مافيه حماس

[العـــذوب]

اهلين بنات انا ماكملت سنة من تزوجت
بس فيه شغلة زوجي ابد مايتحمس لي من بداية زواجنا
ما اقولكم ماكان زين ويااي
بس ما اشوف فيه لهفة شوووق
احسه عاادي حيل ..
هذا بالنسبه لبداية زواجنا مهم ماعنده مشكله انشغل مع حد غيرة
اهله .. صديقاتي .. زيارات
ماقد مره قال جلسي ويااي
شغلة ثانيه لما يجيه النوم ينام مايسال علي
وحتى يعطيني ظهره .. مادري شقول الحمد الله على كل حال بس جد ماكو حماااس نهائيا
الحين بعد حمالي ومرت شهورعلى زواجنا زاد انشغااله
يعني من الدوام يطلع يتغدى ويطلع يرد على وقت العشى يتعشى ويدش ينام
كلامه مو شين وياااي بس هم ماااافيه لهفه مافيه شوووق
اذا حس ضايق خلقي قال خاطرج تروحين تغيرين جو كم يوم عند اهلج
اقول ايه عبالي بيشتاق .. ارووح مايقولي ردي ليما اكلمه اقول خلاص برد بيتي عندي شغل او ابي شغلة ( اخترع اعذااار ) واا رديت عادي يسولف وياي ع السريع مثل اخو واخته ويطلع يكمل مشاويرة


باختصااار مافيه حماااس حتى بالامور الخااصه .. تصير بشكل جدا عادي ماقدر افصل اكثر
انا اللي مخوفني بالموضوع يمكن انا مو مضبوطة
لان الشكل الظاهري الحمد الله بشهادة الجميع حلوة وهادية وماني حنانه ولا زنانه

المشكله وين فيني او فيه وشلون تنحل

وجزاكم الله خير مقدما

 

[لولو كـاتي]

يمكن لانك من النوع الهادي

حاولي تكونين لهلوبه لعووبه فرفشي بعض الرجال يجذبهم هالنوع

 

[يؤ !!]

انتي قلتي من البدايه ماكان زين وياي
يمكن هذا طبع في زوجك يعني العيب مو منك ولا اقول من زوجك
هو طبع فيه لا اكثر ترى واااجد رجال كذا بارده مشاعرهم
انتي سويتي اللي عليك والله يهديه ويسخركم لبعض
موفقه

 

[احبه واهو يحبني]

هلا حياتي انا ابي اقولك طبيعي بدايه الزواج يكون زوجك كذا لانه مو متعود على الحياه الزوجيه وانها تكون مشاركه بين الطرفين في كل شي انتي حاولي لمن يجي وينام تعاتبينه وتقوليله بدلع افا تنام قبل ماتبوسني وتضمني وتدلعي عليه وماتخلينه ينام الابحضنك ترااااااااها مساله تعوووووووويد عوديه على نفسك عامليه كانه طفلك صدقيني يسير مايقدر يستغني عنك وصدق المثل ابنك على ماتربيه وزوجك على ماتعوديه والله يوفقك

 

[قطوووة]

خلج جريئه ؤدلؤعه اكثر

 

[مناير ...!]

انتي سولفي ورتبي لج قعده معاه
حطي قهوه وحلى وتابعي معاه تلفزيون اي شي
والله يهون عليج ويسخره لج

 

[المستبدة3]

جنج تتحجين عني

 

[Heart.LesS !!]

والله قاعده اشوف نفسي فييييج

 

[كربون امها]

الزواج خمس سنين مافي تفاهم فما بالج انت توج يمكن مافي تفاهم او الرجل عاش مرحلة طفولة صعبة وقامت تطلع عليه الحين
ماتدرين
او هو من النوع الجامد تي تي زي مارحتي زي ماجيتي كعدي معاه وحاولي تفهمين السبب والله يعينج ياقلبي

 

[شرغوفة]

السلااام عليكم ورحمة الله
اختي الغالية العذوب انتي حااولي اتغيرين من نفسج علشااان تجذبينه لج يعني ادلعي ازيااااده سوي جوو فالبيت لي قال بطلع عااادي صيري جااهل تعلقي برقبتة وقوليله كلااام حلووو بذنه انتي اشوي خلج فرفوووشة شكلج ووايد هاديه مااا اقدر اقوولج اكثر اهني اسمحيلي بس اذاا محتاااجة مسااعدة انااا ترى باشوفة بس راسليني على الخاص وربي يسخركم لبعض ويهدي سركم ​

 

[حبي للابد]

قلبي عااادي لا تحاااتين ،،، انتو توكم ما صارلكم سنه ! يمكن ما تعود على القعده وياج !

اكسبيه و عوديه على الاقل يقعد معج سااااعه ، نعمه والله

والله يهون عليج يالحلوه

 

[~حبيبة خلودي~]

الله يعينج

 

[أم ميميتو]

اكبر غلط ان الزوجه تترك زوجها و تروح تنام عند اهلها روحي عندهم قضي النهار كله هناك بس وقت النوم ردي بيتج و المفروض من البدايه تعودينه على طبعج مو قاعده و ساكته طلعي معاه عوديه انج ما تطلعين وايد من غيره انا جذي اسوي مع روجي

 

[sosowaty]

الله يهدي النفوس

 

[زوجة عزيز]

الله يسخره لج

 

[ام وحش]

الله يسخره لج

 

[دلع انثه]

الله يهديه لج حاولي تصيرين جريئه معاه وسولفي وجذي ولاتعودينه انج تروحين بيت اهلج وينام بروحه
وصدقيني عوديه علي اشياء وراح يتعود عليها واهو من نفسه راح يسويها

 

[" ام حمود "]

الله يسخره لج حبيبتيء ..
بس حبوبة لاتسكتين ع الوضع هذا ماراح تحسين الحين بعدين تحسين
قعدي معاه قوليله ع اللي بقلبج يمكن اهوه غافل عن هالشيء او مو قصده
كلميه بهدوووء واخذيه بالسياسه ونزلي شوي دمووع والله بس جذي
عشان يتعطف عليج لوول ان شاءالله يتغير للآفضل
الله يسسهل عليج وتقومين بالسلااااامة

 

[شادن33]

هو هادي صيري انتي فرفوشه هاي الحل

 

[dubai girl]

الاضداد تتجاذب ههه
يعني الاثنين هاديين مايصير ملل
خلج شيطونه دلوعه