مادري اللي سويته صح ولا غلط فهموني يا عالم ....

[غزلان الجود]

السلام عليكم ورحمة الله وبركاته ...

طبعا النك نيم مشترك وهو لخالتي ...

مادري احس حركتي سخيفه بالمره ...

انا واختي كنا في عرس لناس نعرفهم يعني ...

ولما كنا نضبط الميك اب انا وختي الا وحده تبي تاخذ منا الرقم ...وقعدت تقول قصه حياتها وانها تبي لولدها بنت ومادري ايش ..وظلت تحن علينا ..اول سألت اذا الوالده هنا قلتلها اي وعلى انها بتروح معنا ...بس دخلت وحده وما قدرت تتكلم حيل ويانا ..واحنا بس كنا معاها ...وابتدت اهيا عطت اول رقمين ...يعني كملوا ..وظلت مصره وعطيتها الها ...رحت قلت لامي ...قعدت تصرخ علي شلون تعطينها الرقم ...يعني المفروض اخليها تجي تكلم امي ...وتقول كيف تعطينها الرقم شتقول كانها ما صدقت على الله

وانا من هالموقف وانا متضايقه ...حتى في العرس صرت كئيبه ...

انا مو ميته عليها شدخلني فيها ...بس مادري حركتي عدله ولا لا ...احس اني صرت مثل الغبيه ...

اتمنى تردون علي وتفهموني هل اللي سويته عدل ولا لا بنظركم ...:eh_s(2):

 

[غــــزل]

ياااحيـــاتيى ماصار شي بالعكــــــس مايستاهل الموضوع علشان تضيقين خلقج احسه عااادي ومافيها شي لوعطيتها.....ولايضيق خلقج عادي....

عاد تدرين انا لاسالوني وقالوا نبي رقم امج وهالناس ماعجبوني اعطيهم رقم مطعمنا الهندي لوووووووووووووووووووووووووووووووول ​

 

[غزلان الجود]

هههههههههههههههههههههههه حلوه مطعم هندي ..

فديتج والله ...بس مو عن شي ...امي حسستني اني اللي سويته عيب وغلط ...

وحتى انا اشوفها من وجهة نظري انه عيب انا اللي اعطيها الرقم ...بس حنت علي استغفر الله ودها تسطرني الا تبي الرقم خفت منها الحمدللله والشكر ...


تسلمين حبيبتي عالرد

 

[Kocheko]

صح اتصادفين ناس جذى وايد
بقولج لو اتصلت لج قولى لها لحظه بخليج تكلمين امى انا مالى كلمه فى هالمواضيع وفكى عمرج وخلى الوالده تتصرف حبوبه
مره صار لى هالموقف وبعد امى عصبت عليى ... بس صج وحده غريبه واول مره تكلمينها وتحن تبى رقمج شى ينخاف منه

 

[ميما الاموره]

[الي صار صار
ماتزعلي ما صار شي كبير
والي عملتيه عادي احرجتك المره مو بايدك
][/center]

 

[غزلان الجود]

كوجيكو <<مدري اذا كذا النيم ولا لا ...

لا انا ما عطيتها رقمي ويه لا ....عطيتها رقم البيت اصلا ...بس مادري احس اني متفشله من الموقف ...ومادري اذا هو عادي ولا لا ...
تسلمين قلبو على مرورك

ميما الاموره ..

كلامك صحيح ...بس انا ابغى اعرف تصرفي صحيح ولا عيب ..تسلمين على المرور دلبو

 

[ام متلق]

والله انا اشوف الموقف عاااااااادي انا صارلي فتره ادور لخوي بنيه وكل ماشفت وحده عجبتني اروح اكلمها واخذ منها رقم امها او اختها الكبيره او بيتهم وتعطيني اياه عادي وين اروح ادور امها بالزحمه والحوسه اخذ الرقم من البنيه نفسها واكلم امها عادي

 

[! هُوْ وِينِه !]

عاد تدرين انا لاسالوني وقالوا نبي رقم امج وهالناس ماعجبوني اعطيهم رقم مطعمنا الهندي لوووووووووووووووووووووووووووووووول

صآرت معآي بس آعطيهم رقم سآيقنآ
لوووووووووووووووووول
عآدي بس آنتي مكدرة خآطرج عشآن سآلفة سخيفة
طنشي

 

[<ام تركي>]

الله يكتب الي فيه الخير يمكن يكون ولدها من نصيبج
وتذكرين الموقف وتضحكين عليه عادي ما سويتي شي غلط

 

[FeShinGoOo]

امج قصدها ان من الذوق ياخذون الرقم من الام لانه البنت المفروض تكون مستحيه ومايبون طاري جدامها الا بعد مايتم الموضوع بس صار الي صار وانتي كنتي مرتبكه وعلى قولتج كان زحمه والمره دشت فبلعومج شتسوين بعد ^_^ يالله حق المره اليايه

 

[حبيبتي إختي]

خلاص حبيبتي السالفة عدت وخلاص ماله داعي تكدرين عمرج .. وانتي ما غلطتي ولا شي الحجية انشبت لج وانتي بغيتي الفكه ودام انج معطيتها تلفون البيت خلاص مافي مشكلة .. بس هي الوالدة حبت تحافظ على برستيجج قدام العالم لانه الاصول دام انها موجودة انه المرة تيجي وتكلمها او تتعرف عليها اذا هي فعلا تبي تناسبكم وماله داعي تنشب لج .. وتعرفين سوالف الحريم وكثرة حجيهم والوالدة ما تبيج تتعرضين لاي موقف محرج بسبب هالمرة او غيرها.

 

[Tom ♥ Jerry]

.

حياتي انتي تصرفتي بالنيه !
لا تحآتين ان شاء الله مآكو الا كل خير
و هاذا درس لج لا تعطين اي أحد رقمج !

 

[mf6nt el3lat]

بعد شنو اهيا حنت عليج lol

ثاني مره سوي نفس الأخوات الكريماااات :
غزل + هو وينه


Looooooooooooooooool
عطيهم رقم السائق البقالة اي شي lol

 

[روانتي 12]

لا حبيبتي عادي ماكو الا الخير

شؤؤفي انا لو مكانج كان قلت لهم ماعندي جوال و اذا قالوا انج عندهااا راح اقؤؤل محد عنده الا ابووي

اضحك عليهم او اقؤؤل ما اعرف شدراااني او عطيهم اي رقم يخطر ببالج هههههههآآآي

 

[غزلان الجود]

مشكورين حبايبي على ردودكم يعطيكم العافيه ....فديتككم

بس هي كانت تبي تكلم امي ...بس بعدها انحرجت لانها وحده دخلت غرفة تعديل المكياج وحسيت ماله داعي انها تنحرج حتى صارت تهمس هاه تعطوني الرقم ...بس حسيتها مو جديه يعني .... واتحسفت اني عطيتها الرقم ...والموقف بجد يعني مررره غبي

بس هي مو حجيه يعني عادي وحده نهايه الاربعين ...

اففف بس والله الموقف مدري شلون ...<<<مصختها بزياده

 

[xprincessx]

لا يضيق خلقج حياتي
لانه ردة فعلج عفوية و اللي صار صار

 

[nono93]

امممممممممممممممممممممممممممم

شوفي الموقف نص ونص

ماادري

من حق امج انها تصرررررررررررررررررررررررررررررررررررررررخ



بس لاتضايقين عمرررررررررررررررررررررررررررررررررررج

عااددي النااااس يمروون بمواقف

 

[فرقى ولايف ..]

الموضوع بسيط قولي لأمج آسفة ما أعيدها ، وإذا دقّت وما اعجبت أمج بتردها !

 

[مس كادي]

عادي
بسسسسسسس
الافضل قوليلها كلمي امي
علشان تبينين انج مستحيه
الحيا زين

 

[cat-girlq8]

حبيبتي لا تتضايقين ولا شي
خلج طبيعيه لانه الوضع حده عادي وطبيعي بس امهاتنا الله يهديهم يكبرون السالفه ساعات
انتي تصرفتي بحسن النيه
والله يكتب مافيه الخير والصالح
بس ها عزمينا بعرسج اذا صارلج نصيب من بعد هالموقف