مادشيت التاسع وبقولكم شنو صار

[فتاة الجبل]

السلام عليكم يا حلوات

حبيت اقولكم شنو سار معاي

انا بجرية وبقالي جم يوم وادش التاسع

لكن نزل علي شوية دم ورحت طيارة عالمستشفى قالولي مفتوحة 2 سم واحتمال ولادة مبكرة

وحاولو يعطوني اشياء توقف الطلق وكل شي بس السؤال اللي بسأله هل ممكن اكمل شهري على هالحال ؟؟؟؟؟
منو سار معاها مثلي ؟؟؟

لان انا اللي اعرفه ان اغلب البجريات يكملون شهرهم كله

 

[**Um '9a7oya**]

انا ما كملت شهري و اخر الثامن كنت مفتوحه ٢ سم وبعد جم يوم ياني طلق وفتحت ٣ونص ودخلوني ولاده ولدت اخر الثامن كان باقيلي يومين وادش التاسع

 

[دلوعت مودها]

عادي مو شرط البجر تكمل شهرها في وايد اول يوم بالتاسع تولد...
لاتحاتين ان شاء الله خير
الله يسهل عليج

 

[بتبوتااا]

عادي حبيبتي مو شرط

 

[ناني سيكرتس]

لا عادي حبيبتي, انا يوم ابجري كنت من اخر الثامن مفتوحه 2 سانتي وكانت تييني طلوق من السابع, من جذيه اول ما دشيت التاسع ما طولت وولدت على طول ...

 

[om MaRyooM]

اي ممكن تكملين شهرج


بس راقبي نفسج عدل اذا زاد معاج عوار او تكرمين نزل عليج شي علطول روحي راجعي

 

[" ام حمود "]

عادي حبيبتي مو شرط انا اختي توها ولدت بالشهر الثامن بعد 10 ايام دش شهرها
وولدت عاديء شيء طبيعيء

 

[فتاة الجبل]

حبيباتي ماقصررررررررتو ويعطيكم العافية على الردود ريحتوني

 

[تبطي عظم!]

انتي نفس حالتي ان شاء الله اولد اول ما ادخل التااسع

بس انا مافحصوني ببس خذو علي تخطيط طلع في طلق ومافيني دم ولا شيء

الحمد لله

 

[ام الحلوااات]

اللـــــه يــــهـــــــــوووون عـــلــــيـــــج ويـــقــــــومــــــج بـــاالـــســـــلامـــــه​

 

[عطر الأنوثة]

خرعتوني لاني انا بعد بجرية

و عوار ما اقدر انام بالليل

و عمتي تقولي بطنج نازلة

بس انا 29 \ 10 ادش شهري

بعدني نص الثامن

 

[أ.بيشو]

الله يسهل عليكم يارب

وعادي الولاده بالثامن

ياما ناس اعرفهم بالسابع والحمدلله عيالهم كبار ومافيهم شي

 

[yasmeen_q8]

الله يتمم عليج يارب اي حبيبتي عادي تدشين شهرج اللي الله كاتبه لج بيصير