ماااحب ريلي

[روان||~]

السلاام عليييكم بناااات
شلووونكم




انشالله بخيير



من غير لف ودروان انا معاناه ماحب ريلي اكرهه في تصرفاته ماتعجبني فيه وكل ماتصير مشكله وابي اطلق لمن استخير اطخ عن الطلاق اغير رااي واقول الطلاق موزين مع انه اهوا طيب بس انا مادري ليش ماحبيته بليييز شالحل استمر او اطلق

 

[ام فواازي]

مع الزمن بيتغير وانتي بتتغيرين وبتحبينه ترا المره مو كل يوم لها رجل والمطلقه في مجتمعنه مظلومه لو شنو سوت بتكون تحت المجهر
اما المتزوجه لو تسوي النون ومايعلمون العيون مغمضه عنها على اساس انها على ذمة ريال
اذا كنتي توج متزوجه فشي طبيعي يبيلج وقت على ماتتاقلمين معاه

وبـــــــــــــــــنات والله ملينا على ادناة الدووووووووووووووون تقولون ابي اطلق؟؟؟؟؟؟؟؟ عسى ماشر حسبالكم الطلاق سهل والله والله مو سهل تهتز له عرش الرحمان ويفرحله ابليس
زايده مواضيع البنات عن الطلاق كل ماطقعت قالت ابي اتطلق سوري عالكلمه بس انفعلت ومالقيت لها بديل

 

[ELFAD3Ah]

انتي على قولتج استخرتي وطخيتي عن الطلاق يمكن خيره من ربج

 

[دانة الدنيا1]

اول شي جم عمرج حبيبتي ؟ وعندج عيال والا لا ؟؟ وليش بتطلقين اذا فبداية زواجكم طبيعي اول 3 سنوات شد وجذب وكل واحد بيثبت وجودة ويفرض راية وانتو الاثنين من بيئه وعقلية مختلفه فطبيعي هالشي تعوذي من ابليس ترى والله هذا اكثر شي يفرح ابليس انه يفرق بين المرء وزوجته حبي اطباعه عيشي حياتج بتفاؤل وربي يسدد خطاج ويوفقكم ويهديج ويهدينا

 

[ChocolateFlower]

لا تظلمين نفسج ولا تظلمين الريال معاج فكري وقرري قبل لا يصير بينكم يهال

 

[Vaniela]

اقولج حل تطلقي يمكن تحبينه عقب الطلاق ...







اللحين وين المشكله ما حبيتيه ,, ليش تبين مهند على غفله اقول شكلج توج معرسه وصغيره ..شنو بتطلق حلوة هذي ..
الريال يمه ما ينحب والله .. الريال مال احترام وتقدير .. وان درا انج حبيتيه صرتي طوفه هبيطه ..
تصرفاته يغيرهاا كلميه قولي له اما تطلقين .. قويه ..
بس اذا الموضوع وايد مارقج تطلقي يمكن تحبينه وتحسين بالنعمه الي كانت عندج ..
استغفر الله كلن بيتطلق

 

[دلوعه ناعمه]

الطلاق بدون سبب حرام

 

[قآنون كيفكـ!!]

نشو تصرفاته اللي تزعجج؟
جم لج متزوجه وعندج عيال ..
مدري شقولج لان موضوعج مو مبين اسباب المشكله ..

لكن الله يهديكم وخيره من ربي انج تطخين عن موضوع الطلاق

 

[حكآية قلب]

ليش تزوجتي ؟.


ليش مآقعدتي عآنس احسن لج !!



آستغفرالله


عشان ماتحبينه تبي تطلقين !!


عسسسى مااااااااااااشر

جآن ماالقيتي احد متزوج اصلا ..



الله يعينكم ياللي تبون اللي يحبوكم و يدلعكم مثل مهند !!


اصحوووااا هي هي ؟.

فلم هندي بتسون ؟.


الزوآج مصآعب والسنعه اللي تعديهااا ..


موووفقه ياارب

 

[يركدون]

صلي كل يوم بليل ركعتين وادعي هالدعاء

{ اللهم زدني قربا إليك .. اللهم اجعلني من الصابرين .. اللهم اجعلني من الشاكرين
اللهم اجعلني في عيني صغيرآ .. وفي آعين الناس كبيرآ

اللهم أره الحق حقا وارزقه اتباعه .. واره الباطل باطلا وارزقه اجتنابه .. اللهم جنبه الفواحش والمعاصي .. اللهم
بعد عنه رفقاء السوء .. اللهم اغفر ذنبه وطهر قلبه وحصن فرجه .

اللهم سخره لي وسخرني له .. اللهم اجمله في نظري وجملني في نظره .. اللهم لا تفرق بيني وبينه
اللهم احفظه لي يآ ارحم الراحمين .. يا ذا الجلال والاكرام .

اللهم اجعل بيننا من الموده والرحمه افضلها .. وارزقنا الصبر والحلم أكمله .. واجعلنا عل منابر من نور
وأسعدني معه وبقربه .. في الدنيا وجنة السرور .. وآهدنا يالله لما فيه الخير والصلاح .. وارحمنا برحمتك
يا رحيم يا كريم ..

اللهم انى استودعتك زوجي في بصره ولسانه وفرجه في ودائعك يامن لا تضيع ودائعه .. اللهم حببه فيني
وحببني فيه ، واستر عيوبه عني واستر عيوبي عنه .، اللهم اجعله قرة عين لي واجعلني قرة عين له
اللهم سخره لي وسخرني له ، اللهم اجعلني اجمل من الحور العين في عينيه ، اللهم اره الحق حق واره الباطل
باطل . .. آمييين }



ادعي بهذا الدعاء انه الله يحببج فيه وتيسر حياتج
مالج الا ربج يقلب الحال الي حال

 

[Tom ♥ Jerry]

.،

شوفي اذا صارلج اكثر من 5 سنين و حآولي و حآولي وحآولي آنج تحبينه بس مآكو فايده أوكي !
بس اذا انتي بصوب و آهوة بصوب و توكم معاريس مآ صارلكم سنتين
اقول استريحي في بيتج و الحب رآح اييلج !
بس ها ؟ مع الطآعه و الآحترام و التمثيل .، يا آخي مثلي آنج تحبينه
و استانسي و تونسي معاه و بتلاحظين آنج بتحبينه مع الوقت

لا تشوفيني انا شكثر كنت آكرهه ريلي قبل لا آييب بنتي
سنتين وانا آكرهه وآعليا عليه توني بس حبيته ؛$

 

[للزين هيبه]

شدعوه مو عذر ماحبه
انتي حاطه ببالج مااحبه اكرهه ويع
راح تصيرين طوووووووول عمرج جذي اوو في بالج احد معيين
ياقلبي استغفري على طول
قولي ياجامع الناس في يوم لا ريب فيه اجمع بين قلبي وقلب زوجي
تعوذي من بليس
قولي بحبه وهذا زوجي وبيصير بو عيالي
غيرج زوجها سكير وخاين ويطقها ومع هذا صابره وتحبه
لان المره مو كل يوم لها رجل

 

[ماني من الناس]

ارسوا على بر وقعدوا مع بعض تحاوروا بهدوء وتناقشوا بمشاكلكم وصلوا على النبي وكل مشكله ولها حل ولحد يكبر راسه هونوها وتهون

 

[little-voice]

الله يهديج
دام قلتي طيب يعني زين -اقري المعوذات والرقيه كل يوم و ادعي الله انه يقربكم من بعض ومافي احد كامل

 

[كلاسيكال]

عسى الله يهديج ان شاء الله

 

[BoZo]

اي والله للزين هيبه انا جذي ريلي

تخيلي اول شهرين من زواجنا مهتم فيني و يضحك و حبوووب بعديين لااا

والله يسهر لي الصبح بالديوانيه مع اخوانه و اهله ولا يعبرني و اذا قلت كلمه عطااني طرااق

والله انه مره من قوه الطراق ظرس العقل تحرك من مكانه كنت رااح امووووت من العوار

بس الحمدلله من يتني بنتي و متغير و صار مايفارقني و كله مع البنت و يلبسها و يوكلها و ينومها ومو مقصر معااي ابد

انا اقوول اصبري و تحملي مو على كل شي طلاق

والله يوفقج و يهنيج مع ريلج

 

[دلوعة حمني]

حبيبتي ترى الطلاق مو سهل ... و في الزواج التقليدي الحب ايي بعد عشرة طويلة على الاقل سنة او سنتين

شوفي شنو مميزاته و شنو عيوبه و انت الاقدر على ترجيح الكفة ... و ربنا يسخر مابينكم

 

[noo7a]

شكلج توج عروس
حبيبتي الزواج مو لعب يوم تبين ويوم ماتبين
مع الايام و العشره راح تحبينه و تموتين فيه بعد

 

[over love]

بعض البنات أقدر حرصكم وخوفكم عالأخت بس طريقه النصيحه شوي قاسيه خفو عالبنت ترى مشاعرها موبيدها

صاحبه الموضوع لاتتخيلين الزواج مثل الأفلام من تاخذينه بتهيمين بحبه ودلع وسفر ووناسه لا الواقع شي ثاني

ترى الحب له أعتبارات ومع العشره بتموتين فيه اذا محترم وصالح ويحسن معاملتج صبري وتعوذى من ابليس وكثري من الدعاء وبتشوفين كل خير بالمستقبل ان شاءالله

 

[روان||~]

مشكووورين ع النقد ولأرااء

وعطيكم الف عاافيه


انشالله راح ادعي ربي واصبر

ومشكورين ع الردود تقبلتها بكل رحابت صدر