مادري انا بديت احب ولاكيف

[كسرة العود]

السلام عليكم حلوات:eh_s(17):
مادري شفييني دايم أهااش صديقاتي اذا جو قالوا نحب او مثلا دخلنا بمواضيع الزواج انو خلاص خل نفكر بالدراسه نضمن مستقبلنا اول
إحنا قروب حوالي 12 بنت وكلنا شططار الحمدلله*

في صديقه اصلا أهي معي بالمدرسه اعرفها من حوالي 8 سنين بس مو معي نفس الكليه وتحبني ومتعلقه فيني وكله تقول امي تحبج امي تمدحجج يعني انا سكتت طيب وشنو اللي صار قبل تقريبا كم شهر*
طلعت معها جان تقول امي تبي تخطبجج حق اخوي وتمدححه ومنصصصبه عالي*
وكل الصفات الزينه فيه لكن مطلق وبينت لي الاسباب انا صرفت الموضوع* انصدمت
بس بقى ببالي وتعلقت فيه رحت قلت حق اخواتي وانبسطتوا اللي صصصار انه عقب هالكلام سحبوا سحبه علي وانا اللي بنيت أحلامي وأخيلته زوجي*
صرت بلحظه انقلبت من اللي اههااوش صديقاتي اذا جابو طاري عرس الى شي ثاني خخخخ

أكاببر والى الان ساكته دايم اخته تحط صوره يهبببببببل*
بنات تدرون انا ماعمري بحياتي كلمت صبي ومنقبه وكل شي اقوله حق خواتييي
كثرت طلعاتي مع صديقتي بس مانجيب طااااري واليوم قاع تقولي يوم فتحت الموضوع جبته بطريقة مزحه اكتشفت من كلامها ان اصلا أبوها مايححب عاييلتنا ويكرهم وحسسيت كل موضوع الخطبه مزححه انا هني حيل تضايقت*

وثلاث ارباع شلتيي ملجوا ونص عائلتها اللي اصغر مني انخطبوا وانا ماامدح نفسي مملوححه
الحين انا بثاني جامعه والحمدلله متيسره أموري مابي هالششي ياخذ تفكيري اخاف ينزل مستواي الدراسي بسبب هالسالفه لان انا خلاص عبالي اول مااتخرج
بتزووجه فهمتوا احس اني مااتخيلني لغيره
*

والله يشهد كل هالحجي ماقلته لاحد بس حق اختي ولاعمري كلمت الصبي ولاحتى شفته الا بالصور مدري شنو هالشعور *انا ضميري شوي نشط على قولة اختي احس مجرد تفكيري بواحد مو محرم لي خيانه لاهلي حرام ابوي مدلعني وكل شي ابيه يجيبه لي اخرتها افكر جذي

يمكن خيره وربي كاتب لي مستقبل حلو بعد مااتخرج*
وانا توني داششه بالعشرين تكفون بنات واسوني هاوشوني على هالشعور*
صرت اقرأ سورة البقرة واستغفر حتى بالحج دعيت انه اذا في خير اتززوجه*
بس مادري هم سحبوا علي او ينططرون لما اتخرج او يرجع أهوو من السفر او انا اللي مككبره الموضوع او شنو بالضبط*

حلمت حلم اني تزوجته واهو يحبني انا اقهههههر ودي تضربني شنو فيني *

 

[Tom ♥ Jerry]

.


اهم شي كلموج عن ريال و بنيتي احلامج عليه !!
حبيبتي هاذا يمكن لانه اول واحد اييج
فـ اول مره تفكرين بالفكره و اخته ما قصرت من ناحيه المدح

نصيبج بتاخذينه شيلي الموضوع من بالج
فكري بدراستج وايد احسن

:$

 

[لمى الهاجري]

الي الله كاتبه بيصير خلج على نظام الاستغفار

 

[روانتي 12]

وعليكم سلام . .

عادي ممكن يكون أعجاب بس مو حُب . . وإللي كاتبه ربج بيصير . . لاتفكرين وايد يمكن مايكون من نصيبج و تروحين فيها وتتعبين .

 

[غراوي]

مشكله احنا يا البنات فارس احلامنا لاعب لعب فينا حتي بالخيال

الايام بتنسيج هالهاجوس
واحمدي ربج انتي توج بالعشرين وللحينج تدرسين
شوفي حالنا وصلنا ال ٣٠ والحمدلله درسنا وتوظفنا وطلعت جبودنا من الدوام ومازلنا علي نفس السالفه ننطر فارس الاحلام
قمنا الحين نتنازل مانبي فارس الاحلام نبي( الهيس الاربد )مو مشكله <-------لا اتغشمر .....نبي الستر مع الرجال الصالح والله

 

[مُخملْ]

حَبيبيتي ، لاتحصرينْ حَياتج وتكرسينها بإنتظار الزواجْ
الزواج مب كل شي فهالدنياْ ، تقدرين تحققين كل شي تتمنينه
طموحجْ / دراستجْ / إنجازاتجْ .. ماوقفَت الدنيا على أنْ كل رفيجاتج
تزوجوا وأنتي لا ، أنتي للحين صغيرة لاتشغلين نفسِج بهالشي

تأكدي إذا هالريال من نصيبج بتاخذينه ، كل شي مقدّر ومكتوبْ
لِج وكل شي نِصيب .. اصبري بس وربّجْ بيجدّم اللي فيه الخِيرْ.
يمكن هي كلمتج تبغي تشوف ردة فعلج ولينْ تتخرجين أويرجع
هو من السفرْ يخطِبجْ .

لاتضيعين دراستِجْ ومُستقبّلجْ ، إذا هو نصيبجْ بتاخذينه وبيي لين
عِندجْ ، بسْ أحسني الظنْ بربّج .


ربي يفتحها عليج ويسهل أمرج وييسرهْ ويرزقجْ باللي تتمنينه

 

[حلوه بس هبله]

حبيبتي الي فيج مجرد تفكير لانه زي ماقلتي ماعمرج كلمتي صبي واول شخص يقولون لج عنه
كلنا مرينا بهالحاله اول خطيب نقعد نفكر ونبني اخلام وبالنهايه يطلع النصيب مع شخص ثاني ربي كاتبه لنا
وبالنسبه للعنوان انج حبيتيه ولالا ! انا اقولج لا لان الي فيج مجرد احاسيس انثى او فرحه وكل بنت مثلج بتفكر لمن ينهد حيلها بالتفكير
وبالنسبه انهم سحبو عليج والله هم الخسرانين ياعمري ماعليج منهم ربي يبيلج الشي الزين وعلى قولتج ان ابوه مايحب عايلتكم شهالغرور ذا ؟!!!
وهي جذي تقولج ؟ حتى لو بطريقه مش مباشره بس غلط تقولج هالشي !!!
بس خليج معاها لو صج تحبينها وانسي موضوع اخوها وكلما فتحت معاج موضوع الزواج غيري الموضوع وصدي الموضوع باي شي
عشان ماتقول ذي ميته على اخوي وطول جلستكم تتكلم عنه
انتي ادرى بحركات البنات

بس ماعليج من شي العمر جدامج طويل والخطاطيب جايه لج ان شاء الله لا تفكرين حبيبتي

موفقه فديتج

 

[روح مرحه]

وعليكم السلام..
عادي اللي يصير لج حبيبتي اعرف وايد بنات جذيه...
اولا انتي عندج مشاعر مكبوته لفارس احلامج بسسس..<<يعني تبينه بالحلال
والبنت لما كلمتج عن اخوها...فكرتي ان هذا الشخص راح يصير زوجج واطلقتي كل مشاعرج المكبوته
يعني انتي ماغلطتي بالعكس وهذي ماتعتبر خيانه ولاشي بس الشي الوحيد اللي غلطي فيه تسرعتي بمشاعرج تجاهه
راح تنسينه بسرعه ولا جنه كان يعني لج اي شي اصلا..<<خصوصا لما اييج فارس احلامج الصجي واللي راح يكون ريلج رسمي..
ربي يوفقج ويسعدج واذا لج نصيب فهالشخص راح تاحذينه ان شاء الله..

 

[* ليــــدي *]

لآتفكرين بشي ..
اذآ من نصيبج بيآخدج ..
آحيانا اذا فكرنا بالشغله زيآدهـ عن اللزوم تروح عنا ..

 

[دلوعة أبوهآ]

لآتضيعي نفسك ومستقبلك ودرآستك بمجرد تفكير ..
وفي الاخير ممكن يكون من نصيبك وممكن لآ ..


كل شي نصيب

 

[كسرة العود]

بنات مره مشكورين الله يعطيكم العافيه شقد كلامكم ريححني
ان شاء الله اشغل نفسي عن التفكير واهتم بدراستي وراح الزم الاستغفار
والله يسامح صديقتي اللي خلتني بس افكر على الفاضي

 

[سوريا الروح]

عادي حبيبتي ..... يمكن اخته وصفتلتك ياه بصفات ملائكية فتعلق قلبك فيه ..... انتي حاولي ماتفكري بالموضوع

 

[دنيا جديدة]

الله يسامحها رفيقتج يارب يارب يارب يجمع بينج وبينه بالحلال مافي شي صعب مع الله كل ليله قبل تنامين صلي ركعتين وادعي
الله ينزل الى السماء الدنيا يقول هل من سأل فأعطيه

 

[متيمة بالشعر]

​

الله كريـم ..

إذآ هو من نصيبج بتآخذينه وإذا هو مو من صيبج فـ تآكدي ربج بيرزقج بالآفضل ,

الله يرزقج بالزوج الصآلح و يهنيـج

 

[مس فوفا]

لا تفكرين وتتتعبين نفسك بالتفكير
نصيبك جايك لو من اخر الدنيااااااا لا تستعجلي
خليك ع الدراسسسسسه
واللي انتي فيه امكن اعجاب لا يتعدى هالحدود بكرا لا حبيتي بتعرفي انو موحب

ربي يسسسسسسسسسسسسسعدك ويوفئك خيتووو

 

[photoshopia]

اذا فكرتي بالشي وايد وحنيتي عليه احلمي يجي
كل شي مكتوب ..
لا تشغلين بالج

 

[NO_oNA]

يالله انا نفسسسسسسسسسسسسسسسسسسك بالضبط مع اختلافات بسيطه , بس صارلي سنه ونص وكل ماله الشعور يزيد

الله يعينك ويتكتبلك مافيه الخير :\

 

[تبيني آرضى عليك]

حبيبتي البنات ماااااااااااااقصروا
الله يوفقك ويرزقك الزوووووووج الصالح