البارت الثاني
وليد راح لفيصل اللي للحين ناظر
وليد:يس يس اخييييرا كلمتها كلمت غروووور
فيصل:منو غروور؟!
وليد:غروور الحلوة اللي كلمتها
فيصل:انزين يابو الغرور تأخرنا على المحاضرة ولا مو ناوي تروح بعد
وليد:يو مالي خلق
فيصل:كيفك!
وليد:بفهم انت ليش كله تخرب علي وناستي بكلامك اللي يقث؟؟
فيصل:انا الحين صار كلامي يقث؟! قالوها من لقى احبابه نسى اصحابه.انزين بروح المحاضرة الحين بااي
وليد:عاد تدري بااي غرور احلى
فيصل يطالعه من طرف عينه:شنو هالغرور اللي كلمتها خمس دقايق خلتك جذي
وليد:اهيا مو بس خلتني جذي الا خذت عقلي ومن فيه
فيصل:يوه تأخرت باي باي
دخل فيصل المحاضرة ووليد راح البيت
.
.
.
.
.
.
.
((بيت بو وليد))
وليد:يمه يمه
ام وليد:هلا يمه. شفيك راد البيت مبجر
وليد:لامافيني شي بس حسيت نفسي تعبان قلت ارجع البيت احسن
ام وليد:سلامتك يا نظر عينيرحت الطبيب
وليد:لا ما يحتاج المهم شنو غدانا اليوم لانه حدي يوعان
ام وليد:كل خير بدل هدومك وتلاقي الغدا جاهز
وليد:انشاالله يا الغاليه
.
.
.
.
.
.
.
((بيت بو مشعل))
شوق توها يايه من المدرسه مع إلهام
إلهام:وجع ان شاالله ماتيوزين.انتي متى تكبرين
شوق:اييييييييييي شفيج علي اللي يقول مسويه منكر اي كله استدعاء ولي امر مو اول مرة
إلهام:كل هذا وتقولين مو مسويه شي .طبعاً مو اول مرة متعودة حضرتج.ماتحسين انتي ماتحسين يومياً مناديني اروح المدرسه عشان حضرتج متهاوشه .شمسويه انتي بالبنت
شوق:يوه عاد عورتي راسي ماتسكتين وتفكينا من شرج وانا شسويت وحده يايه تدز.ماتشوف عطيتها ذاك البكس اللي كسرلها ضروسها
إلهام:اولا احترمي نفسج انا اختج اللي اكبر منج وكلميني عدل وثانيا بفهم انتي بنت ولا ولد
شوق:الاثنين هاهاهاها
إلهام:وجع انشاالله الاثنين ها اعلمج شلون الاثنين الحين
شوق:شنو بتسوين مثلاً؟
إلهام:شنو بسوي؟.بتنحرمين من اللاب والبيبي وكل شي وما اشوفج تكلمين احد بالفون ومافي طلعه برا البيت
شوق:اهوة على كيفج منو انتي عشان تتحكمين فيني امي ولا ابوي. لما تصيرين وليه امري سوي اللي تبين اوكي.>>>>وراحت
إلهام واقفه مكانها معصبه
منال توها دخلت على صوت صراخ شوق >>>رادة من الجامعه
منال:شفيكم صوتكم واصل لي آخر الشارع
إلهام:بعد شفيني كل عادة شوقو متهاوشة مع بنت وسوولها استدعاء ولي امر. ولما رحت تفشلت جدام الوكيلة والناظرة ما عرفت شقول. بعد وقعوها على تعهد واهيا ولاهامها وقعت ومستانسة حدها
منال:يوه بعد ما تعودتي عليها مو شي غريب
إلهام:انزين بدلي هدومج ونزلي على الغدا
منال:اوكي
.
.
.
.
.
.
.
((الافنيوز))
سعود كان بالافنيو مع رفيجه عادل
سعود:عدول شوف هذي القمر اللي تتمشى هناك حلوة صح
عادل:وييييع الله يلوع جبدك هذي قمر شكلها ماخذا إجازة من المقبرة ترووح تتسوق وترد
سعود:هاهاهاهااي الله يقطع بليسك شدعوا
عادل:انزين شوف هذي اللي تهبل تطيح الطير من السما
سعود:اي والله حلوة بروح اكلمها
عادل:هييييي يا الغبي خلها اهيا تجيك مو انت تجيها
سعود:وشلون بتجيني
عادل:احذف رقم.ايميل اي شي المهم راح تجيك وقول عدول ماقال
سعود واهوة يفكر والله فكرة:اوكي
وحذف عليها ايميله
البنت:عمى بعينك صج ماتستحي
تابع
