مات قطو ي وبيموت الثاني

[منوره99]

السلام عليكم ورحمة الله وبركاته

شلونكم بنات

موضوعي باختصار يوم الاربعاء إللي طاف بتارخ 21 /8 /2011 تعبوا قطاوتي فجأه ماأدري شفيهم حرارتهم مرتفعه ومايتحركون صار هذا الشي بالليل وكل المستشفيات البيطريه مو مفتوحه توهقت وكنت أبي أسافر ثاني يوم طيارتي الصبح وماكان قدامي حل غير الاخت( ) قلت المنقذه وهي إللي بتساعدني من كلامها إللي طمني ان عندها العلاج لهم وعطيتها قطاوتي شحلوهم نظاف ومافيهم شي غير التعب إللي حصل لهم
المهم قبل لا ارجع من السفر كان بيني وبين الاخت المنقذه رسايل عشان أبي أتطمن علي قطاوتي وقالت لي أثنين صاروا زينين من علاجها وواحد تعبان حيل والرابع تعب وعطته العلاج وصار زين
رجعت واستلمت قطاوتي لكن للأسف ماشفتهم لما عطاني أياهم ولدها إلا لما رجعت البيت

شفت شي ثاني مو قطاوتي وسخين ومبللين كلهم بول وانتو بكرامه وضعاف ومهدود حيلهم وشعر وحده فيهم يطيح بصوره مو طبيعيه كل هذا بس بثلاث أيام وايه بعد قالت لي انها حاطتهم عندها في غرفة نومها من هني عرفت أن الموضوع فيه إنه شكلهم كانوا مقطوطين فوق السطح بالحر والرطوبه

سبحتهم وأخذتهم لدكتورهم وكشف عليهم وقال لي حرارتهم كلهم مرتفعه وقال لي كانوا مايتغذون عدل يعني باختصار سوء رعايه المهم عالج لي ثلاثه والرابع التعبان حيل عطوه علاج وتوفي بالمستشفي الله يرحمه واخوه الثاني بيلحقه إللي قالت لي إنه تعب وعطته العلاج وصار زين
وقلبي قاعد يحترق عليهم لو إني مخليتهم بالبيت أحسن لي وأكرم لهم (قدر الله وماشاء فعل )

انا انقرصت وماأبي يصير لكم إللي صار لي
​

 

[دلوعه ناعمه]

امبييييييييييه عورتي قلبي عليهم والله ضاق خلقي

لو مخليتهم عتد اهلج ابرك << الله يعوضج ياقلبي

 

[Q8stylle]

الله يعوضج ياقلبي

 

[pinkoosha]

اي منقذه ؟؟؟ يخسرت قلبي جان قلتي لنه منو اهيه عشان نتجنبها اهيه ويه وصفاتها

 

[حجيه هيونه]

لاحول ولا قوة الا بالله

مادري شنو استفادت الحين شكلها نست انه الرسول عليه الصلاة والسلام قال انه امرأة دخلت النار بقطة

 

[ToOosh]

حبيبتي انا مادري منو الاخت اللي تتكلمين عنها بس القطاوة دام مريضين اكيد فيهم سهال وطبيعي راح يوصخون نفسهم كل ما ارتفعت حرارتهم ومع سهال ينهد حيلهم مايقدرون ينظفون نفسهم وبنفس الوقت مايقدرون ياكلون

ويمكن مو غلط من البنت لان لو سبحتهم ونظفتهم بيموتون او بيزيد مرضهم ولو عطتهم اكل ماراح ياكلون لانهم مرضى
ويمكن زادت حالتهم واهيا علبالها عالجتهم بس توقف العلاج راح ينتكسون والدليل ان قطوج مات بالمستشفى

لاتقطين كل اللوم على البنت والله انا مادري منو اهيا بس انا عندي خبرة بالقطاوة وادري اذا القطو مرض شنو يصير
المفروض كنتي تودينهم طبيب لان كانو يحتاجون مضاد حيوي واذا ماقدرتي جان دقيتي على واحد ايي البيت او تروحين الصيدلية البيطرية فيها دكتور اهو يعطيهم المضاد

سوري على كلامي بس لاتقطين اللوم كلة على البنت لانها اول شي مو دكتورة واساسا انتي وديتي واحد ومات هناك يعني المرض مو بيد لادكتور ولاغيرة بيد الله سبحانة بس
القطط مناعتهم واااااااااااااااايد ضعيفة وممكن مرحلة من المراحل مايستجيبون للعلاج
واذا تبين رقم دكتور اييج لي البيت او اي شي انا حاظرة

 

[منوره99]

مشكورين بنات علي مواساتكم ماقصرتوااا وعوضنا علي الله

عزيزتي توشا انتي تكلمين عن شي ماتدرين عنه ومنوقال عندهم سهال اظاهر ماقريتي الموضوع عدل كان عندهم بس حراره
وبعدين ماهمني علاجها الخواره ومامنه فايده
ومن ناحية الخبره بالقطاوه أنا مو اليوم أو أمس أربي قطاوه أنا من 26 سنه وانا أربي بس انحطيت في موقف صعب وكانت الإخت بس إللي قدامي وكانت بالنسبه لي المنقذه وخواتي مايعرفون للقطاوه وتربيتها

إللي خلاني أعصب واحتر الحال إللي كانوا فيها عزكم الله مبللين من البول هذي الامانه إللي معطيتها إياها

وغير أنا رايحه لها علي أساس العلاج معاها لكن قامت تطلب مني أجيب لها الابر والادوية من الصيدلية العادية وأدويه سعرها مبالغ فيها اطلبت دوي ب9 دنانير ودوي 7 دنانير وكانوا كلهم ماكانوا موجودين ولما سافرت قالت اهيا يابت لهم دوي ب11 دينار وللأمانه جكيت وقلت لها إن هذي الأدويه مو للقطاوه حتي الصيادله استغربوااالما اقول أبيهم لقطاوتي

وبعدقالت لي عطتهم جلكوز وملكوز وماعرف شنو بعد ماعرف بالسوالف هذي يعني معطيتهم مغذي أنا إللي أعرفه إللي ياخذ مغذي يربب ويصير اشمتنه سبحان الله إلا مع مغذيها ضعفوا قطاوتي

وبعدين منو اختي معترض علي حكم الله هذا قضاء وقدر والحمدالله علي كل حال

وموضوعي بس تنبيه للبنات لايغلطون غلطتي

وبعدين في شي انتي شدراج انها مو دكتورة ومتأكده منه ؟؟؟؟؟؟؟؟؟؟؟؟؟؟؟؟؟؟؟؟؟
وارد وأقوووول ماهمني العلاج كان يهمني بس الرعايه إللي إوعدتني فيها

 

[tnkora]

اي كاني مااعرفت البنيه
ماااحط بدمتي لكني اعتقد انتي
تتكلنين عن وحده البنات اغلبهم يشتكوون منهاااا

 

[ToOosh]

حبيبتي انا مادري انها طالبة ادوية وشكلها تبتستفيد فهمت الموضوع من جهه وحدة وقلت انها مو دكتورة لانج ماقلتي هالشي واكيد لو كانت دكتورة كنتي بتقولين هالشي
حبيبتي انا كنت بقول رايي من نظرتي لان ماتوقعت انها جذي تطلب ادوية وتجذب عالاقل كانت توديهم الطبيب وتعالجهم وتتحاسب معاج مو تطلب ادوية على كيفها وماتعالجهم
عالعموم صح كلامج المفروض الوحدة ماتثق باي احد وتحط عندة قطاوتها

 

[قطوة@@]

وييه ما يسوى عليج هالسفره طلعت من عينج

و الله يسامحها القطاوة يبيلهم احد عاارف لهممو شغل الاخت الله يسامحها شكلها خوارة

 

[منوره99]

لا والله حسبي الله ونعم الوكيل فيج انتي
الحبيبه دازه لي رساله تحسب علي لأني قطعت رزقها ورزق عيالها
شوفي مانتي محلله لا دنيا ولا آخره واللي مات بذمتج ليوم القيامة ياemy2010 لعدم رعايتج له

 

[منوره99]

ولا تدزين لي رسايل بس كافي مابي اعرفج ولا ابي شي يذكرني فيج ورجاء امسحي رقمي من عندج

 

[كويتية222]

انتي غلطتي شلون تثقين بوحدة مو طبيبة لكن درس لج عموما

ما يصير تقولين الله يرحم القطو ليش شنو عندهم من ذنوب علشان ندعو لهم بهيمة وربي راحمهم

الرحمة للبني ادم حيا وميتا بس ​

 

[منوره99]

هلا وغلا اختي كويتيه

اختي انا دارسه شريعه وكلنا راح نتحاسب يوم الحساب سواء جن او انسان او حيوان تدرين ان اي حيوان عذب علي يد اي شخص يوم القيامه هذا الحيوان راح يعذبه بنفس عذابه اللي عذبه فيه في الدنيا وارجعي لأهل الفتوي وتأكدي بنفسج والله العالم

من حر مافيني كتبته تري جككتيني بنفسي

 

[منوره99]

مشكوره كويتية علي التنبيه مافكرت فيه من قبل وجزاج الله كل خير

 

[لمن اكون]

وييه اناا تذكرتج انتي حيااتي كنتي تقوولن انج بااجر مساافره

هي قاالتج عن ادويه او اعشااب
بعدين انتي قلتي منقذتي

بس حساافه مااتذكرهاا خخخ

 

[مارون جلاسي]

حبوبه الله يعوظك خير والله يرحمه يا رب والله ينتقم منها.. احنا محاسبين على كل روح تنحط امانه عندنا.. الله يعوظك خير حبوبه..

اخت كويتيه يا قلبو الكل راح يتحاسب يوم القيامه فيه حديث ما اتذكر نصه كامل بس اللي اتذكره انو الله يقتص من العجه القرناء لاذيتها للنعجه

الجلحاء.. (يعني الله يطلع قرون للنعجه اللي ما لها قرون وتنتقم من النعجه اللي ما لها قرون واذتها) >>> ايش رايك بالشرح بس ههههههههه

واكيد يا قلبي لهم اثام وذنوب لانو كل شي الله خلقه فهو خلقه لعبادته و المثول لاوامره صحيح همه بهايم بس يقتصون من بعض يا قلبو..

ذكر النووي رحمه الله تعالى في شرح صحيح مسلم عند كلامه على قوله صلى الله عليه وسلم: لتؤدن الحقوق إلى أهلها يوم القيامة حتى يقاد للشاة الجلحاء من الشاة القرناء..

وروى ابن جرير أيضاً عن عبد الله ابن عمر قال: إذا كان يوم القيامة مد الأديم، وحشر الدواب والبهائم والوحش، ثم يحصل القصاص بين الدواب، يقتص للشاة الجماء من الشاة القرناء نطحتها، فإذا فرغ من القصاص بين الدواب، قال لها: كوني تراباً، قال: فعند ذلك يقول الكافر: يا ليتني كنت تراباً. انتهى.

 

[عود ومسك]

من قلتي انج وديتي قطاوتج لوحده عرفتها
لانج كنتي تبين تزاوجين النثيه مالتج ويا قطو عندها
الله يعوضج ان شاء الله
والقطاوه فعلا ترا مناعتهم ضعيفه والسبب الاكل اللي نوكلهم اياه
الدراي والوت فود
بس نصيحه جربو تريقون قطاوتكم بيض ترا والله يقوي مناعتهم بحكم تجربه

 

[كويتية222]

هلا وغلا اختي كويتيه

اختي انا دارسه شريعه وكلنا راح نتحاسب يوم الحساب سواء جن او انسان او حيوان تدرين ان اي حيوان عذب علي يد اي شخص يوم القيامه هذا الحيوان راح يعذبه بنفس عذابه اللي عذبه فيه في الدنيا وارجعي لأهل الفتوي وتأكدي بنفسج والله العالم



من حر مافيني كتبته تري جككتيني بنفسي

هلا حبيبتي فعلا امرأة دخلت النار لانها حبست قطة لا هي تركتها تطلع وتاكل من خشاش الارض ولا اهي اطعمتها ،والحيوان مسكين وضعيف فمابالج بقطوة صغيرة ومريضة علاجها ورعايتها فيهم أجر
والاخت اللي قصرت بعلاجهم ومعطيتهم ادوية للاودام بتتحاسب ع هالشي عند ربها
يعني الاخت مسويه نفسها دكتورة بيطرية !!!!!!!!!!!
اي شي والله وماعليج ربي بيحاسبها


​

 

[VET-Nour]

وربي قهر !! حسبي الله عليهآ
المفروض تعطينهم مضاد حيوي وتحطينهم ابمكان دافي بسس
ليش مسويه نفسها تعرف و اهيا مدمغه ,
يعني عشان افلوس تسوي نفسها فاهمه؟؟
بعدين اهيا مصريه و يعني لو تذبح حيوان و تحذفه بالشارع ويعطونها افلوس عادي ماراح تقول لاا
و مشاركاتها شويههً ! مايصير تثقين فيههاً
آلله يعينّآ علا هالناس الي ماتخاف ربها
معوّضه أن شآ آلله