ماابي اعصي ربي

[ادمر قلبي]

بنات بكتب قصتي ووانا اردي اني غلطانه
بنات انا كلش ماحترم امي ليش ماادري ماعنه اهيه عصبيهه بس انا اقعد اصارخ واهيه بنات
امس رحنا مع امي السووق مع اختي اصغر مني قاعدين اجهزها بتتزوج مايعجبها العجب
ماا اقولكم انه اهيه ام الماركات بس اذبحتنا وامي مرات تبيته نشتري من اول محل
الواحد يعصب شنوو بنشوف بنطالع طبعا حرام موو دايما بس مرات المهم عاد انا بصراحه من زمان قلت لهم انا مابي اروح ووياكم كله تهاووشون قاعد امس عصبت ع امي قلت لها انتي مااعندج شخصيه خلاص لا تروحين وياها خليها ترووح وياها طبعا ردينا البيت وواصارخ ع امي وعندنا مرت اخووي تسمعنا تقولي امي سكتي فشلتنا وانا لساني طووويل ماعنه امي ماااقولكم انها طيبه لا بالعكس عصبيه بس انا مااخاف منها
مابي ربي يغضب علي ماابي ادش النار ابي اسمع كلامهااا ابي احترمها حاولت بس انا ماتحمل كلش
مليت من نفسي صرت ماطالع ووياهم بس عشان ماااعصب
لاتقوولون روحي اعتذري من امج بوسيها بصراحه ماااقدر لاني مااتعودت الم امي ولاني اعتذر
ماعنه عادي رفيجاتي الممهم عادي بس امي لا بس انا ماابي اعصي ربي
وامي طيبه ماتستاهل والله حتى رفيجاتيي يقولون امي ماتستاهل اسووي جذي:eh_s(2)::eh_s(2)::eh_s(2):

 

[سكوتي بذوقي]

استهدي بالله

هاذي امك مو تقولين مو متعوده

لازم تبوسينها على راسها وتعتذرين منها

وتقولين لها ماكرر هذا الخطأ

لاتزعلين امك علشان مايجي اليوم اللي تندمين فيه

ومن اليوم احترميها

 

[أنت رجائي]

رضى الرب من رضى الوالدين
انشالله تقطعج تقطيع بس اتطولين اللسانج عليها >>>هذي مصيبه وتقولين لها ماعندج شخصيه يماااااي ياويلي يمكن هالكلمه تخليج تهوين بجهنم مليون سنه >>مافي ام ماتعصب على عيالها خوف عليهم يعني تعصب وهي من داخل تحبهم وتموت عليهم >
وانتي راجعه من الدوام بوسي راسه وماهي سالفه مانتي متعوده ترا امج تحس تبي ان عيالها اللي حملت فيهم وربتهم يسعدون قلبها يوم تكبر مو صرااخ وتلقينها ماتنام الليل من كلاامج >>الله يهدييج اذا انتي معصبه اقعدي بالغرفه ولاتطلعين الى لما تروقين وترى السالفه سالفه تعود مافي شي مستحيل >>>

 

[Tom ♥ Jerry]

.,


لاحول و لا قوة الا بالله العلي العظيمـ .!

حبيبتي هاذي آمج جنتج و نآرج .، و بدون رضاها مآ تتوفقين بـ حياتج ,،
آهم شي آنه آنتي تدرين آنج غلطآنه .,،

روحي و تسامحي لا تقولين مآ آقدر ؟!
لا يصير عندج كبرياء على آمج .، روحي و طيحي على رآسها .،

و تذكري ترآ باجر الدنيا رآح تدور .،
و عيالج رآح يعاملونج مثل مآ تعاملين آمج :*

 

[^_^NANOSA^_^]

لمن تقومين الصبح قوليلهآ صبااح الخير وبوسي راسها ، ولمن تردين البيت سلمي وبوسي راسها
تقصديها بهديه حلوة او اكله حلوة او اي شيء تفرح فيه وتستانس ، هـ الشيء وتواصلج مع امج بيحط الحد بينكم ويمنع انج ترفعين صوتج عليها
واول ما تبدين تعصبيين وتتنرفزين ، ابعدي عن الي حواليج حتى لو كنتي بالسوق ، لهي عمرج بشيء ثااني ، وربي يوفقج ويسعدج ، وانتي بذرتج طيبه عسى الله لا يفرقكم يارب

 

[fulla 7elwa]

الله يسخرلج الهدوء جدام امج 
انتي حاولي تهدين نفسج بنفسج

 

[samyah a.o]

الله نهى بالقرأن أنا نقولهم أف فمابالك بالصراخ لاتقولين عصبيه لااااا حبيبتي الشيطان يعطيك هالعذر عشان تستمرين وماتقاومين وعذرك اذا وقفتي عندرب العباد تقولين عصبيه وترى عقوق الوالدين عقوباتها تعجل بالدنيا قبل الاخرة وأهما عدم التوفيق في حياتك لاتقولين ما أعق بوالديني صراخك أكبر عقوق تذكري وجه أمك وأنتي تصارخين عليها كيف منكسره وخايفه من بنتها الي جابتها على هالدنيا والله والله لو تبوسين رجولها ليل ونهار ماتوفينها حقها...
[font=tahoma, arial]يعجل الله عز وجل بعقوبة الوالدين في الحياة الدنيا قبل الممات0
قال رسول الله صلى الله عليه وسلم: " كل الذنوب يؤخر الله ما يشاء إلا عقوق الوالدين فإن الله يعجل لصاحبه في الحياة الدنيا قبل الممات" وفي رواية " بابان معجلان عقوبتهما في الدنيا: البغي والعقوق" رواه الحاكم عن أنس وصححه الألباني في صحيح الجامع 0

ولقد جعل النبي صلى الله عليه وسلم العقوق من أكبر الكبائر بعد الإشراك بالله عز وجل : عن عبد الله بن عمرو بن العاص رضي الله عنهما عن النبي صلى الله عليه وسلم قال : " الكبائر: الإشراك بالله، وعقوق الوالدين، وقتل النفس" رواه أحمد والبخاري والترمذي والنسائي0 وعن أنس رضي الله عنه قال: ذكر رسول الله الكبائر فقال" الإشراك بالله وعقوق الوالدين"0 رواه أحمد والبخارى0

إذا فلتحذر أيها الابن ويا أيتها الابنة العقوق00 فالعقوبة عاجلة وفيما يلى بعض عقوبات عقوق الوالدين:

أولا: لا ينظر الله إلى عاق والديه:

عن ابن عمر رضى الله عنهما: عن النبي صلى الله عليه وسلم : " ثلاثة لا ينظر الله إليهم يوم القيامة: العاق لوالديه، ومدمن الخمر، والمنان عطاءه"0رواه النسائى والبزار والحاكم0

ثانيا: عاق والديه لا يدخل الجنة:

عن عبد الله بن عمرو بن العاص رضي الله عنهما أن رسول الله صلى الله عليه وسلم قال: " ثلاثة حرم الله تبارك وتعالى عليهم الجنة: مدمن الخمر، والعاق، والديوث الذي يقر الخبث في أصله"رواه أحمد والنسائى والحاكم وصححه0

وعن ابن هريرة رضي الله عنه قال: قال رسول الله صلى الله عليه وسلم :" أربع حق على الله أن لا يدخلهم الجنة ولا يذيقهم نعيمها: مدمن الخمر، وآكل الربا، وآكل مال اليتيم بغير الحق، والعاق لوالديه"

ثالثا: لا يقبل الله من العاق عملا

عن عمرو بن مرة الجهني قال: جاء رجل إلى رسول الله صلى الله عليه وسلم فقال : يا رسول الله أرأيت إذا صليت الصلوات الخمس، وصمت رمضان، وأديت الزكاة، وحججت البيت فماذا لى؟ فقال رسول الله صلى الله عليه وسلم : " من فعل ذلك كان مع النبيين والصديقين والشهداء والصالحين إلا أن يعق والديه"رواه أحمد والطبراني وابن خزيمة وابن حبان0

وعن ثوبان رضى الله عنه قال: قال رسول الله صلى الله عليه وسلم: " ثلاثة لا ينفع معهن عمل : الشرك بالله،عقوق الوالدين، والفرار من الزحف" رواه الطبراني

0 وهكذا يتبين لنا من الأحاديث الشريفة السالفة الذكر أن رسول الله صلى الله عليه وسلم جعل قبول الأعمال معاقا ببر الوالدين0

رابعا: عاق والديه ملعون:

عن علي بن أبي طالب رضى الله عنه قال: قال رسول الله صلى الله عليه وسلم: " لعن الله من ذبح لغير الله، ثم تولى عن مولاه، ولعن الله العاق لواليه، ولعن الله من نقص منار الأرض"0رواه الحاكم

وعن أبى هريرة رضى الله عنه قال: قال رسول الله صلى الله عليه وسلم: " لعن الله سبعة من فوق سبع سمواته وردد اللعن على واحد منهم ثلاثة ولعن كل واحد منهم لعنة تكفير، قال ملعون من عمل عمل قوم لوط، ملعون من عمل عمل قوم لوط، ملعون من عمل عمل قوم لوط، ملعون من ذبح لغير الله، ملعون من عق والديه، ملعون من أتى شيئا من البهائم، ملعون من جمع امرأة وابنتها، ملعون من غير حدود الأرض، ملعون من ادعى إلى غير مواليه"0رواه الحاكم وقال: صحيح الإسناد0

ويعجل الله تعالى عقوبة عقوق الوالدين في الدنيا قبل الممات، هذا بخلاف عذاب شديد فى الآخرة للعاق لوالديه- وإن دل هذا على شئ فإنما يدل على بر الوالدين عند الله عز وجل0

من ذا الذي يتحمل بعد الله عنه وغضب الله عليه00
من ذا الذي يتحمل ألا ينظر الله إليه يوم القيامة00
من ذا الذى يتحمل أن يحرمه الله من مكان في الجنة00
من ذا الذى يتحمل لعنة الله عليه00

لا يفعل ذلك إلا من نسي الله فأنساه نفسه، وعابد لملذاته وشهواته، والهوى0
إن القرب الحقيقى هو القرب من الله وإن جمال الحياة في طاعة الله0

فاحرص على بر والديه حتى تقترب ويعطيك ربك فترضى وتنعم بمكان في الجنة، وتحظى بلقاء الله والنظر إليه عز وجل وتصبح من الوجوه الناضرة الناظرة إلى ربها مع النبيين والصديقيين والشهداء والصالحين0

من كتاب ( مكان في الجنة) للكاتبة الإسلامية ناهد الخراشي [/font]

 

[Miss Cherry]

حبيبتي بس فكري بشغلة وحده .. لو الله لا يقول امج يصير فيها شي شنو بيكون شعورج وانتي مزعلتها ولا اهي مو راضيه عنج

لا تقولين كرامتي ولا ماقدر احب راسها .. امج اذا اليوم معاج ماتدري باجر شيصير قومي حبيبتي تسامحي من امج

ياليت امي الله يرحمها ترجع لو يوم والله لو تزفني ولا تطقني بس كافي وجودها بالدنيا ومافيها بس صج الواحد ما يحس بالشي وقيمته الا لما يفقده

 

[є 3 τ и α q]

اذا في روحتك معها مشاكل ..
لآتروحين يَ قلبي وآقعدي بَ البيت افضل

/


عشان تبعدين نفسك عن المشاكل
وعشآن بعد مَ تعصبين ولا شي ..
وتتسببين في عصبيتك على الوالده ..


مَ تسوى صراحه عليك تروحين السوق
وتعكرين مزآجك ومزآجها ..


_


الله يحفظها لك يَ رب

​

 

[ياليل مااطولك]

ردي عليك قوله تعالى(فلا تقل لهما اف ولا تنهرهما وقل لهم قولا كريما ))مجرد كلمه اف تعتبر عقوق فما بالك فيما هو اقوى منها

 

[Tulips]

تعوذي من ابليس هذي امج جنتج ونارج

خليها راضيه عنكم دايما

 

[المـــــها]

الله يهديج
مهما كان ماتعلين حسج على امج و تنهرينها
و لا تقل لهما اف ولا تنهرهما و قل لهما قولا كريما
أتمنى تراضينها لأنها تستاهل و هي احن عليج من نفسج
ماتوقع في انسانه تحبج و تغليج كثرها
روحي راضيها و قوليلها يمه انا آسفه و ما راح أعيدها و بس
شوفي شلون قلبها بيحن عليج و تفرح فيج
لا تخلينها مكسورة الخاطر
تخيلي باجر عيالج من بعد التربية يعصبون عليح و يلاسنونج و ياكلونج بلسانهم ؟؟
شعووووور يكسر القلب

 

[اميره بعيونه88]

وييييي نفس امي بس انا اكل هوااا
مااعرف ارد كل زين زين خلاص
او ان شاءالله ولا فوقه هذا تزعل علي
وارضيهااا


شنو تسوين امج جنتج ونارج
كسري هالانا وراضيها
وحاولي تبطلين العصبيه
وتسوين نفسي اشغلي وقت بدل لا تصرخين
استغفري او غيري وضعيت قعدتج
اذا كنتي واقفه قعدي والعكس

بعدين امهاهتنا معروفين السوق ما يوطنونه
وكله يتحلطمون

امي توديني الافنيوز توني اول محل
تقول هاا خلصتي رويلي
وتقول نص ساعه بسسس

ما عليه راضيهاا وسوري طولت عليج

 

[ادمر قلبي]

وييييي نفس امي بس انا اكل هوااا
مااعرف ارد كل زين زين خلاص
او ان شاءالله ولا فوقه هذا تزعل علي
وارضيهااا


شنو تسوين امج جنتج ونارج
كسري هالانا وراضيها
وحاولي تبطلين العصبيه
وتسوين نفسي اشغلي وقت بدل لا تصرخين
استغفري او غيري وضعيت قعدتج
اذا كنتي واقفه قعدي والعكس

بعدين امهاهتنا معروفين السوق ما يوطنونه
وكله يتحلطمون

امي توديني الافنيوز توني اول محل
تقول هاا خلصتي رويلي
وتقول نص ساعه بسسس

ما عليه راضيهاا وسوري طولت عليج

ع لاقل انتي تقوولين زين زين
بس انا الساني حييييييييل طوويل وامي والله طيبه ويانا بالعكس ماتزعل بس يمكن من الاساس
تربيت اني ارد ع امي
والله ماااادري ... بس هل الاياام احاول اني اسكت ومارد اذا عصبت صررت اكت ملح ع الارض يمكن فيني عصبيه زايده من الضغووطات النفسية اللي فيني :eh_s(2):

 

[هدفي الفردوس]

الله يهديج بس

 

[عسووولة زوجها]

يارررربي جيل هالوقت صج مايستحون لو هي رفيجتج او ام زوجج ماسويتي معاها جذي بس كله على هالام .. الام اللي تعبت وكبرت اخرتها نرفع صوتنا عليهم

انا امي متوفيه من صغري وكل ليله والله مابالغ كل ليله اتمنى انها ترد للدنيا حتى ابوسها واضمها واشم ريحتها وانام بحضنها ابوس ايدها ورجولها والله لو العمر يهدى كنت اهديتها عمري هذي الام حلوة اللبن

مرات لما اشوف البنات يتشكون من امهاتهم ويرفعون صوتهم واسمع انهم يطقونهم بعد اقول بيني وبين نفسي باجر لا ماتت هالام شنو بيحسون فيه ! اكيد بيبجون بدل الدموع دم بس حتى ترد للدنيا ويطلبون رضاها

الله يطول بعمارهم يارب واللي تبي الجنه تبرهم لانها تحت اقدامهم

 

[Silent Pain]

والله مادري شقولج انا كنت جذي ب ايام المراهقه بس !
بعدين مادري شللي غيرني خلاني مااحب اقولها كلمها تغثههااا او تزعلها تقول شي اسكت !
اروح اعتذر لها ابوس المها بدون سبب .. ترا اهيه ماراح تردج؟ بالعكس ترا تنطر منج هالشي اذا بستيها وقلتيها يمه اسفه
امي انا حييييييييييييييييييييييل عصبيه بس اذا عصبت اقولها : يمه ترا ماصار شي عادي ؟ ليش تعصبين ؟ ترا كل الضغط والسكر بتحوشج .. ترد علي تقولي : تعبت انتو غثيتوني اخوانج غثوني خواتج غثوني

اهيه تبي تشكي لج .. تقربي منها .. اذا شفتيها معصبه تكلمي معاها بهدااوة لا تشدين وانتي تشدين
ترا صج لما قالو البنت مالها الا امها واهلها محد نافعج حتى رفيجاتج
والله ادري وحاسة فيج بس تقربي منها واذا عصبت هديها لا تشدين معاهاا والله ترا ينفع ولميها وبوسيها وضحكي معاهااا
باجر مرت اخوج بتتشمت فيكم و بتقول حجي وتزيد بهاراات ! ترضين هالشي يصير ؟ طبعا لا !
مالج الا امج ورضاهااا واهيه ترا تزعل لما تتلاسنين معاهاا !! الله يهديج ويخلي لج امج ويخليج لها يارب

 

[nanoo2]

الله يهديكي

 

[قموشه21]

وهذا شي زين .. وتبين منا حل .. فوق اللي سويتيه بالمسجينه تبين نعطيج حلول ..

اذا الاغلبيه يقولون لج بوسي راسها واعتذري وانتي تقولين ماعرف المها يبا هاذي ياما لمتج وباستج حتي من ريولج وانتي صغيره ياما سهرت وبجت عليج وعشانج ياما دافعت عنج ياما استنقصت علي روحها عشان تعطيج

ليش تعاملينا جذي والله امي الله يخليها لي ويخليني تحت ريولها اخدمها قبل اطقني بنعال تكرمون طق سنه بساعه اقسم بالله اروح داري وابجي ولا اراددها ولا حتي اوخر ايدها عن طقي ..

احنا خدم تحتهااا ليش تعاملينها اهي مسجينه وعلي قلبها تعطيج جذي تصارخين وجام مرت اخوج مو عيييييييب..

صج عش رجبا ترا عجبااا

 

[قموشه21]

وعلي فكرة رضا ربج من رضاها لاراح تتوفقين لا بحياتج ولاا بدراستج ولا حتي تتهنين بمعاشج ولا تتزوجين الا برضاها ماودج امج تدعيلج .. خافي الله وخليج تحت ريولها روحي لميها وبوسي ريولها في ناس ماتت امهاتهم وتحسفووو وخاطرهم بس يشمون ريحتها وانتي امج عندج وجذي تعاملينا .. لاحول ولا قوة الا بالله