مابذني ماي .. رحت امس حق شيرين أبو الفتوح .. تابعوا تجربتي

[mi corazon]

صباح الخير بنوتات

اول شي ان شالله بيكون موضوعي هاذا عبارة عن أجزاء .. جزء الحين اللي اهوا عن مراجعاتي

وجزء بعدين اللي اهوا بعد العملية والريكفري .. ماشي؟

الجزء اللي الحين :

بعد ما حست بالنت مالقيت الكلام يطمن أكثر شي غير على شيرين ابو الفتوح وعبد الناصر .. عبد الناصر مسافر وايي الاسبوع الياي

المهم أمس رحت حق الدكتورة شيرين .. اول مره بحياتي اسوي عملية تجميل فا كنت متوجسه
المهم اول مادشيت قالت خير يا فلانه ؟؟ قلت لها دكتورة آنا أبي تكبير صدر بالسيليكون وحقن أرداف

ضحكت .. قالت لي انتي يايه وعارفه شغلج .. عيل آنا شنو شغلي؟ قلت لها إشراف هيهيهي " مليقه صح؟ "

وقلت لها ان موقفي حساس لأني لو الله يسر عروس ومابي ندوب وأثر خلال 3 شهور

المهم سالتني عن تاريخي المرضي وهالسوالف
بعدين يت اللحظه الحاسمه " إءلاعيييييييييي" يعني فصخي هدومج علشان أشوف

المهم شافت جسمي .. قالت مافيج شي جسمج تمام

قلت لها ابي اكبر صدري علشان يرتفع .. وابي احقن الخلفية لانها نزلت وايد وجسمي يروي " جلي- طري" وزاد بعد العملية

المهم قامت تشوف وتتفحص .. قالت لي بشرة يلدج خفيفة ماتتحمل الثقل ما السيليكون غير عن دهن الجسم الخفيف اللي الله معطيج اياه .. انتي الافضل لج شد الصدر لأنه مو صغير صدرج ومع الشد بيصير شكله مناسب مع جسمج وطولج

قلت لا السكارز راح تكون واضحه لأن الشد يصير مثل حرف "تي" بالانجليزي تحت الصدر .. مابي

قالت خلاص بس ماراح احط لج سيليكون كبير حيل لأن مثل ماقتلج راح ينزل مع الوقت .. جسمج غير

وراح تضطرين طول عمرج تلبسين ستيان إلا في ضروف خاصة وبأوقات محدده .. حتى عند النوم تلبسين

بنات آنا احترت اهني .. لاني آنا طبيعي اكره الستيان خصوصا عند النوم ماقدر اختنق .. فا شلون هالمره طول عمري !!!

المهم

قالت لو ماتبين تلتزمين بالستيان شوي الشد .. راح يكون مرفوع بروحه وماراح ينزل

المهم .. عطتني حجم الصدر 250 قالت جذي مناسب وايد علشان مايطيح الصدر بعدين مانبي نثقله

بعدين ايت للأرداف .. قالت راح نشفط من الأماكن الزايده الجوانب والبطن وكل مكان زايد ونحقن فيه الأرداف .. بس دربالج راح تكون حيل كبيرة ... عاد آنا ترددت ما احب الخلفية الكبيرة احبها بس مشدودة .. بس شسوي قتلكم الوقت ما يسعف ولا الظروف اني اكون مشخطه وعلي أثر عمليات

والدهن الزايد بتحقن فيه الويه لاه انصفط من الضعف


وبس يابنات

خذيت ورقة التحاليل قالت سويها قبل اسبوع من العملية .. العملية راح تتحدد لمن تبين دقي علي علشان احجز لج

قالت لي بالسلام قلت لا ابي طيبه كلينك امدحوه


وسلامتكم .. هاذي بداية تجربتي بكل مصداقية

ادعولي حبيباتي الله يسهل اموري

 

[عيون السواهي]

الله يوفقج ويسر امرج حبيبتي اذا انتي مو محتاجه لاتسوين وتجازفين وبتوفيج

 

[shaikhat elbnat]

زين سويتي لحقي على عمرج دام عرسج ما بقى عليه شي

 

[عسووووولة]

رد : مابذني ماي .. رحت امس حق شيرين أبو الفتوح .. تابعوا تجربتي

ان شاء الله تقومين بالسلامة

 

[softlady]

لا تستعيلين لو عرسج باجر

المهم النتيجه

سألي دكتور ثاني مو اول دكتور توافقين

 

[mi corazon]

امبيه هذيل المنحرفين لاحقينا حتى اهني؟ قطيعه طردوها

 

[mi corazon]

بنات ان شالله بحاول اشوف عبد الناصر وارد لكم خبر بس اهوا بعده مارد من السفر

بس آنا مايله اكثر لشيرين دامها مره .. سبحان الله ومن يتق الله يجعل له مخرجا .. يمكن الله ايسرها لي لو اتقيته ورحت عند مره

ويطلع شغلها علي احسن من عبد الناصر

 

[^^ROSE^^]

حبيبتي اذا بتتزوجين لا تسوين سيليكون
ترى اعرف ناس مسوين و رياييلهم لما دروا تضايقوا لان مو طبيعي
مادري الرياييل يمكن حساسين من هالناحيه ان الصدر يكون مو طبيعي
حتى بالملمس يبين مو طبيعي وماتدرين لا سمح الله يصير شي مهما كان بيزرعون شي بصدرج شغله مو هينه

ذاك اليوم اوبرا مقابله عارضه معتزله
والعارضه قالت لما كنت اعرض سويت عمليه لصدري عشان اكبره
وكنت كلش مو مرتاحه وما ارتحت الا لما شلته


انا بالنسبه لي الشد اهون من التفخ لان ماراح يحطون شي بصدرج

ترى انا نفسج صدري مو واقف ونازل مع اني مو متزوجه بس طبيعة جسمي نفس خالتي مع ان امي صدرها ماشاء الله شاد
يعني لو ما البس ستيان بيكون طايح لازم على طول البسه
بس ما افكر اتفخه لان شي يخوف حاطه سيليكون بصدري
يمكن لو اييب عيال اسوي شد ويرتفع
بس ما احط داخله شي

انا حبيت بس انصحج وانتي استخيري قبل كل شي وان شاء الله خير

 

[mi corazon]

روز آنا يلدي اصلا مرن حيل بسرعه يترهل وآنا من كنت متينه وآنا مترهله وطريه اروي .. الحين ضعفت فا الصدر حيل نزل مو شوي يعني جنه دلاغات حيل محرج

 

[أحلى~من~الورد]

الله يوفقج ان شاءالله


وبانتظار باقي الاجزاء​

:eh_s(15):

 

[Red cI-IeRry]

الله يوفقك
واحسن شي مدامك توك بتتزوجين سوي كل العمليات وارتاحي
خلي زوجك يشوفك نفس مانتي من بداية الزواج .مش تجين قدامة وتقولين بسوي وبسوي آحسن كذا .
واهم شي اهم شي لاتعلمينه انك مسوية اي عملية .
نصيحة مني خلصي كل امورك قبل الزواج . لاتتندمين مثلي
وبالتوفيق

 

[zain-alq8]

انا نصيحتي تسويين شد مادري احس انه السيلكون مجازفه واستخيري حبيبتي وموفقه

 

[كل الفوز]

أختي والله نصيحة من أخت أخشى الله والله ياعمري من يتق الله يجعل له مخرجا " اتقي الله بترك المحرمات وغضب الله تعالى لأن هذه العمليات لاتجوز والله تعالى ماحرمها عبث وانتي ان شاء الله جميلة وتكونين أكثر جمالا اذا أرضيت ربك
واسمحي لي ع الازعاج

 

[برق الديحاني]

رد : مابذني ماي .. رحت امس حق شيرين أبو الفتوح .. تابعوا تجربتي

الله يوفقج يارب استخيري قبل اي شي

 

[mi corazon]

اختي كل الفوز يزاج الله خير .. بس آنا صدري ماكان جذي يعني مابي اغير ابي اعدل وارد نفس ماكان قبل المتن والترهل فقط

 

[!الجادل الصعب!]

موفقه .. ولا تخافين الحقن بالبدايه راح تكون كبيره بعدين الجسم يمتصها وتصغر ..

وفي تجربه عضوه بالتفصيل مع الحقن وتقول ان امتصها الجسم ..

وقولي لها لا تقط الدهون تحفظها باسمج عشان اذا بغيتي تزيدين دهنا في مكبتنا

 

[mi corazon]

الله يريح بالج يالجادل :*

 

[mi corazon]

للرفع

 

[nandeny]

موووووووووووووووووووفقه يارب والشد افضل اقول

 

[ام عفاف الكويت]

يامجاااااااازفه
استخيري صدقيني
لاتسمعين كلام النت
انا ذمو لي صابرين الزامل وقبل جم يوم شفت لها نتيجه على وحده اعرفها
تههههههههههبل وبالحكومه بعد