ماتبصيليش بعين رديه وما تشهقشي عليه

[ازمه وتعدي]

السلام عليكم ورحمه الله وبركاته ​

خواتى بنات المنتدى نزلت الموضوع بالمنتدى يمكن القى حل :bbbiu:
طبعا الاغلبيه موظفات او يدرسون بجامعات وكليات ومعاهد حتى اللى مايطلعون ربات البيوت بيوافقونى الراى :eh_s(12):​

اكيد صادفتم ناس تشهق <<<<<<<<< اى تشهق :rgewrg:
عندنا وحدة بالدوام بس تراقب العالم وتشهق شهقه تطلع من اعماااق اعماق القفص الصدرى
وبس تفطن :eh_s(1):
شوفو فلانه بلوزتها جسمها لونها شعرها مالها بطن زوجها عيالها
شهقه قووووووويه منها بشهادة الكل خلااااص يامرض ياتنتهى الشغله او تنكسر او تخرب
حتى بالشغل
شهقه وتبدا <<<<<<<< ملفات فلانه خطابات علانه افكار فلانه ترتيب علانه
فلانه بس تمشي ماتتعب
خلفيه فلانه تجنن سيقان فلانه
فلانه مالها اكواع ولا ركب << طيب الادميه شقره بيضا شي طبيعى مايكون لها ركب << الموظفه لها شهر اجازة مرضيه وماداومت للحين
تقولون ليش ماتاخذو من اثرها
عينها قووووويه ونفسها بصعوبه تطلع عن تجربه اكثر من وحدة تاذت منها وتقول نبي اثرها وياخذون وهى ماتدرى ولا فيه فايدة
طيب اذكرى الله << :eh_s(4):
انا اكتب لكم وفمى مولع نار وظهرى ماقدر انزل اشيل بنتى من سريرها اداوم وانا حابسه الدمعه بعينى تخيلو زوجى مسافر له شهرين تقريبا تقول للموظفات ظهرها يوجعها مو تعب لا
من كثر شسمووونه < :eh_s(1):​

المهم جت تسالنى عليك الدورة قلت ايه وانا فعلا عندى الدورة الشهريه تقول اااى اممممم ​

طبعا صديقاتى علمونى قالو فلانه حاسدتج على (.....) قلنا لها البنت عندها الدورة وطبعا ماارتاحت الا يوم سالتنى ​

وكل شوى متى جا زوجك اممم طلعتو ليش ماقلتى ان زوجك جااا من السفر :eh_s(10):رحتوو مكان وين طلعتو امس
ياحظكم <<< للعلم متزوجه وعندها عيال وزوجها عندها مو ناقصها شي ​

وكل يوم يلااا بنات جزاكم اله خير غسلو لفلانه وغسلو لعلانه << :eh_s(11):​

المشكله الدوام احزاب يعنى يحبونج يغسلون لج يكرهونج بتقول سوورى مشغوله
انا قررت اتجنبها نهائي بس جد اليوم وحدة تبي تقهويها وتاخذ اثرها حست بان الموظفه تبي اثرها رفضت تتقهوى :krkrkr:​

نقول اذكرى الله تقول ماشاء الله لا تتطيرون <<< ولج قتلتينا قتل
النكته وحدة تقول انا مايصيبنى عينها لو شنووو انا احصن نفسي بنفس اليوم لبست البنطلون الا بطنها تعورها الا دمل تحت السره شكبره ولون جلدها احمر تقول خلاااااص انا ماجلس معها ابدا ​

بنات انا نزلت الموضوع علشان انبهكم لشي مهم
ذكر الله على كل شي يعجبكم
الشهقه <<<<< اللى فيها هالطبع تتركه لان احد المشايخ ذكر بان الجن والشياطين تنتبه
للشخص او للشي اللى ينشهق عليه
تلفت نظر الجن والشياطين ​

واتمنى من اى وحدة مرت بموقف او بتجربه تعلمنا طريقه ناخذ الاثر حتى لو الحاسد مايبي يعطي من اثرهـ ​

واسفه على الاطاله ولن يصيبنا شي الا ما كتبه الله لنا
وعلى فكرة ترا الشهقه صايره هبه موضه ​

شهقه الله يجنن
شهقققققققققققه قويه من وين اشتريتى الغرض الفلانى ​

كيماوى مو بشر دمار شامل :krkrkr:​

 

[أم مهره وميثاء]

الله يعييينكم
بس ناس مثل هذي المفروض الواحد يرد عليها وويوقفها عند حدها
هي شو يخصها فيج وبريلج

 

[*شغف*]

أنا من رايي مو كل شي يصير للإنسان عين أو حسد لأن الإنسان مبتلى بالدنيا و معرض للأمراض وغيرها هذا أول شي

ثاني شي إلي يقرى أذكار الصباح و المساء و يصحن نفسه قبل يروح لأي مكان مستحيل يصيبه شي و إذا أصابه يكون خفيف ويقدر يتعالج منه بس أهم شي و أنتم تقرون الأذكار تقرونها بتدبر و المعوذات و آية الكرسي ماتقرينها بسرعة تقرينها بترتيل إذا قدرتي سمعت شيخ يقول هالكلام
و ثالث شي ترى مو شرط إن إلي تشهق وتلاحظ هي إلي تعطي عين ممكن تكون على نياتها و تلاحظ كل شي وتقول و إلي يعطي عين وحدة ساكتة ماتقول يعني مو شرط أهي إلي تعطيكم عين

و رابع شي حتى لو أنتم يابنات مـتأكدين من وحدة أنها تعطي عين ترى مو حلو التشهير فيها أخذوا من أثرها إذا ضرتكم بدون لا تحس و بدون لا مخلوق يحس لإني سمعت إن التشهير بالعائن يذهب بركة الشفاء و يمكن تشهرون بمسكينة و إلي يعطيكم عين وحدة ثانية ساكتة و بعدين يبلاكم ربي بناس تشك فيكم و الظلم ظلمات يوم القيامة و شكرا
مجرد رأي

 

[صلو على رسول الله]

في منهم بالعمد يزيدون حركات الشهقة و التفاجؤ و التشبيهات تريد تصيب الناس

مثلا بل بل على فلانة كله مداومة ولا يوم غياب و لا اجازة كله مبحلقة عينها في الكمبيوتر و اخر شيء الحرمة قامت تمرض و تغيب و عيونها حساسية قوية

الله و اكبر عليهم ذبحوا الصغير و الكبير

و الانستغرام بعد كملها و جاب العيد عقولتهم

الله الحافظ

 

[Tom ♥ Jerry]

.


كل ما تسمعينها تشهق قوليلها فلانه ذكري ربج
على طول ذكريها تذكر ربها
في ناس عينهم حاره بس مو قصدهم يحسدون
يعني يفز قلبها على شي و تصككم عين بس مو قصدها تأذيكم
فـ آنتو على طول ذكروها عشان تذكر ربها و ما يحوشكم طشار من ورا عينها

الله يهديها..

 

[Kocheko]

نفس الحسودة اللى عندي فالشغل ... كسل وغيرة
وخصوصياتكم لا تتدخل فيها .. جعميهاااااااااااااااااااااااا

 

[Kocheko]

نفس الحسودة اللى عندي فالشغل ... كسل وغيرة
وخصوصياتكم لا تتدخل فيها .. جعميهاااااااااااااااااااااااا

 

[Patcholli]

صحتج وسلامتج ابدى قطيها بويهها اشكرها وقوليلها ذكري الله ولا محنا قاعدين معاج
مع اتوقع حتى لو تذكر الله مايكون من قلبها بس بلسانها
لاتقعدين معاها من الاخر وصديها مره مرتين راح تحس وختولي هالاشكال ماتستحي انتي شكو بالمره من كثر الشسمونه قطيعه شالوقاحه

 

[خليجية]

اقري أذكار الصباح والمساء وان شاء الله ما يجيك شر منها او من غيرها

 

[توبا نجم]

ههههههه والله اسلوبك يضحك الله يعين اعرف واحد قريب من بيتنا معروف عينه حاره محد يمر من عند بيته مرت سياره جديده فك شافها والله طاحت مكانها اعوذ بالله ميذكر الله ابد

 

[برنسيسة2007]

حبوبه اللي تقولين تحصنت وصابتها العين ......قوي ايمانج بالله مستحييييل يصيبج شيء وانتي متحصنه هذي حماية اللي خلقها وخلقج

شوفي حبوبه تحصني وقلبج حاضر ولاتسمعين اغاني بعد التحصين لان الملائكه اللي حارستج من الغين بمجرد تسمعين الاغاني تفر منج وتبتعد من المكان في حال تحصنتي وبتلغلط سمعتي اغنيه او فاصل اعلاني بالرادو فيه موسيقى تحصني مره ثانيه

وبالتوفيييق والله يعينج اذا مو قادره تحملين نقلي من الدوام شتسوسن بعد العين حق ومصيبه وتوصل القبر