ماركات vs خلطات = الراحة vs اللوعة؟

[*قـمـر*]

بنات موضوعي غريب شوي بس في سؤال محيرني.. واتمنى انه ما يزعل حد :eh_s(22):


من كثر لفلفتي في اقسام العناية بالبشرة في منتديات عدة..الاحظ ان اغلب البنات يبهدلون روحهم بخلطات لها روايح تجيب المرض..وفيها لزوجة و بهدله-- كله في سبيل الجمال :yaaaaaarb:

انا وحدة تركت الخلطات بس عشان ريحتها وقرفها..واستبدلتها بمنتجات على روائح عطور و الورد...لان بصراحة الوحدة تبي تنام وهي حاسة بنظافة و انتعاش و في نفس الوقت عناية ...مو متلطخة بزيت لوز مادري حلبة مادري سدر :eh_s(16): احس معاناااه-- بالنسبة لي المتعة في العناية وايد مهمة و هي الي تخلينا نواصل في العناية.
سؤالي الي يطرح نفسه / ليش اغلب البنات مايحبون كريمات الماركات الي تعتني و في نفس الوقت تريح؟... هل فعلا مفعول الخلطات احسن من كريمات ماركات العناية بالبشرة ؟؟؟


اتمنى تفيدوني بتجاربكم و اراءكم

 

[عفوفة]

من ناحية الروائح أنا مثلك ((مجبر أخاك لابطل )):eh_s(1):

يعني يكون استخدامي لها بس في فترة العناية وبعدين أوقفها وفعلآ ما أعرف أنام واااااااااااااي :ch12:تدبق حيييييييييييييييل خلطة أنل لكن أعجبتني النعومة ووحدة اللون شوي وبس

وكمان الصابونييييييييييييييية يااااااااااااابووووووووووووي ما احس اني متسبحة :eh_s(11)::eh_s(11):
لكن اللي مصبرني نتايجها الحلوة:eh_s(17):

ومن ناحية الكريمات الغالية
الوحدة تخاف تخسر فلوس ع الفاضي وماتشوف نتيجة
لكن فيه شركات مثل هيملايا وبودي شوب أثق فيهم وبقوة بعد
ونتايجهم مرضية

أما الخلطات الطبيعية البنات يستخدمونها لعدة أسباب/
1- اذا ما فادتك ماراح تظرك
2- متوفرة في كل بيت
3- مناسبة لجميع الأعمار
4- آمنـــــــــــــــــــــــــــــــــة
5- مكوناتها طبيعية وتحت شرااااااااااااااافك أنت
عذرا ع الإطالة

سي يو:eh_s(7):

 

[رقـة الاحسـآس]

عفوفه كفت ووفت

بس انا عن نفسي و اتوقع بعد البنات جذي
يعني ما نعتمد ع الخلطات اعتماد كلي اكيد عندنا كريمات وغيره بس في اشيا مخاسير عالفاظي
مثلا بعطيج مثال عني اعاني من الهالات
واستخدمت كريمات بالهبل و شي انواع سعرها مقبول و شي انواع سعرها غالي
وكله عالفااظي يعني مخاسير بدون اي نتيجه تذكر
فالحين لو باخذ كريم مثلا لهالمنطقه باخذه مرطب فقط ولو نوع سعره رخيص ترا يفي بالغرض ولا بدور عن واحد للهالات
بس ادور علاج طبيعي وصح الطبيعي شوي مب عملي
لكن الحمدالله يوم تلقين نتيجه تصبرين
اللي يبا الدح ما يقول اح
ريحه و الا بدون بنصبر
مب يقولون الجمال مؤلم والالم انواع يمكن تكون ريحه لووووووول

 

[ms-dema]

,,,
على فكرره اناااااا فكرتي ونظرتي للشغلاـت والخلطات الي نسوويها بالبيت زيكـ بلضبط ,,وغير هذا من جد لمـــــــا احط زيووت بشعري ولاجسمي ماااااااعرف اتحرك ولا اقدر انام ,.
بســ تدررين والله العظيم محدـ يصررف كثري على اهتماااااامي بشعري وجسمي وبشررتي من كرريمات ومقشرات وغسوولات وصابونات بسـ انقههههههر لاني مالاقي نتيجة تذكر او على لاقل تفررح لقلب على هلصرف ,,
ــ عشان جذي بديتـ اجرب الخلطات ولشغلات الطبيعيه والزيووت وهلسوولف وربي لاحظت تغييييير مو طبيعي يفررح لقلب يحمسـني عشاان استمر والاهم من هذا كله <كم غسوول بهت وقشر لي وجهي وكمـ كريم طلع لي حبووب اثااااااارها تكدر النفسيه <ماركات على خرطي وربي بسـ اصررف معااااااشي بكبره على قلة فايدهـ وعلى أذيـه ولااتوووب ليمـا الحين بس بعد بجبر نفسي اني اووقف الشررا واستمر على شغلات طبيعيه ماتضرني ,,.
,,بشـرتي كانت تجيب لي الاكتئاب بسـ الحمدلله ـ ماصلح وغير بشررتي ولووني للافضل غير هلشغلاـت الي على قولتج تدبغ ,,

نصيحـــــــه من اخت <انتي بسـ جرببي زيت اللوز او الزيتوون قبل لاتنامي واصحي ووشووفي كيف وجهج يفتح التفسـ ومع الاستمرار حتى اثاااااار لحبووب بتختفي وحتى لشغلات الي ماتتوقعين له حل هالزيو بتحلها وقوولي ديووم قالت ,,
سووري طولت عليج حبووبتي

 

[ms-dema]

عفوفه كفت ووفت

بس انا عن نفسي و اتوقع بعد البنات جذي
يعني ما نعتمد ع الخلطات اعتماد كلي اكيد عندنا كريمات وغيره بس في اشيا مخاسير عالفاظي
مثلا بعطيج مثال عني اعاني من الهالات
واستخدمت كريمات بالهبل و شي انواع سعرها مقبول و شي انواع سعرها غالي
وكله عالفااظي يعني مخاسير بدون اي نتيجه تذكر
فالحين لو باخذ كريم مثلا لهالمنطقه باخذه مرطب فقط ولو نوع سعره رخيص ترا يفي بالغرض ولا بدور عن واحد للهالات
بس ادور علاج طبيعي وصح الطبيعي شوي مب عملي
لكن الحمدالله يوم تلقين نتيجه تصبرين
اللي يبا الدح ما يقول اح
ريحه و الا بدون بنصبر
مب يقولون الجمال مؤلم والالم انواع يمكن تكون ريحه لووووووول

هذا الي كنت اقصده بسـ ماعرفت اشررح ,,يسلمووا حبووبه وصلتي لهاااااا الي في بالي ,,وترى زيت اللوز وربي يخفف الهالات اذا استمرريتي عليه وعن تجربه :rerrerek:

 

[أحلى البشر]

انا خلطات ريحتها خايسه مستحييييييل استخدمها مثل الحلبه ودابر املا وهالخيسه لو شنو ما احطها
شالفايده بيضه وريحتي زفره وخايسه انحش الناس مني
ما اقول اني ما احط خلطات امبله احط بس شغلات مالها ريحه خايسه وقبل السبوح بوقت بسيط ساعه ساعتين مو اكثر وعقبها لوشن معطر وسبري جسم والا ما ارتاح ومشكووره حياتي موضوع مهم بصراحه

 

[مخمليـهَ]

*


والله من يبي الزين مآيقول وع دآمني ابيت ابوي شنو المآنع احط
يآحليلكم والله

 

[baby lotion]

لا طبعــا انا عن نفسي اعتمد عالكريمات الطبـيـه اكثر خاصتا للويه > حساسه بشرتي
اما حق جسمي او شعري (خلطات) وهذا ايام الاجازه او برمضان فرصه كله فالبيت > مافي احسن من الطبيعي يغذي وعلى حسب الريحه ههه وصح كلام اللي فوقي دامني فبيت ابوي شالمانع
يعني شوي جي وشوي جي
​

 

[رقـة الاحسـآس]

هذا الي كنت اقصده بسـ ماعرفت اشررح ,,يسلمووا حبووبه وصلتي لهاااااا الي في بالي ,,وترى زيت اللوز وربي يخفف الهالات اذا استمرريتي عليه وعن تجربه :rerrerek:

خخخخ فديتج ربي يسلمج
ومشكووره عالنصيحه :eh_s(17):
حاليا استخدم خلطه زيوت وفيها زيت اللوز < خلطت انجل كات
والحمدالله باديه اجوف نتيجه


وسوري طلعنا من الموضوع

 

[*الهنوف*]

انا مو معاج بخصوص الريحه بالعكس اغلب الخلطات ريحتها عاديه
وبالنسبه لكريمات الماركه
انا كان عندي كريمات كلينك وتعرفيت هالماركه طبيه والله خربت بشتري كريم الليل بهدل بشرتي
وشريت ماركه ثانيه ارنود ماستفدت ولاشي من كريم الكافيار اللهم كريم زهرة الربيع رطب البشره بس ماخلاها نضره وللعلم الكريم غالي ويخلص كل شهر ونص تقريبا

انا اشوف الماركات مفعولها مو قوي ونصها ترطيب ياما شرينا كريمات وقطينا فلوس عالفاضي مالقينا نتايج

وهذي وجهة نظري