ليييش اكثر الولادات الحالية قيصري ؟؟؟

[ايمانو حلوة]

هلووو بناتتت

انا لاحظت الولادات الحين اكثرهم قيصري مادري مشاكل الرحم زادت والولادات تعسرت ولا شنووو

وبنفس الوقت وااايد بنات اول مايولدون يختارون القيصري حتى لو ماكانت عندها مشكلة بالرحم او بوضعية البسيبي علبو انها تخاااف


عشان جذي لاحظت الولادات كلللها تقريبا سيزيريان مع انه لها اثار جانبية كثيييييييييرة ومشاكل السيزيريان هم كثيرة

ياترى انتي ليش ولادتج سيزيريان ؟؟

واللي ماعندها مشكلة بالولادة ليش اخترتي ولادتج سيزيريان؟؟؟؟


انا ولادتي في بنتي سيزيريان لان عنق الرحم عندي مايفتح الا 4 س بس


ناطرة ردودكم

 

[● عـِـِـِزۈة آخ‘ـَـۈاْنـهـآ «-~]

صح والله انا لاحظت بعد
بس شالسبب الله واعلم

انا تووني بجر وان شااااءالله يارب كل الحوامل يولدوون طبيعي

 

[elpinkya]

الناس انواع

في منهم امراض لا سمح الله مثل

عيب خلقي بالحوض
وفي ناس ينشف الماي علي البيبي و يطر الدكتور يسوي قيصري
في ناس ما يفتح عندهم الرحم و ممكن تقعد بالولاده يومين
و تتعب و يتعب البيبي و يحولها قيصري
او ممكن يكون وزن الطفل كبير اكثر من اربعه كيلو ونص
او وضعية الجنين ما تسمح بالولاده الطبيعيه

و مرت علي بالولاده وحده هنديه اهي طلب قيصري مع انه ولادتها سهاله و كان وضعها ممكنتا انها تولد طبيعي

و وحده كويتيه هههههه هذي ضحكتني ما تبي احد يلمسها و كان فيها توم بنات
ما تبي الدكتور يفحصها و مصكره ريلها حييييل و قالت ابي قيصري
حتي لما ياها دكتور التخدير قالها إبرة ظهر مسكينه ترجف قالت لا لا لا تخدير عام
الدكتور حاول فيها
سالوا اهلها قالوا اهي فيها وسواس ما تحب احب يلمسها مسكينه
و سوت قيصري

في نفس بنت جيرانه ما تبي تخرب من تحت و تولد قيصري

 

[عششق القهوه]

والله انا الي حولي اغلبهم طبيعي بس انا قيصري تعسرت ولادتي بالثالث وصرت قيصري

 

[A7la-SmiLe]

من اللي أسمعه من اللي حواليني مائبون يختربون وتكرمون شق وخياط علشان جذي يختارون القيصريه وفوق هذا لاطلق ولاانتظار يحددون موعد للعمليه جك بم إلا والده وطبعا يجهلون مخاطر القيصريه منها عوارها و ممكن تسبب التصاقات وتحديد عدد اليهال

 

[|{ خـيـألْ }|]

امممم

شوفي انا اقوولج اولا مثل مااقلتوو اسباب صحية
وثاانياا عشان الخوووف مايبون طبيعي << انا منهم خواااافه حدي
و ثاااالثااا اسباب ماادية المستشفياات الخااصه من صالحهم القيصريااات عكس المستشفيات الحكوومية واكيد انتو ادرى

الله يهووون على كل حاامل ولاادتهااا يااارب العالميين

 

[miss mama]

انا عن نفسي اول مره تعسرت ولادتي. ثاني مره كنت متعقده من التجربه الاولى ماحبيت امر فيها مره ثانيه. فا اختصرت الدرب وطلبت قيصري. والحمدلله قراري كان لصالحي لانه اكتشفو عقب انه الحبل السري ملتف وماكان ممكن اولد طبيعي. بس اتذكر من جم سنه كنت قاريه مقال انه مع السنين راح يتجهون اغلب الحريم للعمليات القيصريه محد يبي طبيعي. وفعلا هذا الحاصل.

 

[هدفي الفردوس]

فعلااا انا احس اكثرها من الدكااترة عشان المادة

 

[مس لوتس]

انا قيصريه لان بنتي تعبت وحولوني قيصريه بس صج اللي تختار قيصري ومافيها شي رافسه النعمه عيل في احد مايبي الطبيعي من اسمه طبيعي والمستشفيات الخاصه تبي الفلوس والله يرزقني بالطبيعي دعواتكم

 

[عضـــــوه]

السلام عليكم

بالنسبه لي اول قيصريه كان الحبل السري ملفت على البيبي وعزكم الله خرج فبطني والله حفظه لي وقومتي سالمه
ثاني وحده اووووووووووووووووووووف كانت مكس طبيعي وقيصري شفت الموت بعينه الله يشهد رحت المستشفى ولله الحمد كنت مقتوحه ٤ سانتي وقال الدكتور تمام باقي ٦احنا راح نساعدج بالتحاميل ونوسع وتولدين طبيعي بس ساعدينا  بس فجأه وانا بغرفة الولاده الطبيعي صفر جهاز نبض البيبي والكل فوق راسي وانا حاطه الكمام عوار زاد حيل طبعاً توقعت بيطلع الراس بسسسسسسسس طلع البيبي حيل تعبان ومايقدرون يجهدونه معني ماصارلي ساعه سبحانك ربي قسمتي ونصيبي وصعدوني قيصري وطلع البيبي شارب من ماي الرحم وحطوه بالشيشه جم يوم والحمدلله على كل حال بعايلتنا مافي بس ثنتين معاي بس

 

[om MaRyooM]

مادري مالاحظت هالشي

عاد دايما احس انا الوحيدة قيصري لوول ..



المهم

بولادتي الاولى كانت فجائية .. لأن فيني حساسية حمل وكنت مراجعة عادي بس تعبانة وحاسة بشي غريب
جان يقولولي بسرعة ولادة لأن نبض البيبي مو اوكي
وولدت قيصري




والحين بولد قيصري لأن مابي اجازف بالطبيعي دامني جربت القيصري
وثانيا ردتلي حساسية الحمل وماقدر انطر للتاسع لأني تعبانة حيل

 

[غلآ نوآف]

اي طبيعي بناااااات مع الشق والخياطة تحت
ولا بعد المراة ماتقدر ترجع طبيعية هناك

وقرف بالحياة الزوجية

وكله بعدين زوجها بيلومها كان هي الي حملت من راسها
ههههههههههههههه شي يقهر والله

انا مخطوبة مابعد تزوجت
لكن واااااااايد شايلة هم الحمل والولادة

استغفر الله اقول مرات يارب ماجيب عيال يارب لك التوبة
كله من خووف الاوجاع والالتهابات والقرف

 

[xxx]

حتى انا لاحظت هالشي

وترى اكثرهم يطلبون الولاده القيصرية

غير استغلال المستشفيات الخاصة لحالة المريضة

الله يستر علينا

 

[مشغوله و محتاسه]

اللي ظروفها تحدها هذي الله يعطيها العافية و الاجر مو مشكله ..


بس اللي تطلبه بنفسها بدون عذر ... هني المشكله


و مسالة الخراب و ما ترد مثل اول و مشاكل بالحياة الزوجية موضوع مبالغ فيه بين البنات


مو لهالدرجه .. شدعوه !


ماكو احسن من الطبيعي ...


والله يسهل على كل حامل

 

[احساس السعوديه]

حتى انا ملاحظة كثرررررررت القيصرية

وغير كذا صاروا البنات يطولون يدخلون العاشر ولا ولدوا
كثرووووووووا اللي كذا


والله يهون على كل حامل بالسلامه

 

[Roty]

مادري مالاحظت هالشي

عاد دايما احس انا الوحيدة قيصري لوول ..



المهم

بولادتي الاولى كانت فجائية .. لأن فيني حساسية حمل وكنت مراجعة عادي بس تعبانة وحاسة بشي غريب
جان يقولولي بسرعة ولادة لأن نبض البيبي مو اوكي
وولدت قيصري




والحين بولد قيصري لأن مابي اجازف بالطبيعي دامني جربت القيصري
وثانيا ردتلي حساسية الحمل وماقدر انطر للتاسع لأني تعبانة حيل

قوة ام ميمي
حبيبتي شنو يعني حساسيه حمل ؟؟؟؟
ياليت توضحيلي

 

[تبطي عظم!]

الله يهون علينا يارب

 

[بدوية بملامح كشميرية 86]

انا قيصريه الحوض صغير عندي

والشي الي خلاهم يولدوني قيصري

نزول الماي كله والرحم 4 سم بس مفتوح

ونبض البيبي. قام يقل خافوا ف سولي العمليه

 

[ايمانو حلوة]

من ناحية طمع المستشفيات اووووووووا ياكثر الدكاترة اللي من هالنوووع

واللي تختار قيصري ومافيها الا العافية عساس تخاف خراب الرحم على قولتكم امبيييه مو من صجهم صج يبالغووون اعرف بنات يولدون طبيعي وعندهم 4 و 5 وكاااهم جنهم البخت هالموضوع يرجع لعنايتج بفترة النفاس وفترة الدورة بعد وتمارين كيجل لكل الحريم مو بس الوالدات لانها صج عجيييييبة تشد العضلة

والله يسهل عليكم يارب ويرزق كل محرومة امين

 

[جديده 1]

تجاره من المستشفيات الخاصه