مادري شنو اسوي؟!!!

[nona sweet]

سلام عليكم ورحمه الله وبركااتوو,,,,

اخوواتي انا بصرراحه قريت واجد مواضيع وعجبني المنتدى واااايد ,,واستفت من كل وحدة ,,انا الحين متملجه وعرسي على بدايه 2012 ان الله احيانا ,,بس عندي مشكله واتمنى تفيدوني وانا محتاجه نصايح تفيدني ,,انا عمري الحين 19 سنه وانا ماخذة زوجي على قصه حب صارلنا نحب بعض خمس سنين وشهر 12 يصير لنا 6سنين ,,بس والله عمري ماقصرت معاة بشي وكل يوم اكلمه وماقدر يوم ماكلمه احس اني فاقدة شي لمى مااكلمه واحس بضيقه اذا ماكلمته ,,انا من النوع ماحب الي يحن واحب البس الي يعجبني وماحب البس العبايه ,,وهو صارله من تملكنا شهر تقريبا ويحن علي على لبس العبايه وعليه غيرة موطبيعيه وانا دايم اقوله ان شااء الله بس مرات يكون عارف اني طالعه بدون عبايه بتقولون شلون يعرف انا اقولكم

مثل : اكون اكلمه يسحب مني الكلام وعرف اني مولابسه العبايه وعصب وزف وانا تنرفز وعصب واقوله انت اخذتني على طبعي المفروض راضي بطريقه لبسي وستايلي الي انا ماشيه عليه وطريقه نظامي يقولي بلا هسوالف ,,وقولي يابنت صير ثقيله وتعلين صوتج ,,مادري شنو اسوي موعارفه شلون اتعامل بطريقه عدله معاة ساعدوني ادري طولت بالحجي بس ابي مسااعدتك الله يخليكم,,,,؟؟!!:eh_s(2)::yaaaaaarb:

 

[مناير ...!]

حياتج معاه قبل سوالف جهال
الحين كبرتوا وصارت الصجيه
طبيعي بيتغير

 

[أميرة زوجي أنا]

اسمعي كلامة وخلاص

 

[دلوعة حمني]

حبيبتي هو زوجج الحين و لازم تطيعينه...و لولا حبه لج و غيرته علج جان ما تزوجج و لا لبسج العباة

الله يوفقكم و يهنيكم

 

[الينبوعة]

هواية امور استغنينا عنها من اجل ارضاء ازواجنا فد شي طبيعي الي يقولة لج زوجك نصيحتي الج اسمعي كلامة والبسي العباية ما دام هو يريد يختي الدنيا متسوى والله
انا كنت غير ايام الخطوبة مع خطيبي من تزوجنا تغيرت هو يقول لالا قبل غير هسة اريدج هيجي والبسي هيجي وانا لازم اسمع كلامة صدكيني رضا زوجك مهم الله يسعدكم ​

 

[رضاهم جنه]

ماقال البسي عبايه الا انا يغير عليج والغيره دليل حبه لج المفروض تستانسين من هالشي ولازم تسمعين كلامه عاد اول سنه من الزواج الرجال يبي يثبت شخصيته على المره واذا رديتي عليه بيعصب ومع السنين بيطخ والله يوفقج معاه يارب

 

[قلبي سلومي]

كلنا جذي

ه بالبداية بس يبي يتحكم

لا صرتي عنده شوي شوي تكسبينه

 

[عزلان البوادي]

سمعي كلامه حرام حب 5 سنين يروح على شي مثل هذا
والعبايه ستر حق البنت الله يوفقج

 

[ضايعة بدنيتي]

حبيبتي بقول لج كم كلمة وتقبليها بصدر رحب ..

انتي لو كنتي قريبة من ربج كنتي ما رضيتي على نفسج تطلعين من غير ما تسترين نفسج .. ايه العباية هي الستر . العباية المشروعة مو عباية هالأيام .

تعرفين ان السيدة فاطمة رضي الله عنها مرة كانت تبكي ولما سألتها السيدة عائشة ليش تبكين قالت لها اذا مت وشالوني الرجال بيودوني القبر راح يشوفون جسمي وملابسي مفصلته !!! هذي بنت الرسول صلى الله عليه وسلم تقول جذي اجل احنا شنقول وشنسوي بأعمارنا ؟؟؟

انا مابي اعطيج محاضرة دينية بس ابي الفت نظرج لشي انتي غافلة عنه ولاهية بنفسج و بحياتج وستايلج ولبسج ومظهرج جدام الناس .

http://www.youtube.com/watch?v=pM2GayiPruI

شوفي هذا الفيديو.. وراجعي نفسج .. وبتحسين انج قاعدة تضيعين حياتج في عصيان رب العالمين وانتي ما تدرين . اذا اهم شي الله امر ا لمرأة فيه وهو الستر انتي رافضته ..ف لازم تعيدين حساباتج .

اتمنى تتقبلين كلامي بدون زعل ترى والله ما قلت لج هالكلام الا من خوفي عليكم يا بنات

عسى الله يهديج ويوفقج لما يحب ويرضى

 

[ماركة انثى]

الستر زين وانا اختج واكيد انة يقولج جذي لانه خايف عليج

واذا تحبينة اسمعي كلامه

 

[استبرق الكندري]

حبيبتي الستر حلووووووووو والعبايه مافيها شي حلوه

معني سفور بس بقولج شي انتي قلتي 5 سنين وبدشون 6 سنين .. سؤال خلينا نتكلم شويه ونترك امور العبايه والامور اللي قال عنها

اهو يوم كان يكلمج طوووووووول هالسنين كان حلو على قلبه اي شي تلبسينه حتى لو كان سوري على هالكلمه شي يبين جسمج .. كان راح يكون حلو بعينه

بس يوم صارت الصجيه قالج العبايه والمكياج و و و و و الخ ويا مالج من هالامور .. حبيبتي

اللحين انتي بالواقع مو بالاحلام الورديه اللحين زوجج يعني على التكه والدكه بتتحاسبين حبيبتي .. الله يعينج الصراحه

مو على سالفة العبايه اقولج الله يعينج على فرض الشخصيه

لانه النوعيه هذي والصنف هذا اذا ما عرفتي صح ما راح تقدرين عليه ..

وهذي وجهة نظري وان شاء الله يكون العكس .. وتفهمينه وتكونين سعيده .. ​

 

[جــــاذبية]

لومايحبج ومايغار عليج ماعصب وزفج
طيعي كلامة أحسن لأنه صار زوجج والمرأة ماتعصي كلام زوجها ..
وموفقة إن شاءالله ..

 

[*peace*]

ماقال جذي الا لانه يحبج ويغير عليج ومايبي احد يشوف تفاصيل جسمج

شي طبيعي ومن حقه

وانتي الحين تزوجتي تكشخين لمنو؟

صدقيني اهم ماعليج رضا زوجج وراحته بهالسوالف شوفي شلون بيحبج وبتكبرين بعينه

 

[*ريما*]

طيعية
وكسبي حب 5 سنسن

 

[ترجمة احساس]

سمعي كلامه مافيها شي

 

[هيا البرقاوي]

ابي افهم شنو فيها العباية . وين المشكلة بالعباية امانه صرتوا تستعرون من شي يستركم من شي ربي امركم فيه .. المفروض انتي اللي تلبسين العباية قبل لا هم يقولج ...وموفقة

 

[زوجة عزيز]

لو مايحبج جان ماغار عليج نفذي رغبته دامج اتحبينه مافيها شي وربي يوفقج

 

[ميشو المالكي]

والله كلام الأخت ضايعه بدنيتي عين الصواب وترى الدنيا فانيه وماذا سوف تقولين لربك أذاأخذ روحك وأنتي متبرجه الوحده بعبايتها وسترها وتغطيت وجهها كأنه جوهره في داخل علبه مغلقه والكل وده يشوفها ويلمسه بس مايقدرون والي تحافض على نفسها بسترها راح تموت وهي متستره ومحد يقدر يشوفها غير محارمها وشكل خطيبك فيه خير كثير أنه خاف عليكي من عقاب رب العالمين

 

[nona sweet]

مشكورين حبايبي على النصايح والله صح كلاامكم وبالعكس انا مازعلت من كلامكم الا فهمت عدل وعرفت ان لازم اراضي بكل شي يبي وماراح اقوله لا بالعكس بقوله ان شاء الله وحاضر ياقلبي ,,تسلموون ياقلبي ويعطيكم العافيه وجزاكم الله خير على النصايح الطيبه ,,,

 

[انا لحبيبي .]

شوفي حبيبتي اول غير وهلأ غير ،، كان اول حبيب وكنتي تردي عليه بكل شي وماتزعليه وهلأ صار زوج وحبيب لازم تردي ​

عليه كمان بكل شي اكتر من اول وماتزعليه ، بعدين هلأ انتي صرتي عرضه وشرفه غير ،، اول كنتي ببيت اهلك مابقدر يتحكم ​

فيكي ويطلب منك شغلات هي مو من حقه ،، هلأ انتي من حقه وحلاله هو يلي بطلب منك كل شي​

شوفي والله انا متلك انا وزوجيي ماخدين بعض عن حب الحمدلله ، وانا هلأ بفترة خطوبه ، زوجي اهلو كلهم ملتزمين وكلهم ​

نقاب وعبايات الا انا الوحيده يلي بلبس لبس عادي ، تسدئي والله العظيم مو غاصبني بس محببني فيها بطريقه مو طبيعه ​

بحكيلي حلوه عليكي ، كل ما البس وحده وكل وين ووين بلبس عبايه ، بحكيلي حلوه عليكي ، وبقعد يعني يغازل فيني

<<< بعرف كيف يضحك عليها خخخخخخخ​

انا هلأ صرلي اسبوع بحكي خلص بدي التزم بالعبايه ، ونزلت وشريت كزا عبايه وان شاء الله ناويه اعود نفسي عليها​

مو البسها فجأه ومره وحده ،، لا حابه شوي شوي يعني بالاسبوع البسها 5 مرات ، اعود نفسي عليها لحد ما تصير الشي ​

الاساسي بلبسي ​

وبيني وبينك الستره حلوه للبنت ، وبكره بتصيري تلبسيلو كل شي بقلب البيت وبره قدام الناس عبايه كتير هالشعور حلو​

بتحسي انه عنجد انتي ملك زوجك لحاله ، اما اذا بلبس بلبس بره البيت وجوا البيت وين الشي الجديد بالموضوع لزوجك؟​

انا ما بحكيلك ماتكشخي بره ، لا والله في عبايات بتجنن واحلى من الملابس​

الله يهدينا يارب ويهدي بالنا ويصلح حالنا ​

والشي الاول والاخير للبسي للعبايه الله سبحانه وتعالى​