ماحب ريلي شسوي

[كويتيه قطوه]

السلام عليكم



بنات انا مشكلتي انه اول ما انخطبت كنت اشوف ريلي مملوح بعيني بس بعد الملجه كرهته مادري ليشش كرهته حيييييل
وقلت حق اهلى ماابييه وكنت كله ابجي هالحجي بعد الملجه اب 6 شهور انا ملجتي سنه ونص احنا بدو وجذي ملجتنا
بعد 6 شهور ابجي ماابيه واطخ والحين بنات مابقي على عرسي شي مو قادره اتخيل اني بتزوج اقول اخخ لو ارد سنه لي ورا والله مااتزوج اقدر عزوبيه احسن خاايفه من الزواج محد يمدحه كل ما سألت وحده تقول الزواج وييع ومشاكل وانا الي ماخذته بدوي حييل انا بدويه بس متحضره ومادري شلون عيشتهم اخاف اروح انصدم انهم غيرر بوايد
تكفون نصحوني في وحده قبل عرسها كانت تبجي ما تبي تتزوج وبعد العرس استانست
او وحده قبل العرس كانت تشوف ريلها جيكر وبعد العرس حبته حب مو طبيعي
لانه جد ابي احبه حييل بس شسوي
انتو خواتي ومالي غيركم
ساعدو اختكم لصغيره

 

[ماني من الناس]

شلون يعني تشوفينه جيكر,,,,,,,,ولا مقبول
يعني اهو تشوفينه شكلا مريح للنفسيه ولا تحسين بنفور,,,,,,

 

[trakmia]

حبيبتي استهدي بالله هاذي عين ذكري ربج وادعي وتحصني وكثري استغفار والله يهديج يارب

 

[afesa]

اول شي شيلي هلافكار السلبيه من بالك ..وثاني شي لا تسالين اي احد عن الزواج ومو ضروري يمدحون لان كل واحد بيتكلم من وجهه نظر شخصيه..وبعدين انتي ما ذكرتي ليش كرهتيه وشالسبب واعتقد ماكو سبب ومافيه داعي تفكرين بالسلبيات من اول شي..انسي هالكلام كله واقنعي نفسسك انك تحبينه وفعلا الحب راح ايي مع العشره والموده ..وسالفه بدوي وحضري مالها اساس انتي مع ريلك ضبطوا اموركم باللي يناسبكم...
الزواج مسؤوليه وتعب وهذي سنه الحياه بس ما يمنع انك تستانسين وتعيشين حياتك وتحبين ريلك والله يوفقك انشالله وانصحك خلاص لاتسالين اي احد وتقبلي ريلك مثل ما هو وموفقه

 

[afesa]

اول شي شيلي هلافكار السلبيه من بالك ..وثاني شي لا تسالين اي احد عن الزواج ومو ضروري يمدحون لان كل واحد بيتكلم من وجهه نظر شخصيه..وبعدين انتي ما ذكرتي ليش كرهتيه وشالسبب واعتقد ماكو سبب ومافيه داعي تفكرين بالسلبيات من اول شي..انسي هالكلام كله واقنعي نفسسك انك تحبينه وفعلا الحب راح ايي مع العشره والموده ..وسالفه بدوي وحضري مالها اساس انتي مع ريلك ضبطوا اموركم باللي يناسبكم...
الزواج مسؤوليه وتعب وهذي سنه الحياه بس ما يمنع انك تستانسين وتعيشين حياتك وتحبين ريلك والله يوفقك انشالله وانصحك خلاص لاتسالين اي احد وتقبلي ريلك مثل ما هو وموفقه

 

[شمس 20]

محد خرب عليج غير هالبنات وحجيهم
يقولوج كله مشاكل ولوعة جبد طيب ليش تزوجوا
خليهم يتطلقون وينحاشون
قطيعه تقطعهم
مالج شغل
مخاوف بسيطه بس وبعدين تعدي
سمي بالرحمن واقري قرااان وصلي الليل
وخلي حجي هالبنات المايقات عنج ووخري عنهم

والله يوفقج حبيبتي :eh_s(21):​

 

[ماني من الناس]

اوك مارديتي عليي ,,,,,,,,,,,,

انزين انا اقولج اذا على سوالف الزواج الزواج شي لابد منه يعني عشان العاطفه والحنان والبطيخ

اذا على سالفه الشكل يتصلح حاله قولي شلون الواحد اذا لبس لبس مرتب وحلو حتى لو اهو عادي بشكله يطلع واو يعني الكشخه تطغى على الشكل بالنسبه للرجاجيل

بالنسبه لشخصيته ماكو احد كامل كل من عنده اشيا حلوه وايد واشيا بسيطه تخرب شوي بس احنه نشوف اهم شي انه طيوب وحليو بالتعامل والباقي اللي مو زين نقطه ورا ظهورنا عشان الحياه تكمل ببساطه ,,,,,,,

 

[Tom ♥ Jerry]

رد : ماحب ريلي شسوي

.


انا قبل عرسي كنت ابجي .. و مآبي اتزوج و كنت هبله لوول
صدقيني بعد سنه سنتين لمآ تتزوجينه بتظحكين على نفسج ..
و رآح تتذكرين نفسج و آنتي تبجين و تقولين صج كآن مآ عندي سالفه : )


آدعي ربج يريحج و الريال ان شاء الله مآفيه الا كل خير :eh_s(22):

 

[^noonaa^]

عادي حبيبتي لانج خايفه ومتوتره وراح تدخلين بحياه يديه عشان جذي اييلج هالشعور بس بعدين راح تتذكرين كلامج وتضحكين علي نفسج

ودايما اقري علي نفسج

 

[برياني لحم]

رد : ماحب ريلي شسوي

راح يتغير كل شي بعد العرس
راح تحبينه ويصير عادي لا تشيلين هم
والله يوفقج ويسعدج ان شاء الله

 

[باااربي]

الله يوفقج ويتمم عليج ...وانشالله يكون ريلج خوش واحد يخاف الله فيج

 

[احساس شفه]

رد : ماحب ريلي شسوي

خليج على سورة البقره

واستهدي بالله حبيبتي

هذي ردة فعل طبيعيه


الله يوفقج ويسخر لج اللي تبينه ويهنيج ويسعدج يااااااااااااااااارب

 

[ام شووووق]

رد : ماحب ريلي شسوي

اقري سورة البقرة

 

[درة أهل الطولات]

رد : ماحب ريلي شسوي

حبيبتي الزواج مو لعبــة شنو كان مملوح والحين مو عاجبني

وتهقين كل المتزوجات ازواجهم مزايين

حبيبتي الزواج تكوين اسرة دام اخلاقه زينه وشكله مقبول ليش مسوتها سالفة ؟؟

شنو راح تستفيدين من المزيون اللي اخلاقه زبالة ؟؟


راح تصورين معاه ؟؟


حلو لما تسمعين لقب مطلقة وعلى سبب تافهه بعد

انا اقول

تعوذي من الشيطان ولا تبيعين ريال شاريج

مو ذنبه انه كان عاجبج والحين عقب الملجة مو عاجبج


مو ذنبة يعيش تجربة فاشلة بسبب دلعج

الله يوفقكم يارب

 

[lolo~]

رد : ماحب ريلي شسوي

انتي لاتسالين البنات المعقدات والي عندها مشاكل مع زوجها ولا الي مطلقه ولا ولا ولا
اسالي وحده سعيده بحياتها وراح تقولك الزواج حلو
انتي بيدك تخلينه حلو او تخلينه شين
لاتفكرين في السلبيات خليك ايجابيه وفكري في الاشياء الحلوه وراح تستانسييييين

وموفقه ان شاءلله

 

[*غنج*]

ألحين أهم شي بالزواج الشكلللللللل!!
شي عجيب الصراحة!!
وين الأخلاق والالتزام والاحترام!!؟؟

 

[sweet fashion]

الصراحه انتي غريبه يوم انج خايفه من الزواج ومسؤليته ليش تزوجتي يوم انه على قولج جيكر وصار عقب مو مملوح بنظرج ليش وافقتي بالاساس ولا بس علشان تذلين الرجال وتعيشينه تجربه مره بفشله بزواجه وانتي تكونين مطلقه
واحب اقولج شي لقب مطلقه بعد الملجه راح يأثر عليج وعلى اهلج وممكن تجي لج مشاكل من وراها هذا غير ان ممكن ماتحصلين رجال يتزوجج عقب ممكن بعد تندمين وتقولين ليتني ماتطلقت

ونصيحه الرجال مو بشكله الرجال بأخلاقه وجيبه دام توفرت فيه هالصفات احمدي ربج ليل ونهار اعرف بنات خذوا مزايين واخلاق زفت ومغازل ووحالته حاله
وحلو انج انتي تكونين اجمل منه مو اهو يكون جميل شنو اهو بنيه لا حبيبتي الرجال اهم شي فيه رجولته مو شكله
وانتي تقولين انه اهو بدوي وانتي بدويه متحضره ترا حبيبتي ماكو فرق بين بدوي وبدوي متحضر كلنا بدوي وماتدرين لو هالبدوي هو اللى بعيشج عيشه افضل من عيشتج عند اهلج

استهدي بالله ولاتخلين صلاتج واقري الاذكار وانسي هالافكار والحب يجي بعد الزواج اخذيها قاعده
وونطرج عقب شهر من زواجج بتذكرينا بهالشي
الله يهديج ان شاءالله

 

[شــغــب]

الزين مو كل شيّ

 

[ديانا سبنسر]

ارقي نفسج يمكن عين ويمكن مخاوف بعد الزواج تخف اوبمعنى اصح تتلاشى

 

[اجمل الحزن]

رد : ماحب ريلي شسوي

كتبت لج رد شطوله وانمسح
شوفي حبيبتي ادري الحين تشوفين ردود البنات وتقولين مو حاسين فيني تصدقين لو اني اشوف مشكلتج قبل جم سنه جان قلت لج ما عندج سالفة بس بعد ما مريت بنفس موقفج ادري شكثر انتي ضايعه ومحتاره ومتحسفه بعد
بس حبيبتي تطمني بعد العشره وسبحان الله من تتيمعون الله يحط بينكم ألفة ومودة راح تحبينه
عمرة الجمال ما كان مقياس خصوصا للريال بتشوفينه حلو بافعاله وحبه واحترامه لج

تصدقين انا وافقت على ريلي باقتناع تام بس كنت اقعد ثاني يوم ابجي اقول مابيه مو عاجبني يقولون لي انتي دلوعه !!
بس ظليت على هالحال فتره مسكين حبيبي يننته عيشته فترة ملجة تعيسه بس عقب حبيته اذا حبيتيه بتشوفينه ملك جمال بعد !
بس انتي فتحي قلبج لحبه وقولي احبه وهذا ريلي اللي اختارني من بين كل البنات

وبعدين شي حلو انج احلى من ريلج انا ريلي مملوح مو ذاك الجمال بس كله يقول لي انا مستانس انج وافقتي علي
وانا متشققه طبعا لان اي شي البسه عنده حلو واي شي اسويه يقول لي لايق عليج

هالسوالف كلها بتصير تافهه انا كنت اشوفه جيكر بعد بس عقب عرسي ياويله اللي يقول عنه جيكر ههههه
صدقيني كلها اوهام ووساوس ما قبل العرس استانسي وادعي الله يبعد عنكم العين ويوفقكم ولا تخربين حياة الريال اهوا متوقع وحده تدلعه بليز حطيه بعيونج كافي شاريج ترى والله ماكو احلى من ريال شاريج الله يوفقكم يارب