مادري اذا الموضوع يسوى او اناكبرته عطوني رايكم

[غارقة بأحزانها]

السلام عليكم

بنات انا زوجي تغير معاي من ناحية العلاقة الشرعية وصار مقل فيها
يعني كل اسبوع او عشر ايام مرة

والمشكلة أني اشك فيه بس انا قاعدة اتعوذ من إبليس وأحاول أني أشيل هالافكار من راسي

المهم اللي صار من جم يوم ان زوجي تحرش فيني وانا نايمة وسوري يعني قعد يسوي حركات ماتفهمين منها
الا ان يبي حقه

اخر شي قالي قومي عطيني ماي ونام
انا صراحة عصبت وعطيته ظهري وهو يقولي ليش يعني
قتله حركتهم كلش مو حلوة خو قول روحي يبي ماي وخلاص

وبعدين كبرت السالفة برأسي ان شلون هذا جذي وليمتى هالحال
وانا حيوانا ولا ماعندي إحساس ليش مايحترم مشاعري
شلت قشي ورحت نمت بالصاله
وهذا انا صارلي 3 ايام بالصاله واهو مو معبرني
مع أني عاتبته بمسج وقلت يمكن مو فاهم ليش انا زعلت
بس عمك اصمخ

شرايكم ؟

 

[غارقة بأحزانها]

حركتهم = حركتك

 

[مستحيل اخونك]

هلا حبيبتي الله يعينك بس بسئلك في ايش شاكه فيه من اي ناحيه

وتانيا شوفي فهميه بلبدايه من ناحيت لبس وحركات جديده الي عند التاجرات

اذا ما نفع معاه صارحيه وقوليله بالي بخاطرك واذا ما نفع

كمان لاعاد تعطيه وجه من هذي الناحيه

ولا عاد تكونين تفكرين فيه واجد
والله ثم والله ثم والله ان يرجعلك

وتشوفين

والله يحنن قلوبكم عل بعض​

 

[samyah a.o]

مادري والله انتي ادرى بوضعك...ومن متى صايره ملا حظه قلت علاقته اذا كانت تعتبر قله
لأن فيه بعض الناس كذا نظامهم وبعض الناس لا تحسين فيه شي غريييب
يعني فيها شي لو صارحتيه حتى لو بمزحه انو يافلان وراك مو معبرنا لك ايام ليش معد اعجبك مثل اول ولاا معد تشتاق لي وش السالفه؟؟
وشوفي ردة فعله
او قولي ليش تتحرش يني ذاك اليوم ويوم رغبتني قلت جيبي ماي ونمت وخليتني؟؟
احسك كنت تفكر بنفسك بس وش السالفه؟؟
والله يسرها ويصلح بينكم

 

[om-7amod]

نصيحه. لك. مهما صار غرفة نومك لاتتركينها. ابدددددددددد

الحين الرجعة شوي بتكون صعبه. بعد ثلاثه ايام. وكل ماطول المده كلما تصعب الرده


ارجعي لغرفتك. واصبري. يمكن يمر بضروف او عنده شي متعبه. ماتدرين. وش بخاطره.


لاتكبرين السالفة. صغريها. يختي. وبتصغر.

 

[غارقة بأحزانها]

مستحيل أخونك الشك أكيد ان في مرآة بالموضوع
باي شكل من الأشكال وهو مجرد شك ومو ناوية ادور وراه صراحة

 

[غارقة بأحزانها]

مستحيل أخونك الشك أكيد ان في مرآة بالموضوع
باي شكل من الأشكال وهو مجرد شك ومو ناوية ادور وراه صراحة

 

[om-3azo-83z]

^^^
كلامها صح 100% هذا اللي كنت بقوله خاصه النصيحه
تسلم ايدج عالرد الحلو

 

[sosowaty]

الله يسخرة لج

 

[غارقة بأحزانها]

والله ياسامية الموضوع صارله كم شهر ان متغير
وانا صراحة قاعدة اتجاهله ومو قاعدة اطلب منه شي لان كم مرة دقرني

بس اللي ضايقني ان حركته حيل بايخة يبي يذلني ولا شنو
ولما شافني زعلانة ليش تجاهلني ؟؟

 

[samyah a.o]

لا لا تفكرين انه يبي يذلك ابدااااا
بس ترى تصير معااااي والله يكون تعبان من الدوام ننشغل بولدنا يعني لا تكبرينه انتي صارحيه والله مافيه مثل المصارحه صراحه
لا تخلين روتين الحياه يقتل ما بينكم وصارحيه بكل شي بلحظتها لا تشيلين بخاطرك ابدااا
لأن الصغااااائر تتجمع وتصييييير كبااااااائر

 

[غارقة بأحزانها]

زين عيل لما قلتله هالكلام ليش مابررلي موقفه
ليش لما زعلت مااهتم
ليش اهو الحين اللي مسوي نفسه زعلان

 

[samyah a.o]

يمكن فيه شي بخاطره زعلان من شي
أسأليه قولي أنا مسويتلك شي وانا موحاسه اسألك وتحقرني
مره كااااانت حماتي قاعده معاي ودق عليها زوجها وهو عارف انها قاعده معااااااي سألها عن شغله ردة عليه الح وهي مو مقتنعه قالت فلان ما اقدر اسويها بنفخه وهي ما تقصد سكررر
جتني بعد فتره قالت تذكرين يوم كان يكلمني زوجي عندك وقلتله كذاااا ترى السالفه تاااافهه وانا الحين ما أذكرها بالضبط قلت ايه قالت تخيلي جلس فتره ما يكلمني ويرد علي من ورى خشمه زعلت عليه وطنشني اياااام تقول مسكته قلت فلان وش فيك انت زعلان علي شي قال تذكرين لما كنتي جالسه مع ساميه وتنفخين علي قدامها يعني وش تحسين فيه ؟؟
هي إنصدمت قالت يمه اثرك تشيل بقلبك والله ما كان قصدي وترى انا ما نفخت بس الحاحك نرفزني وضحكت اخر شي وانت قفلت
قال خلاص نسيت الموضوع الحين بس لعد تكررينهاااا
انا لما قالتلي قلت يمه منه كييييف شايل بقلبه سالفه تافهه مثل كذا بس يمكن حسها قويه عشانها كانت قدامي
حبيت اذكر لك هالسالفه عشان تفكرين وتشوفين يمكن يطلع السبب تافه
والله يصلح بينكم

 

[! بــدويه وآآيــد !]

،


مادري الي زعلج لان تحرش فيج وانتي نايمه !! والا جيبي لي ماي هذي الاغلب يسويها نادرا ماواحد يهز طويله ويتلحلح ويجيب حق روحه ، وترى يمكن نفس لان ماتجاوبتي معاه
ترى بعضهم يحبون جذي وبعضهم يطلبون من زوجاتهم تحرشي فيني وانا نايم جان تجاوبتي معاه ؟؟ يمكن عباله انج نفرتي منه !!
وسالفة نوومتج بالصاااله ترى حيل حيل حيل غلـط شكو تنامين بالصاله ؟ ديري بالج تعيدين هالسالفه حبيبتي

وسالفة الشك وماتبين تنبشين نفس الي احس فيه واتعوذ من ابليس
تعوذي من ابليس وتأكدي اذا فيها خيره لج ربج بيكشف لج وانتي قاعده مكانج

الرجال وربي مو كفـوو لاتحرين عمرج واذا حسيتي ان غريزتج اشتغلت وانج تبينه يقرب خلج مثله اخذي الي تبينه تحرشي وردي نفسي عليه

 

[Beyoncee]

حبيبتي لا تكبرينها وتتحسسين زياده كلهم هذا طبع فيهم
ونومتج بالصاله غلط
انتي تحرشي فيه وتالي. صارحيه ليش جذي يعني معاتب بحب ودلع
وترى اهم يعرفون اذا انتي نفسيه والا ما لج خلق وتأثر فيهم وتجرحهم
غيري من طباعج شوي خلج مرنه ومسايسه والله يريح قلبج

 

[kndora]

طنشيه

وردي دارج ولا تعبرينه حسسيه ان وجوده مثل عدمه

ومرده لج

 

[شادن33]

انني بعد ما استغليتي السالفه جان يبتي الماي وتلصقتي فيه اهو يبي جذي
عيل امقومج من النوم علشان قلاص ماي لاء يبيج اتحرشين فيه واضحه خليج ذكيه مره ثانيه
وسالفه في وحده ثانيه الافضل شيليها من بالج لان بتاثر ع تصرفاتج معاه ويزيد البعد

 

[شادن33]

وصح لاتطلعين من دارج كلش يتعود
يحليلها امي تقول لنا اذا تزاعلتوا لا تنامون بعاد عن بعض لان فيها فرصه للتصالح عن طريق الشسمونه يعني لا تعطينه فرصه
لصقى بسريرج لا تودرينه

 

[انثى عاشقة]

،


مادري الي زعلج لان تحرش فيج وانتي نايمه !! والا جيبي لي ماي هذي الاغلب يسويها نادرا ماواحد يهز طويله ويتلحلح ويجيب حق روحه ، وترى يمكن نفس لان ماتجاوبتي معاه
ترى بعضهم يحبون جذي وبعضهم يطلبون من زوجاتهم تحرشي فيني وانا نايم جان تجاوبتي معاه ؟؟ يمكن عباله انج نفرتي منه !!
وسالفة نوومتج بالصاااله ترى حيل حيل حيل غلـط شكو تنامين بالصاله ؟ ديري بالج تعيدين هالسالفه حبيبتي

وسالفة الشك وماتبين تنبشين نفس الي احس فيه واتعوذ من ابليس
تعوذي من ابليس وتأكدي اذا فيها خيره لج ربج بيكشف لج وانتي قاعده مكانج

الرجال وربي مو كفـوو لاتحرين عمرج واذا حسيتي ان غريزتج اشتغلت وانج تبينه يقرب خلج مثله اخذي الي تبينه تحرشي وردي نفسي عليه

معاها قالت كل الي بقلبي :eh_s(7):​

 

[شامبو]

ردي غرفتج