لي متى ؟

[Sweet_CoFFe]

السلام عليكم ورحمة الله وبركاته

بالبدايه اول شي انا بقوكم عن نفسي
انا متزوجه من 4 سنين وعندي بنوتين ثنتين
ما اقص عليكم أقولكم انه خاليه تماما ً من المشاكل
واللي يقولكم انه تخلي من هالشي ترا جذابه !
نفس ما يكون فيه مشاكل نفس ماراح يكون لها حل
حاولوا تحلون مشاكلم بينكم وبين أنفسكم بدون تدخل أي طرف ثاني


انا بكتبت هالموضوع وأدري انه راح ألاقي ردود معارضه وايد
بس لأنه الصراحه اللي قاعد يصير خلاني أكتب

بنات
المواضيع اللي نشوفها بالمنتدى في شغلات المفروض ماتنكتب
مواضيع شلون تكلمين ريلج بأول يوم لكم
موضوع انه ليش الريال اهوا اللي بيده السلطه كلها واحنا لأ
وشلون وشلون وشلون .. لولات مالها أول ولا تالي !!


بقولكم رايي بعدها بقولكم على سالفة اقرب انسانه لي

بنات بذمتكم عمركم سمعتوا من امكم اختكم العوده
خالاتكم عماتك (((( اللي يقربون لكم عموما )))) عمركم سمعتوا مثل هالمواضيع بينهم !! يعني يسولفونها طبيعي !
والله ماعمرها صارت

البنت اللي ودها تستفيد وتفرح زوجها فيها
ماتاخذ كلام البنات وتطبيقاتهم لأنه لكل ريال أسلوب بالتعامل .... تاخذ كلام امها - اختها العوده - خالاتها - عماتها - بنات خالاتها
هذول اللي يبون الخير لها ويسنعونها
في بداية زواجي والله كنت أستحي اقول لأمي .... والله يخليها لي كانت تدق وتقولي وتسنعني اهي مع اختي العوده

الحين وحده شافت نفسها فاضيه وقالت بكتب موضوع وطلع فبالها كلام نقول عنه كلام خبال
شلون تخليين الريال خاتم بإيدج !
شلون لو بتعرفين ريلج يخونج ولا لا !

هالكلام وهالمواضيع والله تهد بيوت

اللي يقهرني انه في بنات اعمارهم على 18 و19 وعلى ويه زواج
يقرون هالمواضيع ويطبقون وكل شي ينقلب ضدهم !

اللي وده تعرفونه انه نفس ما انه في بنات قمه بالاحترام بالمقابل ترا فيه رياييل قمه بالاحترام
ليش الاغلبيه بينكم نظرتكم وحده للرياييل !!

والحين بقولكم سالفة بنت عمتي

اهي بنت عمتي وأكثر إنسانه قريبه لي ماشاء الله تباك الرحمن والله مو مدح فيها قمه بالاحترام والذوق
تزوجت واهيا كلش ماعندها خرابيط وسوالف شباب ونت

هالبنت مجلت وقامت تدخل منتديات نسائيه
تبي تقرا و تستفيد بأقسام بالحياه الزوجيه مثلها مثل أي بنت عشان تفرح زوجها فيها
آخرتها شنو
قام يشك فيها !! وصارت مشاكل طويله وتنحل وترجع مشاكل ولويه
انتي من وين يايبه هالكلام وهالاسلوب والحركات ؟؟؟
البنت على النيه قامت تسوي واطبق

والحين نهاية سالفتها تطلقت البنت من سبة المواضيع اللي مالها أول ولا تالي
نية كاتبة الموضوع تبي تشوف مهاراتها الكتابيه
ونتيجة الموضوع تطلقت البنت !!

ياليت الكل يستفيد
مو أي شي تقرونه اطبقونه أو تخلونه فبالكم تقولونه لريلكم من باب الغشمره

بالاخير كلامي مو وجهه لأحد معين
لكل موضوع مكتوب على غير سنع

وأنا متاكده 1000 % انه أصحاب العقول الفارغه بيقرون الموضوع وبيردون بعد جم يوم يكتبون موضوع ثاني
وبنفس الوقت متأكده انه 10000 % أصحاب العقول النظيفه بيفهمون مقصدي من اللي أقوله

مشكورين

 

[FeShinGoOo]

رد : لي متى ؟

والله ياوخيتي معاج حق والوحده لما تنزل موضوع اكيد ماراح تاخذ راي الكل ..
اما بالنسبه للاهل ترى مو كل الاهل يسمعون ..
وشتسوي اللي عماتها وخالاتها يتمنون يتشمتون فيها ؟؟
وشتسوي اللي امها مايهمها غير ان نسيبها راضي على بنتها ..؟؟
انا الصراحه يوم احتجت اهلي بسالفة من السالفات اهلي وقفو ضدي ماكان يهمهم وضعي ..
اهم شي عندهم اني ارد لزوجي ..
بكرامه ولا بدون كرامه ..
والصراحه لولا ردود البنات جان مارديت لزوجي جان طلبت الطلاق عناد بزوجي واهلي بس البنات بينولي غلطي الي ماكنت منتبهه علي ..
و يوم البنات انصحوني حسيت ان صج قلبهم عليوينصحوني من قلب والحمدالله نفس اليوم رديت لزوجي .. وخذيت اعتباري ..
وفوق هاذا ريلي اعتذرلي ووعدني مايكرر غلطته ..
مع ان كان في بنات يشيشون وردودهم ادري بقصد الخراب ماخذيت ردودهم لان عقلي ماتقبل هالردود وادري ان الي كاتبه هالرد حطته عالبراد مايهمها ان هالراي ممكن يدم بيت ..!!

 

[كندة العجمى]

رد : لي متى ؟

وربى صادقة فى كل كلمة قلتيها الوحدة مو لازم تنشر غسيلها هنا قدام الملأ عندج أمج أختج خالتج أساليهم ولا يقصرون معاج لأنهم هم اللى يحبونج ويخافون على مصلحتج .....ومن جد سوالف بعض المواضيع مالها سنع احس يفتحون عيون البنات على اشياء مايعرفونها

 

[Sweet_CoFFe]

رد : لي متى ؟

والله ياوخيتي معاج حق والوحده لما تنزل موضوع اكيد ماراح تاخذ راي الكل ..
اما بالنسبه للاهل ترى مو كل الاهل يسمعون ..
وشتسوي اللي عماتها وخالاتها يتمنون يتشمتون فيها ؟؟
وشتسوي اللي امها مايهمها غير ان نسيبها راضي على بنتها ..؟؟
انا الصراحه يوم احتجت اهلي بسالفة من السالفات اهلي وقفو ضدي ماكان يهمهم وضعي ..
اهم شي عندهم اني ارد لزوجي ..
بكرامه ولا بدون كرامه ..
والصراحه لولا ردود البنات جان مارديت لزوجي جان طلبت الطلاق عناد بزوجي واهلي بس البنات بينولي غلطي الي ماكنت منتبهه علي ..
بس يوم البنات انصحوني حسيت ان صج قلبهم عليوينصحوني من قلب والحمدالله نفس اليوم رديت لزوجي .. وخذيت اعتباري ..
وفوق هاذا ريلي اعتذرلي ووعدني مايكرر غلطته ..

عسى الله لا يفرقكم .....
وانا مقصدي غير اللي قلتيه انتي حطيتي مشكله وبفضل الله لقيتي الحل
انا قصدي انه المواضيع اللي تنزل من غير سنع (((( يعني تبي تنصح واهي أدمر ))))

وأكيد بلا شك البنات بيوقفون معاج وراح يبينون لج الصح من الغلط
تسلمين على ردج

 

[شــــــــــــــوقــــه]

معاج حق والله في بنات يبالغون بس هذي وجهة نظرج

انا اشوف ان الي تقولين عنهم 18 و 19 ترى هذيل مو يهال ! عقلهم براسهم ويعرفون الصح من الغلط

الريال طلقها يعني اهي مو زينه ؟ خيره لها لان الريال ما عنده مخ و تأكدي ما شك فيها هالكثر الا لان مخربط من قبل

بعد سالفة الريال يخربط ويبي بنيه شريفه هذا موضوع ثاااني حتى البنيه تبي واحد شريف شنو ذنبها تاخذ واحد جذي لا وتبي تسوي كل شي عشان يستانس

هذا يحمد ربه تزوج اصلا

لا تقطون كل شي على البنيه في رياييل اخس من اليهال

 

[عادت ذكرياتي]

عدل كلامج الوحدة مو كل حجي أو شي تطبقه عليها وعلى ريلها
أسلوب ريلها وحياتها الخاصة يمكن تختلف عن شخصية ثانية
وآنا هم بقولج سالفة : وحدة من البنات آنا أعرفها الله يهداها طيييييييييييييييييييييبة الطيبة اللي كلش مو زينة يعني تسوي أشياء بنية طيبة وكله تنقلب ضدها... المهم مرة ريلها كان بيسافر وقبل ما يسافر كتبت موضوع بأحد المنتديات تستشير البنات بفناتق وحركات وكان من بين الردود وحدة قالتلها كتبي بورقة هالعبارة" لا تشوف وحدة غيري" المهم هالبنت طبقت هالحجي اللي خذته من المنتدى وحطته بجنطة السفر حقت ريلها ولمن سافر وبطل الجنطة وقراه هالعبارة أبييييييييييييييييه الريال كره نفسه .... لووووووووووووووووووووول والله موتتني ضحك هالبنت

 

[FeShinGoOo]

رد : لي متى ؟

صح كلامج وشوفي هالسطر ضفته حق ردي الاولي :
مع ان كان في بنات يشيشون وردودهم ادري بقصد الخراب ماخذيت ردودهم لان عقلي ماتقبل هالردود وادري ان الي كاتبه هالرد حطته عالبراد مايهمها ان هالراي ممكن يهدم بيت ..!!
في بنات في مرض تلاقين ملتعين خيرهم ويبون كل الناس نفس حالهم فما يهمهم يخربون بيت او وحده تتطلق ..
لازم الوحده تكون واعيه ان في ردود بهالشكل وتنتبه ماتاخذ الراي ولاتطبقه الاقبل لا تدرسه وتكون قدر القرار ونتيجته ..

 

[Sweet_CoFFe]

رد : لي متى ؟

وربى صادقة فى كل كلمة قلتيها الوحدة مو لازم تنشر غسيلها هنا قدام الملأ عندج أمج أختج خالتج أساليهم ولا يقصرون معاج لأنهم هم اللى يحبونج ويخافون على مصلحتج .....ومن جد سوالف بعض المواضيع مالها سنع احس يفتحون عيون البنات على اشياء مايعرفونها

100 %
كلامج روعه
والله اللي شاغلني تفتيحة العيون على أشياء مايعرفونها

و حتى الدين يقول لنا :: انه ما يصير نتكلم عن هالسوالف الخاصه لأنها بين الزوج والزوجه
بس فيه ناس تبي تكشخ بهالسوالف
ياليت الكل يفهم ويعرف

 

[حرم_طيار]

رد : لي متى ؟

تسلم ايدج على الموضوع

 

[Mig.MiG]

كلامج صح 100%
جزاج الله الف خير

 

[Sweet_CoFFe]

رد : رد: لي متى ؟

معاج حق والله في بنات يبالغون بس هذي وجهة نظرج

انا اشوف ان الي تقولين عنهم 18 و 19 ترى هذيل مو يهال ! عقلهم براسهم ويعرفون الصح من الغلط

الريال طلقها يعني اهي مو زينه ؟ خيره لها لان الريال ما عنده مخ و تأكدي ما شك فيها هالكثر الا لان مخربط من قبل

بعد سالفة الريال يخربط ويبي بنيه شريفه هذا موضوع ثاااني حتى البنيه تبي واحد شريف شنو ذنبها تاخذ واحد جذي لا وتبي تسوي كل شي عشان يستانس

هذا يحمد ربه تزوج اصلا

لا تقطون كل شي على البنيه في رياييل اخس من اليهال

انا وياج انهم مو يهال ويعرفون الصح من الغلط
بس مهما يكون في مواضيع توهم عليها لأنهم ما تزوجوا وعاشوا مع ازواجهم
يعرفون هالشغلات وفي بداية زواجهم يطبقونها ترا العقل ما يتقبلها .... لأنه العلاقه تبتدي شوي شوي

ولا تحطين بذمتج شي ... تقولين ما شك فيها الا لأنه مخربط او ... هالشي ربنا يحاسب عليه

تسلمين على مرورج

 

[غير عنكم]

رد : لي متى ؟

مافيها مشكله اختي ناخذ الزين ونقط الشين وكل وحده تستفيد من تجارب البنات وتختار الاراء إللي تحس انها تناسب شخصيه زوجها اما خبط جذي اكيد بتدمر حياتها وتتطلق

 

[Sweet_CoFFe]

رد : لي متى ؟

تسلم ايدج على الموضوع

الله يسلمج مشكوره على مرورج

 

[Sweet_CoFFe]

رد : رد: لي متى ؟

عدل كلامج الوحدة مو كل حجي أو شي تطبقه عليها وعلى ريلها
أسلوب ريلها وحياتها الخاصة يمكن تختلف عن شخصية ثانية
وآنا هم بقولج سالفة : وحدة من البنات آنا أعرفها الله يهداها طيييييييييييييييييييييبة الطيبة اللي كلش مو زينة يعني تسوي أشياء بنية طيبة وكله تنقلب ضدها... المهم مرة ريلها كان بيسافر وقبل ما يسافر كتبت موضوع بأحد المنتديات تستشير البنات بفناتق وحركات وكان من بين الردود وحدة قالتلها كتبي بورقة هالعبارة" لا تشوف وحدة غيري" المهم هالبنت طبقت هالحجي اللي خذته من المنتدى وحطته بجنطة السفر حقت ريلها ولمن سافر وبطل الجنطة وقراه هالعبارة أبييييييييييييييييه الريال كره نفسه .... لووووووووووووووووووووول والله موتتني ضحك هالبنت

كلامج صح لكل إنسان شخصيه وأسلوب تختلف

وزين ريل البنت اللي تعرفيها هذي ابداع لوووولز

تسلمين على المرور

 

[Sweet_CoFFe]

رد : لي متى ؟

صح كلامج وشوفي هالسطر ضفته حق ردي الاولي :
مع ان كان في بنات يشيشون وردودهم ادري بقصد الخراب ماخذيت ردودهم لان عقلي ماتقبل هالردود وادري ان الي كاتبه هالرد حطته عالبراد مايهمها ان هالراي ممكن يهدم بيت ..!!
في بنات في مرض تلاقين ملتعين خيرهم ويبون كل الناس نفس حالهم فما يهمهم يخربون بيت او وحده تتطلق ..
لازم الوحده تكون واعيه ان في ردود بهالشكل وتنتبه ماتاخذ الراي ولاتطبقه الاقبل لا تدرسه وتكون قدر القرار ونتيجته ..

صح كلامج وهذا المقصد انه بس تكتب رد على براده وماهمها ولا فكرت بشي
قالته ومشت وتلقين الطرف الثاني بعصبيه وإستعجال سوا هالشي وخرب بيت كامل

مشكوره على ردج وإضافتج تسلمين

 

[Sweet_CoFFe]

رد : رد: لي متى ؟

كلامج صح 100%
جزاج الله الف خير

الله يسلمج ومشكوره على المرور

 

[Sweet_CoFFe]

رد : لي متى ؟

مافيها مشكله اختي ناخذ الزين ونقط الشين وكل وحده تستفيد من تجارب البنات وتختار الاراء إللي تحس انها تناسب شخصيه زوجها اما خبط جذي اكيد بتدمر حياتها وتتطلق

كلامج عدل بس مهما يكون ليش ما يكون اهني الزين
والشين ما ينكتب ولا يقربون صوبه !!
لكل إنسان وجهة نظر واحترم رايج
منورتنا حبيبة قلبي

 

[eman84]

اول شي مشكوورة على الموضوع انا اتفق معاج ببعض النقاط ان
- كل ريال له اسلوب بالتعامل .
- مو كل شي نقراه لازم نطبقه .
- الاهل اكثر ناس يبون مصلحتي .
-وايد مواضيع ماله داعي تنطرح بس مو اللي فيها مشاكل وتطلب حل لأ !! اللي فيها خصوصية اكثر من الللازم هذي اللي انا اعارضها بشدة فقط !!

بس خل اقولج شغله حتى سالفة بنت عمج ماتنطبق على الكل اذا ريلها شك فيها وطلقها اكو رياييل يستانسون من حريمهم اذا سوولهم وونسوهم وبصراحه ريلها واضح ان يعاني من مشكلة اللي اهيا (كل من يرى الناس بعين طبعه ) و الله يعوضها بغيره يارب .

انا ما أأيد ان الوحده تاخذ حجي ومعلومات من اهلها اول شي لان احرااااااج مهما كان في حياء , بالذات من الام والخاله والعمه !! واكو خصوصية انتي ماتبين تتكلمين عن ريلج وشنو يحب و شنو تبين تسوين له جدام ناس تعرفج و تعرفه !! مايجوز اصلا بس بالنت ماعتقد في كاشف هويه !! فكل وحده تبي تستفيد وتقط المشكله بكل صراحه وثقه وهالشي اهو الصح و تاخذ الردود عاد اهيا اذا عقلها براسها وشاطره راح تصيد الحل المناسب لها وتطبقه مع بعض التعديلات ! ومرات الوحده تفكيرها ينشل من كبر المشكله ومافيها شي لما تخلي غيرها يفكر يمكن يقدرون يعطونها حل بجذي ترتاح ان حتى محد درا عنها وعن مشكلتها من اهلها !!!

ومو كل حل شرط يكون صح 100% ولا كل حل لازم يكون غلط 100% العاقله تعرف توزن الامور وتختار اللي يناسبها واذا انتي لج قدره وخبره في ان تحلين مشاكل بيتج بروحج برافووو عليج وعسى الله يهنيج بس اكو هم بنات مايعرفون او وقت المشكله تحس انها بحفره عميقه حيل وتبي الحجي اللي يطيب خاطرها و يساعدها !

واذا اللي عمرها 18 او 19 على ويه زواج وبتطبق كل شي ما اتفق معاج لان الحين ماشاءالله العقول تفتحت ويعرفون احسن مني ومنج وخل يقرون علشان يتعلمون و يتعضون و يعرفون يحلون مشاكلهم عن طريق الخبره اللي اكتسبوها سواء بمشاركاتهم او بقرائتهم للمواضيع اللي انطرحت طبعا انا اتكلم عن الفئة اللي على ويه زواج منهم .

ويزاج الله الف خير و تقبلي وجهة نظري

 

[[[ عيون جابر ]]]

والله كل من عقله براسه والخير والشر نميزه بعقولنا الزين لنا نسويه والشين مانسويه بعد البنات ام 18 ولا 19 مو يهال حريم

 

[Sweet_CoFFe]

رد : رد: لي متى ؟

اول شي مشكوورة على الموضوع انا اتفق معاج ببعض النقاط ان
- كل ريال له اسلوب بالتعامل .
- مو كل شي نقراه لازم نطبقه .
- الاهل اكثر ناس يبون مصلحتي .
-وايد مواضيع ماله داعي تنطرح بس مو اللي فيها مشاكل وتطلب حل لأ !! اللي فيها خصوصية اكثر من الللازم هذي اللي انا اعارضها بشدة فقط !!

بس خل اقولج شغله حتى سالفة بنت عمج ماتنطبق على الكل اذا ريلها شك فيها وطلقها اكو رياييل يستانسون من حريمهم اذا سوولهم وونسوهم وبصراحه ريلها واضح ان يعاني من مشكلة اللي اهيا (كل من يرى الناس بعين طبعه ) و الله يعوضها بغيره يارب .

انا ما أأيد ان الوحده تاخذ حجي ومعلومات من اهلها اول شي لان احرااااااج مهما كان في حياء , بالذات من الام والخاله والعمه !! واكو خصوصية انتي ماتبين تتكلمين عن ريلج وشنو يحب و شنو تبين تسوين له جدام ناس تعرفج و تعرفه !! مايجوز اصلا بس بالنت ماعتقد في كاشف هويه !! فكل وحده تبي تستفيد وتقط المشكله بكل صراحه وثقه وهالشي اهو الصح و تاخذ الردود عاد اهيا اذا عقلها براسها وشاطره راح تصيد الحل المناسب لها وتطبقه مع بعض التعديلات ! ومرات الوحده تفكيرها ينشل من كبر المشكله ومافيها شي لما تخلي غيرها يفكر يمكن يقدرون يعطونها حل بجذي ترتاح ان حتى محد درا عنها وعن مشكلتها من اهلها !!!

ومو كل حل شرط يكون صح 100% ولا كل حل لازم يكون غلط 100% العاقله تعرف توزن الامور وتختار اللي يناسبها واذا انتي لج قدره وخبره في ان تحلين مشاكل بيتج بروحج برافووو عليج وعسى الله يهنيج بس اكو هم بنات مايعرفون او وقت المشكله تحس انها بحفره عميقه حيل وتبي الحجي اللي يطيب خاطرها و يساعدها !

واذا اللي عمرها 18 او 19 على ويه زواج وبتطبق كل شي ما اتفق معاج لان الحين ماشاءالله العقول تفتحت ويعرفون احسن مني ومنج وخل يقرون علشان يتعلمون و يتعضون و يعرفون يحلون مشاكلهم عن طريق الخبره اللي اكتسبوها سواء بمشاركاتهم او بقرائتهم للمواضيع اللي انطرحت طبعا انا اتكلم عن الفئة اللي على ويه زواج منهم .

ويزاج الله الف خير و تقبلي وجهة نظري

تسلمين على هالمرور و جهة النظر
كلامج عدل 100 %
ماشاء الله عليج ~~