مابي يخزوني خززززز...شنو أللبس؟

[+بسبوسة+]

السلام عليكم



بنات انا هالسنة اول مرة اروح اوروبا..







المشكلة اني منقبة ومابي احرم نفسي من السفر
ولا اقط نقابي...

بغيت اسأل شنو الدول الاوربية الي تتقبل النقاب يعني الناس ماتخزني ولا اسمع قطات

يعني انا رحت ماليزيا بنقابي عاااااااااااااااااااااااااااااادي جني بالكويت

وين اقدر اروح بعد؟؟؟

واذا رحت شنو انسب شي اللبسه؟؟؟
عباية اسلامية ونقاب؟
ولا افرئولات ملونة ونقاب؟؟؟
شنو ارتب لبس للنقاب؟؟؟
حتى لو ماكنت منقبة تقدرين تساعديني برايج..

جزاها الله خير الي تساعندي...والي تعارض السفر بالنقاب اتمنى تحتفظ برايها لنفسها...

 

[أمواج البحر]

والله انا لما سافرت اوروبا

كان في وايد حريم ماشاء الله عليهم منقبات

وترى عادي هناك ما حسيت انهم يخزون ... الا اللهم بالمطار :/ اللي عند كاونتر الطيران

مع اني متحجبه عادي بس قعد يطالعني ويساسسر اللي يمه ويخز

بس طاااف

وبرايي بالنسبة للبس اممممم اتوقع لو تلبسن المانتوهات الفاتحه حلو

وانتي بكيفج طبعا

وتروحين وترجعين بالسلامه يارب

 

[ام مهاوش]

حبيبتي لاتحرمين نفسج من السفر ولا شي الحين اوروبا تعودو على الحجاب والعبايه والنقاب واشكثر ماشاءالله منقبات يروحون ويستانسون وعادي الوضع خليج على نقابج وعبايتج الاسلاميه عشان تكون عمليه ومريحه حق المشي والسفر
انا قبل سنتين رحت باريس واشكثر المنقبات ماشاءالله وعادي الوضع
وبعدين حتى لو كنتي لابسه حجاب وبنطرون بخزونج بس عادي ماعليج منهم المهم اننتي استانسي ولاتهتمين بالخز
وزلمسي متروسه منقبات وحتى اللي يلبسون عبي متروسين هناك

 

[ام مهاوش]

واحب اضيفلج بعد خالتي شهر 12 اللي فات راحت لندن بنقابها وشهر 12 موموسم سفر يعني مافي سياح ومنقبات كثر الصيف وعااااااااااااااادي وضعها طبيعي

 

[غلاي غير]

عادي
بس خلج على الالوان الفواتح احسن

 

[+بسبوسة+]

والله انا لما سافرت اوروبا


وبرايي بالنسبة للبس اممممم اتوقع لو تلبسن المانتوهات الفاتحه حلو

وانتي بكيفج طبعا

وتروحين وترجعين بالسلامه يارب

يابعد قلبي مشكورة

بس وين الاقي مانتوهات مرتبة وعملية؟

 

[+بسبوسة+]

حبيبتي لاتحرمين نفسج من السفر ولا شي الحين اوروبا تعودو على الحجاب والعبايه والنقاب واشكثر ماشاءالله منقبات يروحون ويستانسون وعادي الوضع خليج على نقابج وعبايتج الاسلاميه عشان تكون عمليه ومريحه حق المشي والسفر
انا قبل سنتين رحت باريس واشكثر المنقبات ماشاءالله وعادي الوضع
وبعدين حتى لو كنتي لابسه حجاب وبنطرون بخزونج بس عادي ماعليج منهم المهم اننتي استانسي ولاتهتمين بالخز
وزلمسي متروسه منقبات وحتى اللي يلبسون عبي متروسين هناك

طمنتيني يابعد قلبي

الله يسعدج ويهنيج يارب

 

[+بسبوسة+]

عادي
بس خلج على الالوان الفواتح احسن

وضحيلي اكثر حبي

شنو تقصدين بخلج على الفواتح؟؟؟

انا ودي بس ماشفت شي جذي بالسوق

 

[ام مهاوش]

ولو ماسوينا شي
بس ماقلتي وين ودج تروحين

 

[Hello_kitty]

حبيبتي بس حبيت انبهج لا تروحين باريس او بلجيكا لأن صدر قرار رسمي هناك بمنع التجول بالنقاب

انه ارشحلج لندن لكثره العرب فيها متعودين على العباه والنقاب والبطووووووله بعد هههههه

واتوقع العباة الإسلاميه عمليه ومريحه حق السفر او المنتاوات وايد حلوه

 

[بدوره 22]

والله انا متحجبه وانخز .. اكيد بخزونج .. طااااف

 

[-مذهلهـ-]

عادي لبسي عباتك ونقابك صار عندهم وعي
وشكثر نااس بتلقينهم هناك لابسين نقابات
بس فرنساا الحين يعطون مخالفه على المنقبات خخخخخخخ
لاتروحين فرنسااا عندك اوروبا بكبرهااا طبي وتخيري

 

[نـور عيني]

شوفي حبيبتي النقاب اكثر شي اشوفه بلندن لأنه الانجليز تعودوو على العرب ولبسهم بس باجي الدول شوي صعبه بتلاقين خز وعادي يقطون عليج حجي ,, وايد مواقف شفتها وسمعتها من منقبات ,,

 

[رش^رش]

الدول الاجنبيه مطاراتهم مشدده الحراسه وحتى الفيزا يمكن مايعطونج في شروط خاصه حق صورة الفيزا يعني لازم الويه كله يبين

مادري اختي نصيحتي عشان ما تتغربلين وتسوين لج سوالف وعوار راس اقترح عليج الدول العربيه عندج مصر والمغرب وتركيا اتوقع عادي النقاب

 

[شموع & دافئه]

الخز عند عربنا
مالج الا لندن بس
اما الدول الثانيه بيجبرونج تقطينه اخذيها منى

 

[مس دلال]

بريطانيا وامريكا لووول
كلها خلجيات اللي بعباتها واللي بنقاب واللي بحجاب
بعد مره شفت بتركيا وحده لابسه عباه راس وبرقع ومرت من يمنا وانقطت عليها كم كلمه بس فديتها قعدت تضحك لووول
عادي الوضع خيتو انتي لا تهتمين لهم مثل ماقالوا طاااف

 

[الأمورة]

الخز مو بره الخز اهنى سافري واستانسي وعليج بألف عافيه ولا أحد يدري عنج احسن شي روحي لندن ولا يدرون عنج هناك متعودين على النقاب والعباية

 

[De3La^85]

عادي الحين تعودو على اشكالنا محد قام يخز الا ما ندر

بالنسبه حق الدول انا رحت لندن طبعا الوضع جدا عادي النقاب والبراقع والعبي كلشي تشوفينه اهناك

ورحت المانيا وكان معاي بالطياره نبيل العوضي ومعاه وحده اتوقع مرته كانت سوااده من فوق لي تحت ما يبين منها شي وعادي ما حسيت ان كانت ملفته للنظر

سافري واستانسي لا تحاتين اللبس وعليج بالعافيه

 

[قدساويه!!]

والله الخز بالكل مكاان حتى عندنا فمابالج بدول الاوروبيه

ماعليج روحي بس فرنسا تو اقرو قانون منع النقاب لكن الدول الثانيه عادي

ان شاء الله تستانسين

 

[dantella]

النمسا وسويسرا لمن رحت ياكثر الي يخزوووووووون فيها جنه يايين من كوكب ثاني مع اني محجبه وكأن اول مره يشوفون مسلمين محجبات
صج اول شي تشكين بعمرج بس عطي طاف