- إنضم
- 4 ديسمبر 2005
- المشاركات
- 393
- مستوى التفاعل
- 0
- النقاط
- 0
- العمر
- 43
السلام عليكم ورحمة الله وبركاته ،،،
وآنا أحوس بمنتديات انجليزيه واقرا تجارب كان عندي فضول أعرف شنو يستخدمون لتسهيل الولادة وبعد الولادة علشان تتعافى أسرع خصوصا أن ما عندهم نفاس نفسنا والغالبية تولد مني تسوي رياضة مني والبطن لاصق بالظهر !!
اكتشفت أن كثير منهم يستخدمون أو يسوون هالشغلات ..
1- Raspberry leaf tea or extract
يعني شاي اوراق توت العليق أو خلاصة توت العليق
ويبدون يشربونا من الأسبوع 36 او 37 هذا علشان يساعد على مرونة الرحم ويسهل الولادة ، طبعا انا كان عندي كتاب اعشاب ووصفات وكان مذكور أن توت العليق يسهل الولادة .
دورته بالكويت في محل الشاي اللي بالأفنيوز اسمه طويل ما اعرفه
قالت هذا خالص ودايما الحوامل يشتروونه وما تدري متى بييبون منا !!
وما ادري إذا بلاقيه من محل شاي ثاني بس اكيد موجود بالأمازون
2- Arnica Montana Tablet 30c
حبوب ارنيكا (زهرة العطاس ) نوع مونتانا
اهي تعتبر نوع من الأزهار والاعشاب يعني .. من خواصها تسكن الآلام وتلؤم الجروح وتدخل من ضمن كريمات لعلاج الحروق والندبات ..
أهو ما يسكن الألم لأن ألم الطلق أقوى بس يخفف والفايدة الأهم وقت الريكافري بعد العملية اهني يكون الشفا وأثر الخياط بسرعة يروح .. ولاحظت أكثر اللي يستخدمونه أهم اللي ولادتهم قيصريه ..لأن اهي اللي جرحها أصعب من الطبيعي ..!!
وحاولت أعرف شنو جرعاته .. ما لقيت شي ثابت
لقيت أن في ناس ياخذونه حبة وحدة كل يوم قبل العملية بأسبوعين وبعد العملية باسبوعين ..
وفي تاخذ وقت الطلق كل 3 ساعات حبة وبعد العملية حبة باليوم لمدة اربع ايام او اسبوع
وفي تاخذ وقت الطلق 1 حبة كل ساعة وبعد العملية تاخذ حبة كل يوم لمدة اسبوع
لكن أحسن شي تاخذينه وقت الطلق (during the labor)
آنا حصلته من دبي .. وما سألت صراحة صيدليات الكويت لأنهم خواره !!
3- بعد العملية خصوصا القيصرية .. لازم تمشين وقالوها جذي (walk walk walk)
حتى لو حسيتي صعوبه في فرد ظهرج لكن هذا راح يساعدج على الشفا بدون منازع حتى لو غصبتي نفسج لازم تمشين بالغرفه اشوي .
4 - شربي ماي وايد طبعا عندنا معتقد أن الوالدة لازم ما تشرب ماي وايد علشان ترد حق ريلها ناشفه !!
لكن هذا معتقد خاطيء .. الماي أهو اللي ينظف الجسم من السموم ويطرد الماي المخزن ويعالج الالتهابات .. علشان جذي شربي ماي وايد على الأقل لترين ماي القدر اللي يحتاجه الجسم .
5- الرضاعة الطبيعية .. يقولون ماكو وحدة صدرها ينشف او ما فيها حليب !! لكن المسألة يبيلها صبر .. لازم يكون عندها ارادة وعزم ونية الأرضاع .. تستخدم آله الشفط والكمادات والحبوب المدرة للحليب حتى لو كان في ألم لأن الرضاعة مفيدة لها وللبيبي ..
وسبحان الله المرأه حتى واهي ترضع رحمها يعورها لأن قاعد يرد لوضعه الطبيعي ...
طبعا في حالات كثير يكون البيبي ما يبي يرضع أو تكون الأم فعلا صبرت وكان ودها ترضع بس ما الله كتب ..
6- ربط البطن مثل ما احنا نسوي .. وإذا قيصريه لازم يكون الرباط خام يتنفسه الجلد علشان ما يعرق الجرح ويلتهب ..
وسلامتكم
وآنا أحوس بمنتديات انجليزيه واقرا تجارب كان عندي فضول أعرف شنو يستخدمون لتسهيل الولادة وبعد الولادة علشان تتعافى أسرع خصوصا أن ما عندهم نفاس نفسنا والغالبية تولد مني تسوي رياضة مني والبطن لاصق بالظهر !!
اكتشفت أن كثير منهم يستخدمون أو يسوون هالشغلات ..
1- Raspberry leaf tea or extract
يعني شاي اوراق توت العليق أو خلاصة توت العليق
ويبدون يشربونا من الأسبوع 36 او 37 هذا علشان يساعد على مرونة الرحم ويسهل الولادة ، طبعا انا كان عندي كتاب اعشاب ووصفات وكان مذكور أن توت العليق يسهل الولادة .
دورته بالكويت في محل الشاي اللي بالأفنيوز اسمه طويل ما اعرفه
قالت هذا خالص ودايما الحوامل يشتروونه وما تدري متى بييبون منا !!
وما ادري إذا بلاقيه من محل شاي ثاني بس اكيد موجود بالأمازون
2- Arnica Montana Tablet 30c
حبوب ارنيكا (زهرة العطاس ) نوع مونتانا
اهي تعتبر نوع من الأزهار والاعشاب يعني .. من خواصها تسكن الآلام وتلؤم الجروح وتدخل من ضمن كريمات لعلاج الحروق والندبات ..
أهو ما يسكن الألم لأن ألم الطلق أقوى بس يخفف والفايدة الأهم وقت الريكافري بعد العملية اهني يكون الشفا وأثر الخياط بسرعة يروح .. ولاحظت أكثر اللي يستخدمونه أهم اللي ولادتهم قيصريه ..لأن اهي اللي جرحها أصعب من الطبيعي ..!!
وحاولت أعرف شنو جرعاته .. ما لقيت شي ثابت
لقيت أن في ناس ياخذونه حبة وحدة كل يوم قبل العملية بأسبوعين وبعد العملية باسبوعين ..
وفي تاخذ وقت الطلق كل 3 ساعات حبة وبعد العملية حبة باليوم لمدة اربع ايام او اسبوع
وفي تاخذ وقت الطلق 1 حبة كل ساعة وبعد العملية تاخذ حبة كل يوم لمدة اسبوع
لكن أحسن شي تاخذينه وقت الطلق (during the labor)
آنا حصلته من دبي .. وما سألت صراحة صيدليات الكويت لأنهم خواره !!
3- بعد العملية خصوصا القيصرية .. لازم تمشين وقالوها جذي (walk walk walk)
حتى لو حسيتي صعوبه في فرد ظهرج لكن هذا راح يساعدج على الشفا بدون منازع حتى لو غصبتي نفسج لازم تمشين بالغرفه اشوي .
4 - شربي ماي وايد طبعا عندنا معتقد أن الوالدة لازم ما تشرب ماي وايد علشان ترد حق ريلها ناشفه !!
لكن هذا معتقد خاطيء .. الماي أهو اللي ينظف الجسم من السموم ويطرد الماي المخزن ويعالج الالتهابات .. علشان جذي شربي ماي وايد على الأقل لترين ماي القدر اللي يحتاجه الجسم .
5- الرضاعة الطبيعية .. يقولون ماكو وحدة صدرها ينشف او ما فيها حليب !! لكن المسألة يبيلها صبر .. لازم يكون عندها ارادة وعزم ونية الأرضاع .. تستخدم آله الشفط والكمادات والحبوب المدرة للحليب حتى لو كان في ألم لأن الرضاعة مفيدة لها وللبيبي ..
وسبحان الله المرأه حتى واهي ترضع رحمها يعورها لأن قاعد يرد لوضعه الطبيعي ...
طبعا في حالات كثير يكون البيبي ما يبي يرضع أو تكون الأم فعلا صبرت وكان ودها ترضع بس ما الله كتب ..
6- ربط البطن مثل ما احنا نسوي .. وإذا قيصريه لازم يكون الرباط خام يتنفسه الجلد علشان ما يعرق الجرح ويلتهب ..
وسلامتكم
