مادري عن اهل زوجي .. فشله

[Patcholli]

مساء الخير عزيزاتي ..

الصراحه هالفتره احس اني حيل مقصره وقاطعه حمولتي ..
الصراحه ماكو وقت ازورهم ويمعتهم بنفس وقت يمعة اهلي واكيد ابدي اهلي لانهم ساكنين بمنطقه بعيده عني فاستغل الجميس والجمعه عشان ازورهم واقعد معاهم لاني طول الاسبوع اكون محرومه من شوفتهم واحس هاليومين وايد مهمين عشان اجابل امي وابوي .. واهم يتيمعون الخميس والجمعه .. الخميس زوارتي فبيت خالاتي وهاذي رسميه من قبل الزواج والجمعه مثل ماقتلكم ازور اهلي وجمعتهم تكون مختلطه وماحب الصراحه ما اخذ راحتي .. والسبت مايتيمعون

وايد احس اني مقصره باهل زوجي وحاسه انهم شايلين بخاطرهم علي ..

جم مره افكر اعزمهم خلال ايام الاسبوع بس يعتذرون لان عندهم عيال ومدارس وغيره

شنو الحل ..؟؟ الحين تقريبا لي 3 اسابيع مو زايرتهم ..​

 

[شادن33]

عمري مولازم اتحددين موعد طبي عليهم فجاه ههههه
ودي معاج سوويت حلو مثلج وتعذري منهم بانج وايد مشغووله

 

[محتاره بدنيتي]

عادي حبوبه أنا نفسح بالضبط وكل ما أحاول اروحلهم ما اقدر لان جمعتنا الخميس والجمعة بس الحمدلله اهما يدرون ان هاليومين يمعتنا بس من فتره لي فتره اقولونلي أني قاطعه ومادري عنهم وساراي الحين يمكن ٣شهور مو شايفتهم عاد والله العظيم اهل بيلي اهبلون بس هذي للمشكله واذا صار واضطريت اروح الخميس لهم شوي وبعدين اروح عند اهلي او الجمعة اروح غداً اهلي وبعدها أزورهم شوي لين المغرب وبعدين ارد عند اهلي وجذي سهالات

 

[ام كوثر2007]

حبيبتي مثل ما قالو البنات طبي عليهم فجاه وترا اهم شي انج تواصلين خالتج وعمج

وبعدين يا قلبي الحين عطله تقدرين تعزمينهم مالهم عذر المدارس وخلصت

 

[*peace*]

مالج شغل بالباقي اهم شي خالتج وعمج

زوريهم كل سبت حتى لو ماتجمعوا

 

[Tom ♥ Jerry]

,


حبيبتي مو الا تروحين عند آهلج مرتين بالاسبوع وآهل ريلج مآ تشوفينهم و لا يوم ..
ترا مثل مآ آهلج لهم حق هم آهل الزوج لهم حق ..،
و آنتي بنفسج قلتي فشله و آكيد يشرهون عليج ، يعني مو حلوة
تطلع من آم ريلج و تقطها بويهج أو آنه ريلج يقولج روحي عند آهلي يوم بالاسبوع
خل تطلع منج انتي آحسن .، كل المتزوجات على الاقل يخصصون يوم بالاسبوع يروحون فيه عند حمولتهم
يسلمون على حموآتهم و خآلتهم و عمهم و يردون حتى لو مآ تاخذين رآحتتج
صراحه مو عذر يعني :/ قعدي شوي و طلعي يعني مو تطولين ليه العشا
أو تعشي و طلعي على طول ، بس المهم تروحين تشوفينهم ويشوفونج ؛***
لا تصيرين بعيده ترا مو حلوة القطاعه باجر حتى لو صار عندهم شي مآ يعبرونج و لا يحسبون حسابج !
بـ عزآيمهم و آعراسهم خلج وياهم على طول ، و روحي بالاسبوع مره او مرتين بيت ابوج
و مره بيت حمولتج ، عسى الله يوفقج ياررب :******

 

[الأميرة جوري]

فرصه هالاسبوع والاسبوع الياي ماكو مدارس عزميهم او زوريهم ...

 

[<miss botamba>]

ليش تروحين لاهلج مرتين والمشكله اليومين ورا بعض

خلي واحد منهم لاهلج والثاني لحمولتج نفس كلام توم وجيري

وهم تواصلي معاهم بالتليفون

ومايمنع مره بالشهر نفس ماقالوا تطبين فجأه اذا ماتاخذين راحتج بالزواره


يعني زوري ولا تطولين اذا ماترتاحين وهم زوريهم يوم ثاني

 

[Patcholli]

مشكورين بنات ..

على فكره ام زوجي وابوه متوفين يعني الزواره بس حق حمواتي

وانا ذكرت بالموضوع يوم الخميس زوارة خالاتي والجمعه بيت ابوي ..

عشان جذي اظطر اروح يومين ورى بعض ..

قبل كنت اروح خميس لخالاتي وخميس لاهل زوجي بس خالاتي قامو يتشرهون

والله صج معاكم حق حدي مفتشله منهم ..

وبيت ابو زوجي فاضي كل وحده فبيت ريلها بس يتجمعون الخميس والجمعه عشان جذي ماقدر اطب عليهم باي وقت ..

 

[popa]

خلاص عيل مو لازم بومين وره بعض لاهلج يعني خميس اهناك ويمعه هناك وهكذا

 

[ya al3rosa]

نفس توم وجيرى جذى احسن

 

[حسن الخاتمة]

والله ياحبيبتي انتي قلتي عزمتيهم وتعذروا وانتي تقدرين ترضينهم ولااعتذارولاشي لان خالتك وعمك متوفين يعني تقدرين تمرينهم شوي الخميس حتي لوبيتهم بعيد وعقب ترجعين لخالاتك ماشوف فيها مشكله وعلي فكره انامااشوف انه فرض الوحده تزور كل اسبوع

 

[Mjnont '3lay]

حبيبتي بعد انتي متزوجه ولااااازم تعدلين بين اهلج واهل رجلج يعني خالاتج مالهم حق يتشرهوون انتي قولي لهم واكيد رح يتفهمون اذا كان البيت فاضي الا يوم الخميس والجمعه خلاص خلي اسبوع لاهلج واسبوع لهم عاااادي واهلج طبي عليهم باي وقت افضي فيه وخلصي كل اشغالج وطبي عليهم ومشوارج لبيت اهلج ما ياخذ حتى ساعه يمكن اقل شدعوه الكويت صغيره مو مثل السعوديه عشان تقولين ايه والله ماقدر اروح او احسن حل يعني مثلا اسبوع روحي الخميس بيت خالاتج عشان محد يتشره والجمعه روحي بيت اهل رجلج والسبت روحي لاهلج شوفيهم مو شرط وقت جمعتكم حبيبتي اهم شي تشوفين ابوج وامج وخلاص والاسبوع الثاني روحي الخميس والجمعه بيت اهلج والاسبوع اللي بعده ردي على نفس النظام خميس بيت خالاتج وجمعه بيت اهل رجلج والسبت عند اهلج فهمتي علي وهذا احسن حل يرضي الكل

 

[غدووور الكويت]

خميس عند خالاتج وخميس عند حمواتج وتنتهي المشكله

 

[english muffin]

الصراحة عذرج مو مقنع
ماله داعي يومين مع اهلج
او عالاقل خميس معاهم وخميس مع حمولتج

 

[*peace*]

دام عمج وخالتج متوفيين الله يرحمهم ويرحم موتى المسلمين

خلاص كل جم اسبوع روحي لجمعتهم موشرط كل اسبوع

 

[Patcholli]

يعطيكم العافيه بنات .. ان شاء الله بحاول انسق اكثر لان صج منحرجه منهم وايد ..

 

[سمر شمر]

انا اقترح انج تزورينهم وتغفرين همهم

وعادي اهم شي زوري الكباار مو مهم البااجي

يعني باي يووم روحي لهم

اذا كان ماعندج وقت

والله يوفقج

 

[صادقة بكلمتي]

كفو وفو البنات خميس لاهلج وخميس لحمولتج هذا رحم ريلج ما يصير تقاطعينهم حبيبتي

 

[Patcholli]

مشكورين حبيباتي الحمدالله طبقت كلامكم هالخميس رحتلهم المغرب وقعدت لي 8 ونص وعقب طلعت ورحت لخالاتي ..
والجمعه نفس الشي تغديت معاهم وعقب الغدا رحت بيت ابوي
يعطيكم العافيه وماقصرتو ..