مااعتقدفي أحدمثل بنتي تعبت نفسيآ وجسديآ معهاال

[عشق المطر]

السلام عليكم
كيفكم يابنات حبيت أسئل عن وضع اولادكم مع الرضاعة بنتي بنت أسبوعين ماترضع زين علطول نايمة واذا جلست يادوب ترضع والله تعبت معها رحت معها لدكتورين يقولو مافيها شي واناقلبي مومطمن...
اذا نامت احاول اجلسها ماتقوم تخيلو يابنات اخررضاعة لها من 6 الصبح والساعة 10رضعتها استفرغته كله واللحين احاول ارضعها نايمه موراضية تجلس ووزنها قليل كيلوين و700غرام
ابي حل لها الوضع وش تنصحوني..

 

[كوكي العسل]

اختي طبيعي طفل النفاس ينام وايد

انتي اذا ترضعينها صناعي حطيلها الممة بحلقها حتى لو نايمة بترضعه ان شاء الله

اذا تقمطينها فتحي قماطها او غيريلها حفاظتها .. ولا تحاتين ان شاء الله مافيها الا العافية

 

[Perfume]

حبيبتي اذا صناعي ممكن الحليب ما ناسبها عشان جذي تستفرغ
الرضاعة الطبيعية افضل شي
واذا تحاتين روحي لدكتور متخصص بالجهاز الهضمي

 

[PuPa^^SWeeT]

اذا صناعي فهذا طبيعي انها اتنام


بس الطبيعي لاا كل شوي بتقوملج

عالعموم استشيري دكتور ثاني


لانه انا بنتي ماكانت ترضع و بالاخير طلع فيها ربووو و رقبة متشنجة

 

[Beyoncee]

ان شاء الله مافيها الا العافيه
البيبي باول الاسابيع ينام وايد انتى جهزى الرضعه وورضعيها قعديها صحصحيها
الى اعرفه كل ساعتين لازم رضعه

 

[عشق المطر]

سويت المستحيل عشانها بس مولاقية نتيجة سويت نفس الي قلتو اليوم كل الي رضعته رجعته لأني اجبرها ترضع حتى وهي نايمة عشان كذا تستفرغ آه بس وربي بموت من التوتر والقلق عليها

 

[PuPa^^SWeeT]

و ليش تجبرينها ؟؟؟؟



حتى واهي نايمة

؟؟؟



لا غلط مو زيين



لازم تشرب و اهي قاعدة




مثل ما قلتلج اذا خايفة عليها وديها اختصاصي

 

[بوووظه]

حبيبتي انا بنتي جذي
طلع نسبة الصفار عاااالية معاها
رحت المستشفى عطووني لها حليب قالوو خلال ٢٤ ساعه رضعيها كل ساعتين
وجيبيها

الحمدلله رضعت و خرجت وماشيين ع هالموال

لان اول الايام كنت ارضعها طبيعي فا البنت ما تشبع وتنااام ولا تخرررج
ارتفع الصفاار
والجاهل كل ما خررج كل ما راح منه الصفار

 

[mafain]

الطفل في هالسن طبيعي يكون معظم يومه نوم وخاصة البنات رضاعتهم ضعيفة وبطيئة
حاولي كل ٣ ساعات ترضعينها والأفضل يكون طبيعي وعطيها ماي وتمر مغذي واذا فيها الصفار يخف

 

[جذابه بنت ذيابه]

لازم كل ساعتين ترضع


قعديها وقت الرضاعه ففكي المهاد وحكي اذونها تقوم هههههه

 

[TeKaNa_Girl]

غيري الحليب
يمكن مو مناسبها

 

[اترجة]

وديها مراه تعالج طب شعبي بس لا تخذين منها شي بس خليها تشوف بنتج يمكن فيها شي الله لا يقوله تري يعرفون شغلات الدكاترة مايعرفونها ان شخصيا اتجهت لهنوع لطب الشعبي جم سنة اعالج عند دكاترة محد عرفلي يوم رحت طب الشعبي عرفوا شنو مشكلتي بس وديها مراه متخصصه بالصغار تعالج خل تشوفها بس ... راح يبين اذا فيها شي ولا طبيعي البنوتة جذي .. ربي يحفظها

 

[شادن33]

عاااادي
فركي اذونها اشويه وتقوم رضعيها

 

[كويتيه مذهله 87]

لا تغيرين الحليب ولا توينها الطبيب

اشفيكم بنات انتوا بعد امهات وعندكم كذا بيبي !!!!

حبيبتي اختي الي كاتبه المووضوع عادي عمري لا تحاتينها وقت ما قعدت رضعيها تشرب تيوع وتشرب بس عوديها كل ساعتين ترضع اذا مميه اذا طبيعي وقت ما بجت عطيها

عادي ياهل النفاس عسر وينام وايد ومايشرب وايد

 

[شواخي]

يمكن بصفاااار

 

[Tom ♥ Jerry]

,
كيلوين ماشالله عليها الله يحفظها لج
انا بنتي كيلو بس لووول آول ما يبتها وقت النفاس
كيلو و شوي .. كآنت صج نتفه

بس ترا عآدي دآم مآفيها شي .. و دآم تنآم متواصل لعده ساعات
يعني مرتاحه .. خليها اذا ياعت تقوم من كيفها

 

[.. Ro3a ..]

لا حبيبتي هذا بيبي النفاس طبيعي جدا عادي
ينام وااايد اساسا النوم صحه له وانا سالت اكثر من دكتور يقول
اذا البيبي نايم خليه لا تقعدينه ،،.
بس دكتوره وحده اللي قالت لا لازم بالتايم ياكل
اما الباقي قالوا لا خليه نايم ..
بس عموما البيبي باول حياته بس ينام عشان ينمو ،،،
الله يخلي لج بنيتج ويحفظها ي رب

 

[M&Ms]

ولدي كان يرضع الساعة 10 بليل وينام لي 6 الصبح موعد رضعته الثانية عادي كل ياهل يختلف عن الثاني لا تحاتين

 

[zain-alq8]

انا الي اشوفه عادي معروف طفل النفاس ينام وايد وصدقيني اذا ياعت بتشرب الطفل يكفل يكفيه حليب ترس اذنه