ماعندي ثقه بنفسي ..!!

[جوهره مصونه]

السلام عليكم ورحمة الله وبركاته ..

حابه اقولكم مشكلتي مادري شلون ابدا ..انا مشكلتي ماعندي ثقه بنفسي يعني موواثقه بشكلي ولابكلامي ..وانا طبيعتي حيل هاديه وخجوله مااسولف وايد لانه ماعندي ثقه بنفسي ..ودي اكون واثقه بنفسي واكون جريئه واسولف وايد لووول ..لانه مليت من طريقتي حتى ماحب اقعد بتجمعات البنات والحريم يعني بوقت العزايم اكون ساكته وماسولف ودي جذي اخذ واعطي مع الناس ..ياليت احد يقدر يساعدني ويحددلي نقاط الثقه بالنفس واكون جريئه شسوي ..لانه عن قريب راح اتزوج ودي جدام اهل ريلي اكون جريئه معاهم واخذ راحتي بسوالف ...

واللي اتساعدني راح ادعيلها ..​

 

[Beesho99]

مثلي ياليت احد يفيدناااااااااااا

 

[نونه المنكوشه]

ااااااااااااااااب

 

[اسيرة الأحزان50]

أول شيء لازم تعطين نفسك رسائل ايجابيه وتقولي انا استطيع اتكلم لأن الرسائل السلبيه تنعكس


في العقل الباطن وتصيري فعلا ماعندك ثقه بنفسك لما تقولي ماعندي ثقه في النفس لكن لما تقولي


انا واثقه من نفسي وأنا اللي يتكلمون مو زايدين عني بيد أو رجل لوووول




والشيء الثاني تستعين بالله وتقوين صلتك بالله وانا مجربه هذا الشيء يقوي شخصيتك ويخلي عندك


ثقه بالنفس وحاولي تقرأي كثير عن الثقه بالنفس مثل قراءة بعض الكتب أو سماع بعض الدورات



عن الثقه بالنفس وعندك اليوتيوب فيه كثير من الدورات عن الثقه بالنفس استمعي لها وابحثي في النت


مواضيع عن الثقه بالنفس واقريها ..



وحابه اضيف شغله كمان في البدايه حاولي تتكلمي مع صديقتك المقربه منك وبعده حاولي تتكلمين



مع شخصين وبعدين مع ثلاث اشخاص وهكذا الين في الاخير تصيري عادي تقدري تتكلمي مع الكل



وترى الامر مره بسيط لما تشوفي احد يتكلم في الاجتماعات وغيرها حاولي تشاركي في الحديث




مثلا تقولي رايك الشخصي في موضوع تم طرحه ، مثلا قالوا قصص عن موضوع معين انتِ هم جيبي قصه



تكون لها صله بالموضوع وحاولي تختلطي كثير بالناس كثرة المخالطه هي اللي تعلمك كل شيء ومع مرور



الوقت راح تتعودين وينطلق لسانك وتقدرين تواجهين العالم كله ..



اتمنى اكون افدتك يااختي .

 

[زيتونا]

حبيبتي ,, الثقه بنفس انج تكونين عارفه نفسج عددل وو وشنو تبيين
وو مهتمه بروحج

بس اهوااا اقلب الخجولات جذي يكونون مو ثقه بنفس
حاولي تسولفين وايد اخذي واعطيي​

 

[دلوعة أبوهآ]

حبيبتي هآلشي بيدينك ..
حآولي تجلسين مع نآس تحبينهم يعني مع بنآت ترتآحين لهم عشآن اذآ كنتي مرتآحه للشخص رآح تتكلمين بشكل عفوي ..

دآيم بينك وبين نفسك خليكِ متفائله آعطي نفسك دوافع إيجآبيه ..

عشآن تصيرين مثل مآتبين ..



,

 

[سفييره الكويت]

الخجل حلو وكثره الجرائه تكون عكسيه ساعات اذا كانت على كثره الكلام فهذا افضل لج

اما اذا كنتي لا تثقين بذوقج وماعندج القدره على اتخاذ القرارات هني تقدرين تقولين ماعندي ثقه بنفسي وان كان كذلك عززي هذي

الثقه بالقناعه كوني قنوعه بما تتخذينه حتى لو على خطأ ..!

 

[جوهره مصونه]

يعطيكم العافيه بصراحه افدتوني ببعض النقاط المهمه ..وانشالله اختي اسيرة الاحزان راح ابحث بالنت ..والله يوفقكم يارب ​

 

[om MaRyooM]

سولفي مع المقربين وايد لووول
لا صج لازم تسولفين عشان تتعودين

وثاني شي انصحج تروحين مكتبة جرير وتاخذيلج جم كتاب عن الثقة بالنفس وقوة الشخصية

 

[•» عزتے تهينگ «]

حبيبتي اشتري كتب عن تعزيز الثقة بالذات فيها طرق حلووة حيل
مووفقه

 

[حبي بيرين]

اولا واخير هي المواقف اللي تعطيكِ الثقه يعني لو تتعرضين لموقف قوي مثلا احد يظلمكِ راح تتغير شخصيتكِ 180 درجه
ثانيا اسالي نفسكِ السؤال انا وش ناقصني عشان مااكون مثل باقي البنات الواثقات
ثالثا قوي نفسكِ بنفسكِ
رابعا الخجل وقله الثقه حطي في بالكِ انهم راح يعرضونكِ ممكن للسخريه من قبل ناس طبعهم انهم يشوفون نوعيتكِ انهم مساكين يعني (حطوني تلقوني )
خامسا انتِ ع وجه زواج يعني حياة جديدة فلذلك جددي شخصيتكِ راح تواجهين رجل والرجل معروف مايحب المرأة اللي مثل النوع فلازم تتغيرين عشان تعيشين صح
الدنيا مليانه مشاكل ومواقف مومعقوله راح توقفين عاجزة قدامهم

 

[^^roma^^]

عدل كلام الاخت اسيرة الاحزان حاولي تتبعين الخطوات الي قالت عنها
وتدربي جدام اهلج وحاولي تفتحين مواضيع وناقشي معاهم ع اساس تكونين متعودة ع هالشيء
الله يوفقج انشالله ..


لا اله الا الله​

 

[دلع بآبي]

بالتوفييييييييييييييق يارب

 

[عن النسآ أفرق ~]

-



فكري بعقلج ..
ليش مافيج ثقه !
شناقصج .. اقنعي نفسج ان مو ناقصج شي وانتي شوفي نفسج كامله - ما الكامل غير سبحآنه -
وبتصير فيج الثقه .. اذا اقتنعتي ..
صج شاللي ينقصج عن غيرج .. اتوقع مافيه
ليش هالانطوائيه حتى ولو نفرض مو متعوده على اسلوب الحوار مع الناس
وما تقدرين تدخلين بجوو السالفه .. خلاص انتي اللي بطلي الموضوع من البدايه
قولي رايج واذا حسيتي بخجل ولا شي رددي داخلج ما ينقصني شي وراح تغلبين على مشكلتج



.. + الاستغفاااااااااااااار

​

 

[أنـــفال]

حبيبتي سولفي مع خواتج وبنات خالاتج واللي قريبين منج
وبعدين حاولوا انج تكونين متحدثة مو بس مستمعة
وبالتوفيق يا قلبي

 

[مزيوونة]

اب
اب

 

[فجرر]

اقرأي كتب الثقة بالنفس

 

[" ام حمود "]

انا مع البنات ..
روحيء عند رفيجاتج المقربين منج وايد او خواتج اخذي وسولفي
معاي وشوفيهم شلون يتكلمون اخذي منهم هالطبع وخليج واثقه بنفسج بأي
شيء تسوينه ع طريقه لبسج وشعرج وكل شيء .. الخجل حلوو بعد
بس لاتكون الخجل دووم فيج

 

[Sweet October]

في كتاب قريته عن الثقة يقول الكاتب بول ماكينا ( دكتور نفسي ) / شكثر ناس لما يجون عيادتي يقولون ما عندنا ثقة بأنفسنا اقولهم

واثقين من هالشي ؟ يقولون كل الثقة !!

معناته عندهم ثقة بس التوجه غلط وبالمكان الخطأ

في تمارين تساعد على زيادة الثقة يا ليت تطبقينها لأنها مفيدة

1- تخيلي روحج لو كنتي اكثر ثقة شلون راح تكون نبرة صوتج وحركات ايدج وقعدتج وكل شي بعدين حاولي تندمجين مع هالشخصية وتقتبسين كل شي منها

2- تكلمي جدام المنظرة لا تقولين فشلة والا سوري ( مو صاحية والا اضحك على عمري ) لا ما فيها شي وطريقة فعالة

3- فكري قبل ما تسولفين يعني صفي الحجي براسج ورتبي كلماتج عشان تكونين مرتاحة وانتي تقولين السالفة

4- مو ضروري تسولفين وتقرقين ترى عشان تكونين واثقة من نفسج انا مثلا هادية وما احب اسولف واجد وفي ناس نوعها ما تحب القرقة فلا تحطين ببالج ان لازم تقرقين عشان تصيرين اوكي وواثقة بالعكس شاركي بالكلام وكوني دايما انتي لا تحملين نفسج فوق طاقتها

5- الناس ما تراقبج شيلي هالفكرة من بالج ترتاحين


لخصت لج اغلب الاشياء المفيدة اللي قريتها ان شاء الله تستفيدين منها =)

 

[rufe]

ثقتي بنفسي صفر مستحيل احط عيني في عين اللي تكلمني وخجوله حححيل واحيانا اسولف في نص اسالفه اتلعثم ودي ابكي ثم اكمل سالفه