***مافيج شي و تأخر الحمل؟! سمعي ها المعلومه***

[رنين]

السلام عليكم بنات و رحمة الله وبركاته:eh_s(8):


عسى الله يا رب يرزق كل من يطلبه الذريه الصالحه:eh_s(17):
ذاك اليوم أسولف مع امي على ها الموضوع(تأخر الحمل) الا تفاجأت منها بمعلومه انشالله تنفعكم...

تقول من سنين كانت قرت كشف طبي حق دكتور ان اللي واااايد تاكل بنادول يتأخر و تأخر عليها الحمل لازم توقف عن البندول.!

قلت لها مو معقوله شعلى هذا من ذاك!
قالت عيل سمعي ها السالفه.

لما قرت امي الخبر وقتها واحد مع ابوي بالدوام يعاني سنين من تأخر الحمل و مافيهم عله لكن مو عارفين السبه.
فقالت حق ابوي قوله اذا مرته تاكل بندول خل توقف.
ساله من باجر ابوي مرتك تاكل بندول وايد؟!
قال ايه!
قاله خلها توقف و انشالله خير.

ما مر جم شهر الا و الحرمه حامل و ها الريال لي اليوم كل ماشاف ابوي قاله انت ما أنساااااااااالك الفضل
و الفضل لله. الحين ماشالله مخلفين صبيان و بنات


و سبحان الله كل شي سبه و الأمر من الاول و الآخر بيد الله سبحانه و يجعل الاسباب قدره:eh_s(17):

 

[شمسه]

جزاج الله كل الخير على هالمعلومة

أنا البندول صراحة مالي غناة عنا لي ياني عوار الراااس الي ما أشوف طريجي منه

بس عسى الله يقدرنا ونقلل منه

جزاج الله كل الخير حبيبتي

 

[-Bello-]

انا كلش عاااد ما احب الادويه ولا الحبووب تكرمين تقلب جبدي منهم ومشكوووووره عالموضوع وهم انا سامعه انه البنادووول ياخر الحمل

 

[رماديه]

آنا من الله ما احب آخذ بندول الا نادر واذا حسيت اني خلاص ما اقدر اتحمل العوار كلش بس اتذكر اني لما كنت امسويه تلقيح صناعي اخذت بندول لأن راسي كان بينفجر.

آنا عموما الأدويه ما احبها بس ادوية العلاج للحمل آخذها كلها غصبن عني.

 

[bnt_kwt]

صح انا بعد سامعه انه البندول يأخر الحمل

ياربي شنسوي بأعمارنا

مشكوره حبيبتي ويزاج الله خير

 

[Q8tya_GirL]

انا وحده ما احب الادويه بالمره بس طبعا الا اذا احتديت كليت

ومشكوره حبووبه عالنصيحه

 

[ألوي الكويت]

مشكووووره علي هالمعلومه

 

[رنين]

العفو و اياكم و حياكم الله وحده وحده دون عد و لا حصر و عسى الله يا رب يبلغكم مناكم و يرزقنا و اياكم ما تمنينا

 

[كويتيه85]

جزاج الله خير على هالمعلومه الزينه:")

 

[رنين]

و اياج حبيبتي كويتيه

 

[امون حبيبة زوجها]

وي وي وي عاد انا مااعرف الا انام وانا ماكله بندول وقت الدوره ولا اموت من الالم

بس اذا جتنيي هالشهر عساها ماتجي يارب بس ان جت اراح اكل انشالله

مشكوره حبيبتي جزاج الله خير

 

[maryam_q8]

مشكورة حبيبتي على المعلومة والله وقتنا متسبب على اي شي ، الله يرزقكم الذرية الصالحة " وان شكرتم لأزيدنكم " الحمدلله على كل حال

 

[رنين]

أمون جربي تاخذين حبوب الدوره و حاولي توقفين البنادول قد ما تقدرين لعلها تكون سبه باذن الله


العفو مريم و حياج الله

 

[الدم البنفسجي]

تسلمين على المعلومه

 

[زنوبة الحلوة]

مشكورة على المعلومة حبيبتي

الله يرزقنا ويرزق الجميع بالذرية الصالحة

 

[ام يوسف القمر]

ياسبحان الله البندول
عاد احنا حيل بس يلا نجرب

 

[ام يارا]

انا الحمدالله ما اخذ بندول بالمره بس الله ما كتب لنا الحمل قدر الله و مشاء فعل

مشكوره ع المعلومه