ماجد تقي ،؟!

[غرور 9]

يعطيكم العافيه بنات

اليوم كلمت دكتوري الخايس ولا بكل برود الحقير يقولي هذا شكل خشمج مبدئيا
ورح يفش بنسبة 10 ليما 20 بالمية
اخ يالقهر وربي مت بجي


بنات ابي اسوي عمليه ثانية مابي اعيش بهالخشم الخايس استغفرك ربي واتوب اليك


دقيت ع ماجد تقي ولاتقولي السكرتيرة مارح يستقبل احد عنده عمليات من هالاسبوع ليما 3/3
اخذت قرض اليوم وقلت بسويها عنده بسويها رحنا للرخص ولعبو بحسبتنا لعب حسبي الـلـْ♡ـْْه عليهم عساهم مايربحون دنيا واخرة


الحين سوالي يابنات متئ يصير اسوي عملية ثانية سمعت يقولون بعد ست شهور ،؟!
أنـْْ♡ـْْا توني صارلي اسبوعين ،، وشرايكم بماجد تقي ابيه يشويلي خشم صغنون وشوي مرفوع وضعيف امانة بنات ردو علي ناطرتكم

 

[pocahantis]

امبي اسبوعييين!!! لا حرام عليج حييل تو الناس على هالكلام لازم تصبرين
نطري ٦ اشهر وحكمي على شكله وترا لي سنه وسنتين الخشم يتغير

انا راسلت دكتور لطفي قالي العمليه الثانيه ما اسويها الا لمن يمر على عمليتج الاولى ١٨ شهر .. هذا معناته كل هالمده الخشم ما يكون ماخذ شكله النهائي ويظل في احتمال يتغير

نصيحه لهي روحج بأشياء ثانيه وحطي ببالج انه هذا مو شكه النهائي راح يتغير!

 

[om-s3oodi]

غرووووور
من صججج أنتي ؟؟

آنا لي شهرين ألحين وبعد فيه ورم
تعوذي من الشيطان يا بنت الحلال

سويتيها عند منو أنتي ؟؟!

توّ النااااااس . توّ النااااااس

أقري كل تجارب البنات , و جوفي شكثر تمّت خشومهم وارمة !

 

[مترجمه]

غرور. انا نفسج الفرق اني بينا اسبوع امس كملت ثلاث اسابيع ووارم ورحت للدكتور وصدمني نفس كلام دكتورج لا ودكتورج كريم قالج 20 ٪ انا قال 10٪ ومتفخ والله اهوا اهوا نفس الارنبه ماضعفت ولا شي اللهم من الجنب مبين ارتفع وقاااااااطه 3000 تقريبا ودكتوري لبناني ااااااااااااخ يالقهر بنطر سنه واشوف عند منو اسويها بحاول بايران

 

[Mafnood]

غرور. انا نفسج الفرق اني بينا اسبوع امس كملت ثلاث اسابيع ووارم ورحت للدكتور وصدمني نفس كلام دكتورج لا ودكتورج كريم قالج 20 ٪ انا قال 10٪ ومتفخ والله اهوا اهوا نفس الارنبه ماضعفت ولا شي اللهم من الجنب مبين ارتفع وقاااااااطه 3000 تقريبا ودكتوري لبناني ااااااااااااخ يالقهر بنطر سنه واشوف عند منو اسويها بحاول بايران

اختي مترجمه
ارتفع تقصدين الارنبه ارتفعة
وللا قوام الخشم

 

[دلوول 2006]

الله يكون بعونج حبيبتي
والله حاسه بشعورج

 

[jooosy]

والله انا كنت جذي
نغسيتي اكسسسسسسسسسسسسس
اول خشمي جنه خشم اجانب
امدور واصغير
رحت حق دكتور خالد الصبيح
علا اساس انه مكسور وعوي
قتله بس عدلي العظم
طلعت من العمليات
ولما شفت خشمي عقب
والا امظعفلي خشمي
وجانب غير عن جانب
وبين عوي الحين عدللل
اول ويهي بيبي فيس
الحين تغير لانه خشمي صار طويل
طبعااا هالحجي من 5 اسننين يمكن
بس ترا والله يتغير نطري عليه
وانسيييييييي يسوولج عمليه ثانيه
لاني افتريت عقبها علا دكاتره يعطونج لي سنه جدام

ولاتحاتين انا الحين شوفي من جم سنه لي يومج والله انه خشمي سنه عن شنه يتغير علي طبعااا تغيير بسيط

دشي مواظيعي وشوفي انا شنو كاتبه عن ماجد التقي

 

[caramil]

من الآخر. الخشم مايضبط ويصير نتفه ومرسوم إلا من عمليتين
أكبر دليل المشاهير أغلبهم عمليتين
بس صح كلام البنات. يفش واااايد مع الأيام ويتغير. وينرسم أكثر
بس لا تتوقعين يصير نتفه من أول عمليه
تكيفي معاه طنشيه تشوفينه يوم عن يوم ينرسم و يكش

 

[فيروزه كويتيه]

نانسي عجرم سوت ثلاث عمليات حق خشمها وامل العوضي عمليييييتين ياحسرتي صارر فيناااا هووس تجميل

 

[دلوعه هانم]

ويييييييه االله يعينج بس انصحج لا تستعيلين نطري وحكمي عليه بعد فتره

 

[m!ss sara]

حببيتي والله الشكل يتغير ..


تدرين أمس دكتور خالد زاده شنو قالي قالي خشمج شكل نهائي ياخذ سنتيييين مو سنه بعد سنتين !

قالي كل شهر عن شهر يترتب ويصير احلى مالج شغل شكله الحين رح يتغير ويصير يوم عن يوم احلى

حاسه فيج حاليا .. لان تحسين بسرعه تبين تشوفين النتيجه ..

بس جد جد لازم يكون في صبر كبير لهالعمليه

يارب تحبين خشمج بالاشهر اليايه


وحبيبتي اذا كللللللش كلللللللش بعد سنه ماتقبلتييه

خلاص فكري بالعمليه الثانيه عقبها مو الحين الله يهداج !!


وعساج ماتحتاجينها ان شاء الله خشمج يرتب بالاشهر اليايه

انا مثلا صايرلي 12 يوم خشمي متفوخ ومرفوع والنحت من فوق متفوخ بس الحياااة سعيده هههه

ادري انه كله مؤقت ان شاء الله .. ان شاء الله

بالتوفيق حبيبتي

 

[choclate-_-q8]

تجاربكم ما اطمن ان الواحد يسوي عمليه بالكويت الله يعينكم عاد انا كلش مافيني صبر وابي اشوي الغضروف صارلي تقريبا 3 شهور احن على ريلي بس مو راضي ومتخوف من دكاتره الكويت

 

[غرور 9]

^^ غلطانةة حبيبتي أنـْْ♡ـْْا مسويتها بلبنان مو بالديرةة