لي ثلاث شهور وانا تبعانه من هالموضوع

[ريمـا]

السلام عليكم

بنات انا تعبببببببت من الافرازات شالحللللل ؟؟
لي ثلاث شهور بديت اكل حبوب منع حمل ومن عقبها حسيت بهالشيء

لونها ابيض بدون ريحه ورطوبه بالمنطقه ووسيـ **** :eh_s(2):
وانا مهتمه بنفسي
قريت الروشته حق حبوب المانع جان اقرى انه تزيد الافرازات المهبليه
:eh_s(2)::eh_s(2):

برررركب لولب ومحتاره اخاف هم تزيد الافرازات منه

ساااعدوني فيه وحده مثل حالتي

تكفين ام ضاري وبتبوتا خلو الموضوع اهني لانه متزوجات وعارفين حالتي :eh_s(7):

 

[أم ريــــما 22]

والله انا نفسج ياقلبي مو لاقيه حل بس عن قريب رايحه اكشف عند طبيبة نساء

 

[بقلبي انت]

روحي لدكتوره نساء وخليها تفحصج وتشوف الالتهابات
بس لجتلج الدوره اهتمي بنفسج عدل من ادوية وغسول وتدفي عدل

 

[ام الدرر]

حبوبة اولا الافرازات شي طبيعي اذا ماكان لها لون ولا ريحة ولا فيه حكة
وابشرج انها من علامات التبويض
لا توسوسين ولا تلعبين بروحج
واذا كنت مو مرتاحة للحبوب
غيري للولب
بس لازم تسوين فحوصات قبل تركيبه
اما التوسع الحبوب مالها شغل
وماتشوفين شر

 

[لولوه !]

كانك تتكلمين عني

انا عندي لخبطه بالهرمونات وصرفت لي الدكتوره حبووب ديااان وهي تعتبر حبوب منع حمل

ومن بعدها بشهرين من الاستخدام صارت ينزل معي افرزات بيضاااء واحيانا احس بحكه واحيان لا

انا مادري هل من الحبوب ولا التهابات ولا شنو

 

[دلوعة ميشو]

لازم تفحصين قبل يمكن عندج التهابات

 

[♡ فاطمه ♡]

انا كذه بعد عند التهابات احنا برحه واحنا لا .. عطون تحاميل اسبوع اتعدل اسبوع الثان ارجع .. ماندر وش سالفه

انت راجع ثاني مره وماتشوفي شر

 

[popa]

الافرازات شي طبيعي لان هالمنطقه محتاجه ترطيب بس اذا زادت عن الطبيعي معناته فيج التهاب والالتهاب مايروح الا بتحاميل اذا الون ابيض كانستين ممتاز حطيها قبل ماتنامين ولبسي فوطه صحيه وباجر مافيج الا العافيه

 

[مفحطه بالجامعة]

>شسالفة هالدعايهـ بكل الموضوع :/


الله يعينتس اذا مضايقتتس راجعي دكتورهـ

 

[زوجة عزيز]

روحي دكتوره لازم او اشتري اعشاب من خبيرة الاعشاب معانا بالمنتدى اتعرف حق هالسوالف

 

[لمى الهاجري]

شوفي عشان تقل الافرازات وقفي الجبوب وخلها الدورة تنزل عليج واهتمي بالدورة وشربي حليب ترسيه فلفل اسود شربيه وقت الدورة بتروح لافرازات

 

[هيراس]

استخدمي اللزقه كمانع للحمل
مافيها اعراض ولاشي

 

[tbola]

راجعي الدكتوره احسن بس اتوقع الافرازات عادي

 

[*E.B.D.A.3*]

وااااايد طبيعي تزييد الافرازات
وهالافرازات ماتكون مرضيه الا اذا لونها اخضر او اصفررر ومعاها ريحه لا تطااااق
يعني مو ريحه الافراز الطبيعي لاااااا،، شي تشمينه عند بعد مترين!!

اما اذا تبين تركبين لولب، وخري عن اللولب الهرمونييييييي..
هاللولب مع انه ناجح لكن راح يدفعج الثمن،، بيعفس لج الهرمونات ويصيبج برود جنسي، شي يستمر سنه الى سنتين
يعني ماتسوى عليج مو ليه

خلج على الطريقه الطبيعيه المانعه للحمل ،، يا انه يكون القذف خارجي
او تتجنبون ايام التبويض
او يلبس الواقي عند اقتراب لحظة القذف.

وهم انصحج باللزقة ،، مع ان الكل يشكك بمفعولها لكن عن تجربه اختي، واايد قوية!!
بعد بنتها الكبيرة لبست اللزقه واستمرت عليها،، شالت اللزقه بعدين لانها متكيسله، تجك بوم جان تحمل ببنتها الثانيه
لووووول

 

[ترجمة احساس]

اب اب

 

[انثى عاشقة]

احسن شي تراجعين الطبيبة تفصحك وتسوي لك التحاليل
​

 

[zaina alotibi]

انتبهي ترا حتى اللولب يزيد من الافرازات .....
لازم تتابعين مع دكتورتج افظل