مابعد ترجيع الاجنة

[qtr81]

السلام عليكم

زوجي يعاني من انعدام في الحيوانات المنوية والحمد لله وتشجعنا وعملنا اطفال الأنابيب وتوفقوا ولقوا حيوانات منوية بالابرة
من 11 بويضة تلقحت ،فقط 3 بويضات انقسمت بشكل طبيعي وتم إرجاع فقط أفضل 2 بعد يومين
وانا الان في مرحله الانتظار
نزل مني نقطتين دم رابع يوم ترجيع
وأشعر بنفس مغص وآلام الدورة بالإظافة لكثرت التبول، كل نص ساعه تقريبا

اليوم لي سابع يوم من الترجيع ، الي مروا بنفس تجربتي يا ليت يفيدوني
ومتى اقرب وقت اقدر أسوي فيه التحليل

 

[qoot]

الله يرزقج يارب

حللي بعد اسبوع

بالنسبه لدم اتوقع انغراس الاجنه

عسى الله يثبتهم لج بسالج وين سويتي العمليه

 

[qtr81]

الله يسمع منج أختي

أنا عملتها بمستشفى النساء والولادة عندنا بقطر

 

[glby7sas]

الله يثبت اجنتج يارب حبيبتي للمعلومه لا تنتظرين اي شي او اي علامه ترا تختلف من شخص لي اخر كل اللي عليج الانتظار للمعلومه انا ماحسيت باي علامه الا بالشهر الثالث من الحمل
كثرت التبول طبيعي لانج تشربين ماي وايد وحليب لازم وايد
كل اللي عليج الراحه التامه والحليب والبيض والماي ولا تتسبحين الا بيوم اللي بتحللين فيه والصلاه وانتي قاعده والله يثبتلج اجنتج يارب وتفرحين بشوفت عيالج يارب

 

[qtr81]

اليوم لي ٨ يوم من الترجيع

من اول يومين من الترجيع ملاحظة أني عندي حرقان بالبول مرات يخف ومرات يزيد، ممكن يكون عندي التهاب بالبول
وهل يأثر على ثابت الاجنة؟؟؟

 

[glby7sas]

حبيبتي لازم تبلغين دكتورج والحرقان اغلب الظن انه التهاب لازم تتصلين على الدكتور وتبلغينه ضروري

 

[الجادل الخشف]

عادي حبي انا هم عندي هذي الاعراض هذي كلها من الابر والتخدير ترا اعراضها مو شويه تتعبج وتعطيج مثل اعراض الحمل بعد
وانشالله يثبت وتفرحين بالطفل
انا اليوم تحليلي وانشالله يبين فيه حمل مع اني حلمت احلام ماتبشر بخير

 

[قلب طفـــله]

الله يثبت أجنتج ويرزقج

موفقه

 

[qtr81]

ان شاء الله تبشرينا بالحمل

أنا شكلي ما بقدر اصبر لين موعد تحليل المستشفى، بكره بيكون عاشر يوم لي من الترجيع وأتوقع التحليل الهرموني يبين

 

[qtr81]

التحليل الرقمي صفر والحمد لله

الله يعوضنا خير يارب

 

[qoot]

معوضه حبيبتي ماعليه كرري المحاوله لين الله يرزقج

وان شاءلله تحملين بدون علاج

 

[M!SS.LOBY]

الله يرزقج ويوفقج