مات لج عزيز .. تعالى قولي لنا حياتج من بعده

[نوره95]

السلام عليكم ورحمة الله


كلنا قنا مراره فراق شخص عزيز علينا وقريب منا

الله يرحمهم ويجعل قبورهم روض من رياض الجنة

اللي خلاني انزل الموضوع

اهو جدتي أم أبوي

من مات جدي قبل 8 شهور واهي بحاله مايعلم فيها الا رب العالمين :eh_s(16):

حالتها الصحيه تدهورت حيييل ومناعتها ضعفت عن أول

كلها ساكته وتسرح وعيونها تدمع

أحسها حاسه بالوحده من بعد جدي احسها مو قادره تتكيف من بعده


....



اللي مات لها شخص عزيز ربي يجعلها اخر الاحزان

شلون حياتج من بعده !!

ومتى قدرتي تسترجعين حياتج بشكل طبيعي !!

قدرتي تنسينه !!


الله يرحم موتانا وموتاكم وكل موتى المسلمين :yaaaaaarb:​

 

[نوره95]

آآب لعيوووووني


حبيت أشكر ليلى المطوع والمشرفه بلو دايمن على مساعدتهم لي

 

[فطووومة]

شكرا عزيزتي على الموضوع

فقدت امي الغالية الله يرحمها ويغفر لها ويجزيها الثواب الحسن والجنة اللهم آمين

ولاموات المسملين

مهما اقول واعبر ما اوفي الام مكانتها لان الام هي الحب والعطاء والبذل والتضحية والحنان والعطف ووووو

وفقدان الام ما يتعوض ابداااااا ،،،


واشكر ربي واحمده على نعمة حياتي مع امي والتمتع بكرمها وعطفها علي طوال حياتي وماقصرت فيني ولا فخواتي
وطبعا افقدها ليل ونهار ولا يمكن انساها مهما مر الزمن

صار لها سنة وشوي على وفاتها الله يرحمها وللحين احن لها واتمنى اشوفها في منامي كل يوم ،،، ومهما طال الزمن لا ينسى اي انسان امه مهما طالت مدة فراقها والله يرحم كل الامهات

لان الانسان مستحيل يشبع من الام يعني صح الحمدلله انا وخواتي عشنا مع امي وتزجنا وانجبنا لكن احس هالفترة قصيرة جدااااااااا
لان الام غيرررر هي الخيمة اللي تجمعنا وتحتوينا في كل الظروف وفقدانها قد يكون فقدان لهالاشياء

الله يرحمها واموات المسلمين

وربي يخلي احبابكم

 

[جيكره(و)تتغلى25]

الموضوع يضيق الخلق بس دايما افكر بعيالي واهلي لما اافقدهم شسوي



الله يعينا

 

[ريـمـآأن..}]

جدتي ام امي الله يرحمها صارلها 4 سنين ونص متوفيه بس للحين دايما نتجمع في بيتها وعزايمنا كلها هناك اسبوعيا خالاتي وعماتي وبناتهم وعيالهم قبل لا تموت كانت تقول لخالتي وهي مبتسمه انا اشوف الجنه يا بنيتي الله يرحمها ي رب ويرحم جميع اموات المسلمين ي رب

 

[emankuwaiti]

أمي الله يرحمها

من بعدها ماتملي غير الندم و الحسره وأحس حياتي من سيئ لأسوأ

الله يرحم موتانا و موتا المسلمين

 

[بنت الاحلام]

دايما بالحياه نفقد ناس بس فقد ناس عن ناس يفرق
حسب المعزه
نحزن ونزعل اكثر انسان حزنت علي فراقه وتعبت ولحد الحين احس بالتعب اهو ابوي الله يرحمه

لانه مات فجا وما كنت متخيله اني بفقده بهالعمر وبهالسرعه
تعبت بعده حيل لاني بكل شي بعده افقده
شلت هم كبير حيل
الله يرحمه
ويرحم اموات المسلمين

الحياه تمشي وتعدي صح مافي احد يموت ورا احد بس في ناس تنكسر من داخل حيل
ورا الي يموت
والمشكله الكسر داخلي محد يشوفه
الا رب العالمين والمقربين
بس الحمد لله ربي عوضني بناس توقف جنبي وتحبني
وتساعدني
والحمد لله

 

[مالي غير الصبر]

حطيتي ايدج على الجرح
أمي ماتت فجأه قبل سنه وأربع شهور .قعدت سنه كامله أشوف الدنيا سوده بعيوني وتوني ألحين أتحسن وبيتنا ألحين اعتفس أو انهار لأنها كانت عمود البيت وأبوي حبيبي يكسر الخاطر وحيد كانت أمي كل شي بالنسبه له. خبر موت عزيز لج أصعب شي يمر فيه الواحد. وبصراحه للحين مو مصدقة ان امي ماتت!​

 

[مالي غير الصبر]

بنت الاحلام صح كلامج الكسر اللي بداخلنا محد يدري فيه غير رب العالمين​

 

[بالحـيل مخـتلفة]

الله يبعد عنا الاحزان ويطول بعمر امي واخواني
وياجعلي مادوق حزنهم
وان شاءالله يومي قبل يومهم ياااااارب

 

[منو انت]

اول شي الله يرحم اموات المسلمين يارب شوفي ياقلبي منو فينا ماله احد راح منه يعني احنا مابيدنا شي الا الصبر والدعاء وصج الواحد ساعات تجي في باله افكار شينه بس الحمدالله يعني ربج كريم انتي المطلوب منج ومن اهلج انكم ماتخلونها بروحها ليش ماتروح عمره جم يوم ليش ماتطلع تقعد على البحر او انكم تاخذونها عند وحده من بناتها كل وحده فيهم تقعد عندها جم يوم حتى لو ماتبي اهي قولي نزعل ومن هالحجي علشان تكسر روتين تستانس ترى الوحده صعبه

 

[اينااس]

ابووي الى انكسر كالشى فينى من بعده حتى الابتساامه فقدته من 6 سنوات
مفرحت بزواجى تونى عروس ماكملت الشهر ولا شاف عيالى فدته ابوي اتمنى لو اشوفه سااعه
لمن اتذكره تدمع عيون من غير شعور مقهورره بس
هذى كتبت ربي الله يرحمه ويرحم جميع اموات المومنين
وينور قبره

 

[أحتمال دجيت]

دامني حي عطني وش بقا نحتريييه ~~ مابي دموعك اللي عقب موتي تهلاااا

الله يرحمك يابوي دايما كان يردد هالبيت :eh_s(2):..

10 شهور على فرقااه والدنيا مو الدنيا

ايييييييه الله يغمد روحك الجنة يالعووود

 

[وشلون ما يغليني]

عليهم الرحمه

 

[خوش بنيه]

يدتي وايد كانت طيبه واحبها وايد ، الله يرحمها : (

 

[نوره95]

الله يرحم موتانا وموتااااكم

يعني اللي يموت ماتنسينه أبد

أنا مرات قليله اتذكر جدي فتخنقني العبره وابجي بس الصج مو دايما

لكن جدتي حيييل حيييل متأثرة من مات الله يرحمة