ماجستير اقتصاد .. تخصص مطلوب بالجهات الحكوميه وبالمؤسسات والهيئات ؟

[q8ia7]

اخاف اشد حيلي واتعب واكمل على تخصص ما احبه ولا هو من ميولي ولا اصلا احس اني راح اقدر عليه "لأن ميولي وتخصصي من الثنويه وعقب بالجامعه كلها ادبيه" .. وعقب ما اكمل انصدم انه تخصص مو مطلوب ..
مثل مادشيت الجامعه وشديت حيلي ويبت معدل وتخرجت من تخصص علم نفس وطلع تخصص مو مطلوب .. والاماكن اللي يبون فيها تخصصي اماكن مو زينه ومعاشات ضعيفه وماكو تقدير ولا كوادر .. يعني تخصصي ماجنه بكلريوس والدبلوم بأماكن ثانيه احسن منه بوايد

فسؤالي ..

اذا بكمل ماستر اقتصاد .. هل هو تخصص مطلوب .. مو بكلريوس اقتصاد .. ماستر اقتصاد .. لأن فيه فرق ..

ومشكورين

 

[q8ia7]

فوق

بليز

 

[^^ROSE^^]

السلام عليكم ورحمه الله و بركاته
ترى الاقتصاد كلش كلش مو سهل صعب و يبيله مجابل
يا اما تكونين حابته صج وما اعتقد انج داشته محبه لان تقولين اخاف مايعجبني
ولا ماينفع ترى
لو تدشين mba وايد احسن بس يبيلج جيمات 450

 

[frawlah_83]

دام التخصص مو حابته ولا اهو من ميولج فلاتكملين على شي ماتحبينه خصوصا الاقتصاد ترى مو سهل ويبيله مجابل انا عن نفسي ماحبه

انا مع رووز كملي ام بي اي احسن بوايد

وموفقه ان شاء الله واهم شي استخيري

 

[q8ia7]

مشكوووورين وماقصرتو

و اصلا طلع تخصص مو مطلوب ,, دشيت سايت الديوان ولا وزاره "لا سنعه ولا مو سنعه" محد طالب هالتخصص ماستر .. اصلا حتى البكلريوس مو مطلوب

حتى ادارة اعمال ما اقدر عليه لأني رحت الاداريه وسألت عدل وحبطتني ,, روز انتي ساعدتيني قبل فتره ,, انا اللي تخصصي وميولي من الثنويه ادبيه .. وبالجامعه علم نفس .. وانتي رديتي على اسألتي وعطيتيني رقم مدرس وجذي .. بس صج ما اقدر .. الله كريم تعبت نفسيا والله ..

وعلى فكره حتى الهيئات والمؤسسات تنظر للبكلريوس ما تشوف الماستر .. يعني مايفيدني .. الكل يقول اذا بتكملين ماستر وانتي مو ناويه تدرسين لا تكملين لأنه مراح يفيدج "معيده .. استاذه بالتطبيقي او اي شي" ,,

الله كريم الله كريم يهون الجرج الألييم .. فصلت :/
مردي للوزارات الحلوه .. التربية او الشؤون الله يعين ..


مشكوريييين وايد روز وفراوله ماقصرتو

 

[frawlah_83]

شوفي بالعكس تخصص الاقتصاد بكالريوس مطلوب بس ماعليه طلب بالوزارات عندج الي ياخذون تخصص اقتصاد معهد الابحاث صندوق التنميه وتوه الهيئه العامه للاستثمار منزله اعلان وطالبه تخصص اقتصاد حق بعض وظايفها بالاضافه الي الخاص

شوفي في حل ثاني انج تشتغلين في بنوك في الافرع كتلر او خدمه عملاء مالهم شغل باللتخصص لانه بالنهايه راح يعطونج دوره تعلمج على شغل التلر انا يوم بالبنك وايد اشوف ناس تشتغل تلر وتخصصاتهم متنوعه الي علم نفس والي علوم سياسيه وهم في مهندسين وانجليزي واداب

او كملي ماستر على نفس تخصصج وصيري معيده او استاذه بالتطبيقي
*

 

[vogue grl]

بلعكس الاقتصاد حلو وتصيرين محلله اقتصاديه وصفاء الهاشم دارسه اقتصاد
واساس اقتصاد مولاي احد يدرسه يبيله احد فاهم فيه"
اذ انتي تحسين مومن ميولج لا تدرسينه