مابقت عندي بجامه سنعه

[noonoo]

بنات انا دايمن اشتري بجاماتي من اوشو وتعرفون بجايمهم كله على رسومات مشكلتي اني لمن اغسلهم غسلتين ثلاث تبدا الرسومات تتنتف وتروح :eh_s(14):جربت اغسلهم بالايد هم ماكو فايده ياريت تفيدوووني شلون احافظ على بجاماتي:tek:

 

[الاسطورية]

حبيبتي هذا موسبب صابونج هذا سبب اوشو
بجايمهم لاكد ولامد

لووووعه بس شكل

احسن شي الي صج قد ومد بجايم نكست وفيهم رسوم
وبي اتش اس

 

[المقروده]

اتصدقين حتى لاسنزا بعد بجايمهم مع كثر الغسيل تنشق ؟؟؟
والله يا بنات انا اختربوا علي بجامتين انشقوا شق مدري من شنو ؟؟؟؟

 

[noonoo]

اي الظاهر جذي لان بعد مع كثر الغسيل يملحون عيل وين احصل بجايم ابمستوا اوشو ابي بجايم مع ملابس الداخليه طقم وين احصل؟

 

[سعودية قلبها كويتي]

نعومي ملابسهم حلوة

 

[7atoto]

وين صاير نعومي بالكويت؟
انا اغسلهم بالايد الاشياء اللي فيها رسومات او بالغياله اوبشن هاند ووش
وبدون كوي وماحطهم بالنشافه اكويهم بالبخار وبالمقلوب يبيلهم شغل

 

[baby_ pink]

نعومي للي تسأل عن نعومي بالجهرا "
مجمع اوتاد...

 

[فيروزه]

بجايم اوشو مع الغسيل تخترب

ومن سكرت عتنهم بجايم مع الملابس الداخليه

بس ماجربتهم

 

[bedour18]

بجايم ماركس سبنسر حلوين و كد و مد

 

[النوالنو]

ماعندنا نعومي بالكويت بسعوديه

 

[عزااااايز]

حبيبتي بجايم اوشيو الرسوم اللي عليهم طبع فاكيد تخترب
بس بجايم دبنهامز حلوه كد ومد والرسوم اللي عليهم مو طبع تكون مثل رسمة مخيطه الصراحة حلوين
ويجايم بي اتش اس في وفي بس قبل كان كله حلو بس الحين مو كله

 

[زنوبة الحلوة]

يمكن الصابون اللي تستخدمينة والله اوشو عجيبة بجايمة

جربي تغيرين الصابون

 

[princesa n3oma]

احسن شى حق البجامات بشامبو العبايه وباليد ماراح يتغير اللون ان شاء الله انا مجربه ....بالتوفيق

 

[GAP^^الكبيرة]

غيري نوع صابونج... وشوفي خيارات الغسيل..في بجايم ما تتحمل الماي الحار

انا عن نفسي ماخذ من اوشو فمادري بالضبط شنو خصائص غسيلهم
بس جربي حطي كلوركس الملابس الملونه.. يمكن يثبت اللون اكثر

 

[supermarket]

شوفي ليبل الغسيل( الورقة اللي عليها معلومات الغسيل ) على البجامة

يمكن الماي او نوع الغسيل وحطي شامبو بدل البودر

 

[noonoo]

مشكورين بنات على ردودكم ماقصرتو

 

[Ftooosha]

فاشن مل عنده نفس بجايم اوشوو

وحتى سوق المعلم الوردي في نفس بجايمهم بالضضضضضضضضضضضضضضضضضبط وفرق السعر

روحي اشتري من هناك وحتى لو اختربوا عقب غسلتين ثلاث ماتحسفين على السعر:eh_s(8):

 

[noonoo]

اييييييييي صح شفتهم بسوق السالميه بس كباااار كله اكس لارج

 

[زين المها]

انا افضل بجامات مارك سبنسر ودبنهامز ويكدون معاي بس حاولي تغسلينهم بصابون غير التايد واريال لانهم يخربون الهدوم ..

ااما بالنسبه لنعومي انا اعرف اللي بمجمع الأيوب بس احب قمصان النوم اما بجاماته ما شريت منه ولا مره

 

[janirek]

لا تخلي الغسالة تنشفهم على الاخر خلي التنشيف على أخف درجة أو بدون تنشيف بكون أفضل لانه يأثر على الملابس