؟
أجل وشلون لوشفتي جروح الناس في صدري؟
أجل وشلون لو إنك تحملتي حزن هالكون؟
أجل وشلون لو حظك رماك بعالم مجنون؟
أجل وشلون لو يكبر بك الحرمان يا شمعة ؟
أجل وشلون لو يغدر بك أغلى الناس يا شمعة ؟


وفجأة ! ماتت الشمعة
من أحزاني!
صرخت وليه ياشمعة تركتيني لحرماني ..
تركتيني لأحزاني ..
وبعد هالموت ياشمعة من اللي بعدك بيبقى بظلام الليل يضويني ..
ومن اللي بعدك بيبقى إذا ونيت يحس فيني ..
ومن اللي بعدك بيبقى على موتك يعزيني ..

وماتت الشمعة وماتت معها أغلى جروحي .. وأعذب آلآمي ..

مماقرات

 

[بنت الفقيد]

صح لسانج يالغاليه

 

[هدولى]

مشكوره بنت الفقيد على المرور .

 

[مناوووي]

روووووووووعه


صح لسانج

 

[هدولى]

يعطيج العافيه مناوى على المرور.